كل السفاتي والرماميق تتلاه/لأسير النور(جديد).......الحل:كف بحث...حله:طرجم [الأرشيف]

مشاهدة النسخة كاملة : كل السفاتي والرماميق تتلاه/لأسير النور(جديد).......الحل:كف بحث...حله:طرجم

ال-رايق

03/08/2012, 09:56 PM

السلام عليكم ورحمة الله وبركاته
اخواني اللغز هذا قصة حقيقية صارت علي /سوف اوردها ان شاء الله بعد الحل/حيث حبيت من خلاله التحذير او النصيحه لكم كي لاتقعون فيما وقعت فيه
واللغز موجه لحبيبنا/اسير النور ولا تهونون والرمع للجميع

منّي لأسير النور مع طاري الشوق=أزكى سلامي والتحيات مثناه
سلام أحلى من حليب أجود النوق=عنود وضحى بكرة ناد مفلاه
وياراكب من عندنا فوق مسروق=والحمدلله عقب فترة وجدناه
لكن قهرني ذلك الصول مرزوق=قلت العلوم وقال علمك خذيناه
ومن بعدها والورع ماشي مع السوق=كل السفاتي والرماميق تتلاه
كلمني يابوي الحق وريعك ملحوق=قلت انضبط في عمرك مافيه باباه
يوم اني كبرك كنت طير بلاسبوق=قال استرح لوك معي صرت داداه
ومشيت وفكري يلعب من تحت الى فوق=كنّه ثليجة وسط ترمس قضى ماه
وياويش رجل يبدا اسمه في مخلوق=ثم ينتهي في قوقل مع ساس معناه
وهذا الرجل ياربع شدّوا به وثوق=قبل الندم والبابا تغدي مباباة
مع تحيات اخوكم/ال-رايق
مكشات/خيمة الألغاز
***ملاحظه/الصول=رئيس رقباء***

torrjom

03/08/2012, 10:45 PM

صح السانك

اخوي ابومهند

ابداع الله يزيدك

جزل من جزل

واسير يستاهل

والله اني على عجله من امري

لكن قلت لازم اسجل حضور واشيد بهالمزيون

كل الوووووووووووووووووود

صقر السديرات

03/08/2012, 11:34 PM

تحياتي لشخصكم الكريم
صح لسانك يا مبدع
نقول كلبشة
كلب وبشة
دمت بخير

ا لجوا ل

04/08/2012, 12:19 AM

بسم الله

بواق

ابوالفهد33

04/08/2012, 12:46 AM

ال-رايق

04/08/2012, 12:48 AM

صح السانك

اخوي ابومهند

ابداع الله يزيدك

جزل من جزل

واسير يستاهل

والله اني على عجله من امري

لكن قلت لازم اسجل حضور واشيد بهالمزيون

كل الوووووووووووووووووود

iهلا وسهلا ومراحب باخونا/طرجم
والله لايهينك على مرورك الطيب وكل كلمة قلتها افتخر فيها واشادتك راس مال/والمزيون والزين كله تنفيذ واخراج و وانتاج/ابو عبدالعزيز وابداعه.
تحياتي

ال-رايق

04/08/2012, 12:50 AM

تحياتي لشخصكم الكريم
صح لسانك يا مبدع
نقول كلبشة
كلب وبشة
دمت بخير

ولسانك
وصح بدنك يابو فيصل
والرمعه مالك لواء
تمعن بالابيات /واستنتج الحل حسب تسلسل القصه
احترامي سعادة المبدع

ال-رايق

04/08/2012, 12:53 AM

بسم الله

بواق

والحمدلله
اخوي الجوال وارحب
--------
غير صحيح /القصة تمت السرقة والسارق سرى =اريد المطلوب وهو اسم مركب يبدأ في مخلوق(انسان)
وينتهي في قوقل/ورمضان كريم -عروض رمضانية:D::

ال-رايق

04/08/2012, 12:55 AM

صح لسانك

محاولة:

http://upload.wikimedia.org/wikipedia/commons/thumb/5/5f/Passport_of_Saudi_Arabia.jpg/200px-Passport_of_Saudi_Arabia.jpg
جواز السفر(البســــــ بورت)

