استفسارات وآبي حل من هل الخبره .,

[سوبر صقار]

السلام عليكم ورحمة الله
شلونكم و شخبآركم ., شهر مبآرك ع الجميع.,

اخوآني عندي استفسآرآت بسيطه .,عندي شآهين ...

1/ يصآرخ ., :( بالله ابي حل سريع لانه يفشلني قداام ربعي :mad:
2/ متى يطيح ريش الشاهين ..؟ الى الان افضل ريشه طآحت يعني مثل( الحمامه) صغير .,
3/ كيف اعرف عمره ..,؟!
3/ السؤال الاهم .,؟؟؟؟ ابي اشتريله انثى (تكآثر)* نصيحتكم لي .,,, اغير نسله ولا اشتريله شيهانه .,:)
4/ وقت تكاثر الصقوور .,!؟

واخيراً وليس اخراً الله يتقبل منا ومنكم صالح الاعمال .

[جلاد الحباري]

الطير الصياح بقوه وعلى طول ماله حل ابدا اما الطير اللي يصيح على خفيف هذا بطريقتك الخاصه وحسب صقارتك تقدر تصقره من جديد لكن الموضوع يبيله طولة بال ويبي صقار محترف اما ريش الشاهين فقرناسه يتأخر دائما ولا يصفي اغلبه الا في المربعانيه وبالنسبه لعمر الطير يبين من ريشه وهذي ماتنفع الا انك تشوف قدامك طيور مختلفه اعمارها ومعك صقاقير يوضحون الفروقات اما تبي تشتري شاهين ثانيه وتبي تفرخ هذي معليش اخوي صعبة جدا عليك تبي خبراء مثل العرادي بالسعوديه هو اكثر شخص يبخص بالامور هذي وانا اقول من الحين شلها من راسك هذي طيور ولها بيئه خاصه ماتقارن بالدواجن نهائيا وتقبل تحياتي

[عشق الرحيل]

أفدم أخونا جلاد الحباري وبالتوفيق للجميع ان شالله .......

[MMMمخاويMMM]

افادك اخوي جلاد الحباري....وبالتوفيق لك.

[ألاشعل]

حبيبي طيورك انا بشريهن منك كلهن ب ١٠٠٠ ريال والي تبيلك جوال ايفن 4G اسود 32قيقا وريح راسك وافعلك النت بشريحت بيانات 5 قيقا ان بعتني راسلني علي الوات ساب العرض مغري وانصحك توافق مالك ومال وجع الراس

[عبدالرحمن بن ذياب]

خل الرجال يتعلم و يسأل يالأشعل ما هنا خلاف الله يهديك

[قلب ذيب]

1/ يصآرخ ., :( بالله ابي حل سريع لانه يفشلني قداام ربعي :mad:
..... يصارخ يعني طيرك جني عش (اي ماخوذ من العش ) والصراخ مابيتركه ابدا كلما بيشوفك بصرخ ويقول في قرارة نفسه . . تكفا اطلقني لوجه الله
2/ متى يطيح ريش الشاهين ..؟ الى الان افضل ريشه طآحت يعني مثل( الحمامه) صغير .,
ريش شاهينك مابيطيح لين تربطه في مربط لمدة 6 شهور وبيطيح بعض الريش والاخر بيحتفظ به !
3/ كيف اعرف عمره ..,؟!
. . . شوفلك صقار بيعلمك كم عمرررررررره
3/ السؤال الاهم .,؟؟؟؟ ابي اشتريله انثى (تكآثر)* نصيحتكم لي .,,, اغير نسله ولا اشتريله شيهانه .,:)
..... يمكن يكون هوووووووو انثى , وصراخها يعني رفضها للزواج ههههههه ( امزح معك ) التكاثر صعب .
4/ وقت تكاثر الصقوور .,!؟
..... افضل شي اطلق سراحه وبيتكاثر في الجبال.
الله يوفقك ياولدي شف لك صقاقير وخاوهم وتعلم منهم , وانا متأكد بتكون بعد كم سنه أكبر صقار , بس انصحك اذا كنت طالب ابتعد عن الطيور الى أن تتم دراستك ........ الله يوفقك .

[عاذي]

1/ يصآرخ ., :( بالله ابي حل سريع لانه يفشلني قداام ربعي :mad:
..... يصارخ يعني طيرك جني عش (اي ماخوذ من العش ) والصراخ مابيتركه ابدا كلما بيشوفك بصرخ ويقول في قرارة نفسه . . تكفا اطلقني لوجه الله
2/ متى يطيح ريش الشاهين ..؟ الى الان افضل ريشه طآحت يعني مثل( الحمامه) صغير .,
ريش شاهينك مابيطيح لين تربطه في مربط لمدة 6 شهور وبيطيح بعض الريش والاخر بيحتفظ به !
3/ كيف اعرف عمره ..,؟!
. . . شوفلك صقار بيعلمك كم عمرررررررره
3/ السؤال الاهم .,؟؟؟؟ ابي اشتريله انثى (تكآثر)* نصيحتكم لي .,,, اغير نسله ولا اشتريله شيهانه .,:)
..... يمكن يكون هوووووووو انثى , وصراخها يعني رفضها للزواج ههههههه ( امزح معك ) التكاثر صعب .
4/ وقت تكاثر الصقوور .,!؟
..... افضل شي اطلق سراحه وبيتكاثر في الجبال.
الله يوفقك ياولدي شف لك صقاقير وخاوهم وتعلم منهم , وانا متأكد بتكون بعد كم سنه أكبر صقار , بس انصحك اذا كنت طالب ابتعد عن الطيور الى أن تتم دراستك ........ الله يوفقك .

كفييت وفييت ياقلب ذيب .. واشكرك على سعة صدرك .

[ســـبــار ربــعـــه]

ماقصر ابو ماجد والله يوفقك لما يحبه ويرضاه ومثل ماقال ابو ماجد الدراسه اهم شي اذا ضمنت مستقبلك حققت هوايتك خذها رهاوي على ذراعك.
فالصقاره هوايه وافضل الهوايات الي تمارسها على قوه.

[سوبر صقار]

الله يعطيكم العافيه ماقصرتوآ وآسف جداً ع التأخير ,. كلكم ع راسي من فووق الله يحفظكم "
وابشركم رجعت من السفر ومحصل الوالد شرى 5 طيور وآفيه يعني صاير "الوالد"_ صقاار_ الله يحفظه" يقلدني "
لا عدمناكم وبيض الله وجيهكم "