ولسانك يابو الفهد
ويامرحبا ترحيبة نفر بدو ونفر حضر وكلوه نفرات للسيل
والرمعه مالك لواء مع ان لها في الموضوع لكن من بعيد
ارجو ملاحظة الردود السابقة

ناصر العلي

04/08/2012, 01:03 AM

وعليكم السلام ورحمة الله وبركاته
سلمت يالغالي
وصح لسانك
وأبوعبدالرحمن كفو ويستاهل
محاولة
هــــرقــــل

ابوالفهد33

04/08/2012, 01:04 AM

محاولة أخرى :

دبــــاب

عامر الروقي

04/08/2012, 01:07 AM

الشاعر
الرايق صح لسانك على نظم اللغز ولا هنت
وشرايك في (الغز و الرايق)

ال-رايق

04/08/2012, 01:08 AM

وعليكم السلام ورحمة الله وبركاته
سلمت يالغالي
وصح لسانك
وأبوعبدالرحمن كفو ويستاهل
محاولة
هرقل

هلا وغلا حبيب الشعب /ابو علي
ويامرحبا ونورك غطّى الكهرباء
وطفّى الليتات حتى الشبّة اللي صوب ييراننا في خيمة السوالف الشعبية اللي راعي العيرا منوّرها هم طفت من قو ليتك يابوعلي..اسمح لي تعبير فرحه:D:good2:
----
الرمعه بعيده يالغالي
واللي خبير بالجنايات يجيب خبره او ماكل العلقة مثلي..لذا الموضوع بعد يستوي على قولة اخواننا الاماراتية (فيه نصيحه)هاونّا ياربيعي:D

ال-رايق

04/08/2012, 01:11 AM

محاولة أخرى :

دبــــاب

مالك لواء متقاعد اخوي/ابوالفهد
والمطلوب بين المواطن والحكومة
هيا ارزع به

ناصر العلي

04/08/2012, 01:12 AM

هلا وغلا حبيب الشعب /ابو علي

ويامرحبا ونورك غطّى الكهرباء
وطفّى الليتات حتى الشبّة اللي صوب ييراننا في خيمة السوالف الشعبية اللي راعي العيرا منوّرها هم طفت من قو ليتك يابوعلي..اسمح لي تعبير فرحه:D:good2:
----
الرمعه بعيده يالغالي

واللي خبير بالجنايات يجيب خبره او ماكل العلقة مثلي..لذا الموضوع بعد يستوي على قولة اخواننا الاماراتية (فيه نصيحه)هاونّا ياربيعي:D

هلا بك أكثر يالغالي
وأشهد الله إني أحبك فيه ياأبومهند
وماشاءالله عليك
تترمس بجميع اللهجات:D
والتفكير جار

ال-رايق

04/08/2012, 01:13 AM

الشاعر
الرايق صح لسانك على نظم اللغز ولا هنت
وشرايك في (الغز و الرايق)

يامرحبا اخوي/عامر
وال-رايق وولده له في الموضوع لاعدمتك
لكن شيء يخصني ويخصك ويخص المواطنين
بعدين تعرف ليه انا متحمس
والموضوع مافيه جرح مشاعر بالعكس لأخذ الحيطة

torrjom

04/08/2012, 01:13 AM

نرمع ياابومهند

نقول

كف البحث

ولا تروح فيها اذا ماكفيته

مثل سالفة ولدك الله يخليه لك

كل الووووووووووود

ناصر العلي

04/08/2012, 01:17 AM

نرمع ياابومهند

نقول

كف البحث

ولا تروح فيها اذا ماكفيته

مثل سالفة ولدك الله يخليه لك

كل الووووووووووود

كفوو والله ياأبوعبدالعزيز
أنت الله يهديك ياأبومهند مبلغ عن سرقة سيارة وحصلته بس ما سويت
كف بحث
وربعنا مايلقون السيارة إلا إذا صارت مع راعيّه

ال-رايق

04/08/2012, 01:36 AM

نرمع ياابومهند

كف بحث

كل الووووووووووود

أبو عبدالعزيز
خل اتساوا وأرسل لك على قولة حبيب الكل ابو علي(مطخة على الصلعه)
بيض الله وجهك
-----------
القناص ماشاء الله(طرجم/ابوعبدالعزيز)
الحل (كف بحث)
التوضيح:
يبدا بالانسان(كف)ينتهي بقوقل وساسه(البحث وقوقل مهمته الاساسية البحث)
القصة:
قبل كم سنه انسرق موتر الولد ماله اسبوع فرحان به من امام ملاهي الروضة وكان مودي اخوانه تعرفون للعب,,الحاصل رحنا القسم واحسن كلمة قالها -الصول مرزوق-طبعا الاسم غير لأني ما ابغى ارجع للماضي ومثل مايقولون((مايرجع في المناحي الا البقر))قال رئيس الرقباء--(يابن الحلال انت رقم 8 اللي يبلغون الليلة ومواتر احسن من موترك..بلعتها وانا ماني قليل شر ,,قلت وين الضابط قال في مكتبه وهو غير موجود طبعا ..طلعنا وسووا التعميم اللي زي قلته وعممت بطريقتي على الربع والمعارف اللي في المباحث واللي في الشرط والدوريات وحصلناه ملعوب فيه ومن حسن الحظ طفى على اللي سرقوه وتركوه في منطقة -السلي-وصلحناه بمالايقل عن 3800ريال..
المصيبة تكمن في التالي:
طبعا مسوي ((كف بحث:type:))لكن ما اسقطوه قليلين المروّه من الجهاز -ويروح الولد هالك اليوم :redcar:جهة حي المروج وكان ايامها البلد فيه مافيه:j:j:alarm:وشوي الا الدوريات على جنب:director: وليتها وحده يجي عشر-طبعا في ذمة الراوي-والحمدلله ان -صورة من كف البحث موجودة معي..ونراجعهم قالوا خلاص ..وبعد فترة يمسكونه في مركز سلطانه والحمدلله معه صورة واروح لمساعد قائد امن الطرق قال ابشر.
لذا انصح بالاتي:
اذا عممت تأكد ان تعميمك اشتمل نوعين(الامن الداخلي والمنافذ خصوصا على العمالة لأنهم يعممون بالداخل ويتركون بعض الاحيان من قل الدبرة المنافذ..لذا تابع الموضوع)
ثانيا اذا انتهى الموضوع اطلب كف بحث وتأكد انه الغي لايجي يوم وانت تدربي راسك خصوصا سفرات صوب دول الخليج والاجازة ماجت الا عقب طلبات مسؤليك وقبلها تطلب الله عسى في الامر خيرة..
ثالثا كل اللي قلته من تقصير من الافراد لا من الحكومة/الحكومة فقط لو تشدد عقوبة سرقة السيارات مثل بعض الدول -(5سنوات)ماحصلت هالمشاكل وأولها التفحيط صدقوني تنتهي هالظاهرة القذرة ولا وش الذنب اللي سويناه اذا جا ولدة....وسرق سيارة فلان ادمي اللي دافع عليها كذا الف والادهى والامر اذا كانت تقسيط وكل شهر يسدد في الهواء الله يكون بعونه.
آسف للاطاله والله الهادي الى سواء السبيل.

ناصر العلي

04/08/2012, 01:46 AM

صح لسانك يالغالي
والله يالغالي خوش سالفة
ونفس هالسيناريو مر على أشخاص كثير
ولقد ناقش مسلسل طاش ماطاش فى إحدى حلقاته هذه المشكلة
ولكن؟!
الشق أكبر من الرقعة ياأبومهند

ال-رايق

04/08/2012, 01:49 AM

كفوو والله ياأبوعبدالعزيز
أنت الله يهديك ياأبومهند مبلغ عن سرقة سيارة وحصلته بس ما سويت
كف بحث
وربعنا مايلقون السيارة إلا إذا صارت مع راعيّه

ابو علي
لاعدمتك والله مسوين كف بحث ولا تجهلني الامور هذي ويكفي ان واحد من اخواني باحد الاقسام لكن ماهو بقسم الروضه وموجهنا=عدا المعارف عد واغلط=لكن ماسحبوه حتى مركز سلطانه(امن طرق)ما انسحب حتى رحت لمساعد المدير او الرئيس ناسي مسماه الوظيفي.
التقصير واللي انا انصح فيه انك تشيك بعدها على كل الادارات -

عامر الروقي

04/08/2012, 01:56 AM

الشاعر

الراقي يبطي بيومك ((ارفع يديني للولي واقول الله يقر عينك بالي يرجيك وترجيه))

ومن مثلك وشرواك استفدنا

تقدير واحترام

torrjom

04/08/2012, 02:15 AM

ماعليك زود ياابوعلي

والله يجزاك خير يااخوي ابومهند

على هالنصايح لاخوانك

والله انك صادق

وما خفي كان اعظم

يعني الشق اكبر من الرقعه

لكن الله يزين الامور

ولا حنا ماشين بالبركه

كل الوووووووووووووووود

أبوعبدالرحمن99

04/08/2012, 02:34 AM

torrjom

04/08/2012, 02:58 AM

لله درك يااسير النور

لله درك ياابوعبدالرحمن

صح السانك مليون

والله يزيدك من فضله

اخر شطر

والاعتذار اتسير يمك مطاياه

نورن مايطفى

والشكر موصول لابو مهند

اللي سند عليك وطلع لنا درر من عندك

كل الوووووووووووووووووووود

ال-رايق

04/08/2012, 03:04 AM

الشاعر

الراقي يبطي بيومك ((ارفع يديني للولي واقول الله يقر عينك بالي يرجيك وترجيه))

ومن مثلك وشرواك استفدنا

تقدير واحترام

اخوي/عامر
عز الله انك اخجلتني بما تسطره يمناك كفيت العوق من كل مخلوق
وعسى لك بالمثل في دعواتك ومن لديك عزيز
والمنتدى الطيب اللي شرفنا والله بمعرفة مثلك وشرواك
الله يعزك ولا يعز عليك ...ويرفع مقدارك عند ربك وأحبابك.

ال-رايق

04/08/2012, 03:09 AM

حي الجواب و حي راعيه في شوق=و عساه يكسب دايم اللي تمناه
و عساه يعذر غيبتي قبل ما افوق=و اقرا قصيده يوم فكره تبناه
انا اشهد إنه يا ولد عذب منطوق=و اعذب من الكلمات طيبه و مجناه
اسناد لغزه يمنا للفخر طوق=و اجمل وسام أهداه يمي و شفناه
اللغز راح و صار بالحل محروق=و الله يهني من رماه و تعشاه
و الصبر زين و كل مطرود ملحوق=لكن بعض الصبر تتعب سواياه
ودي تعامل ردي الحين برفوق=إن كان شحت صفحتي بالمجاراه
و اقول تسلم يا عسا منزلك فوق=و الدار تسكن جنته في علاياه
في يوم يخشى رهبته كل مخلوق= و عساك ممن يفرح بعفو مولاه
و لك الشكر في تالي الرد مرفوق=و الاعتذار اتسير يمك مطاياه

لله درك يااسير النور

صح السانك مليون

والله يزيدك من فضله

اخر شطر

والاعتذار اتسير يمك مطاياه

نورن مايطفى

والشكر موصول لابو مهند

اللي سند عليك وطلع لنا درر من عندك

كل الوووووووووووووووووووود

ألف مليار تحية وقليلة في حقك أخوي!
ووالله لو ينزل في راسي دوواوين الآن ليشيب القاف تقديرا واحتراما لبيوتك والاجلال لكلام الله سبحانه وتعالى وهدي نبيه.
الا ان ماأجادت به قريحتك أزكى من العود الازرق فلا طيب يتلى العود
يسلم القصيد وراعيه/وأبشر بالعوض ان فات اللغز ومعذور
===كذلك كلام ابو عبدالعزيز فوق ويفوق الله يرفع مقداركم ومن يقرأأأأأأأأأأ.

أبو ذيب 77

04/08/2012, 03:18 AM

الله يخلف علي اجل...

عندي كف بحث عن اسلحه مسروقه بس شققته عقب مارجعت لي

ال-رايق

04/08/2012, 10:35 PM

الله يخلف علي اجل...

عندي كف بحث عن اسلحه مسروقه بس شققته عقب مارجعت لي

تلقى عندهم صورة او اطلب بدل
خوووووووووووووووووفه
لا تستخدم في غير محلها
عسى الله يعوضك ويستر عليك