جهاز غسيل الرديتر وبلف الحرارة -نيسان باترول @

[صدى الاطلال]

الاخوة الكرام
السلام عليكم ورحمة الله وبركاته وبعد
من المرحومين والمغفور لهم وعتقاء ناره في هذا الشهر الكريم باذن الله
حاب استشيركم ايها الاحبة الكرام في موضوع وهو
انني اريد غسيل الرديتر والسلندربالجهاز الخاص بالغسيل اللي يوصله بخراطيش المكينة والرديتر ولابد من اخراج البلف وانا بغيره اصلا
والسؤال / هل اغير نفس بلف وكالته او هناك بلف افضل من حيث انه يفتح على درجة حرارة اقل ؟
والسيارة سوبر سفاري باترول 1999 - بخاخ - مكينة 4500
وحدود استشارتكم في العناصر التالية -لاهنتم -
1- هل اغير بلف نفس الوكالة والحرارة اواغير بلف باترول ديزل او من وكالة تويوتا اقل حرارة؟
2- ياليت طرح البديل الافضل المناسب من غير ترهيم او نقص او زيادة بحيث يركب مكان القديم سلام سلام غير ماذكر ان وجد!!؟
3-كم السعر التقريبي لبلف الحرارة + الغسيل اجمالا مع الطلبات!!
شاكرا للجميع تكرمهم علينا بالافادة - سلفا -:good2:

[خبايا انسان]

البلف والله ما ادري وش الي يصلح ,,

اما غسيل الاديتر والسرندل مايحتاج جهاز

الصنعيه القديمه ورشة البركات يغسلونه ويضبطونه لك ب 30 ريال

وكرتون ماء مقطر ب 10 , ومحلول ماء رديتر اصلي بقرابه ال 40 ريال


---------------------

انا موتري ربع باترول كربريتور موديل 93 , وش افضل بلف ؟ ؟

[عبدالله20008]

الي بالصناعيه يقول لك نبي نغسل السرندل نصابين
انت فك الخرطوش الي تحت وحط اللي حق الماء من الغطا حق الرديتر وش الماء وشغل السياره
همن تصبر شوي وطف السياره وخل الماء ينزل همن عبه مويه اصليه

[sgl2002]

لا لا لا

خلك من النصابين


رح لنوماس بصناعية الخليج وخذ من عنده منظف رديرات

خذ اثنين ١٥ ريال للواحد

فرغ الرديتر وكب المحلول وعب وراه ماء لين يمتلي الرديتر وشغل الموتر وشغل المكيف الحار

اتركه ربع ساعه وطفه وخله يبرد وفرغ الماء

كرر مره اخرى العملية بالعلبة الثانية

اخر مره عبه موية فقط عشان ينغسل

وفي الاخير عبه موية تويوتا جالون واحد والباقي مقطر

بالنسبة للبلف بلف بلاده هو الافضل

ركبه انت بيدك وحط على الكوع سيلكون وطبق الكوع

البلف ناظر فيه سهم طالع لفوق يعني لاتخلي السهم تحت

[صدى الاطلال]

البلف والله ما ادري وش الي يصلح ,,

اما غسيل الاديتر والسرندل مايحتاج جهاز

الصنعيه القديمه ورشة البركات يغسلونه ويضبطونه لك ب 30 ريال

وكرتون ماء مقطر ب 10 , ومحلول ماء رديتر اصلي بقرابه ال 40 ريال


---------------------

انا موتري ربع باترول كربريتور موديل 93 , وش افضل بلف ؟ ؟


جزاك الله خير
وشاكر مرورك
وبالنسبة لافضل بلف لموترك ؟ انت جاوب على سؤالي اول وبعدين انا بجاوب على سؤالك:D
امزح الله يحفظك وانا مدري والله ياخك وش الانسب ولكن بلف بلاده اتوقع هو الافضل ةناس يمدحون بلف الديزل وحنا تهنا بن البنزين والديزل
موفق

[صدى الاطلال]

الي بالصناعيه يقول لك نبي نغسل السرندل نصابين
انت فك الخرطوش الي تحت وحط اللي حق الماء من الغطا حق الرديتر وش الماء وشغل السياره
همن تصبر شوي وطف السياره وخل الماء ينزل همن عبه مويه اصليه

صدقت ياخوك بس خايف احوس ام الشغلة:D
وبدل اخسر مية والا ثمانين اخسر اكثر
والمثل يقول ( البخيل يخسر مرتين )
انا أؤيد العمل الذاتي الشخصي وعلى قولة الشيخ اصيل حجازي ربنا يوفقه والجميع - اشتغل عملك بيدك بشحمك ولحمك:D
لكن اذا مافي مشرف يتابع ويصوب الاخطاء والا تبقى تجربة اليمة:D ومفيدة وتاخذ وقت طويل
شااااااكر جدا جدا وموفق خير:good2:

[صدى الاطلال]

لا لا لا

خلك من النصابين


رح لنوماس بصناعية الخليج وخذ من عنده منظف رديرات

خذ اثنين 15 ريال للواحد

فرغ الرديتر وكب المحلول وعب وراه ماء لين يمتلي الرديتر وشغل الموتر وشغل المكيف الحار

اتركه ربع ساعه وطفه وخله يبرد وفرغ الماء

كرر مره اخرى العملية بالعلبة الثانية

اخر مره عبه موية فقط عشان ينغسل

وفي الاخير عبه موية تويوتا جالون واحد والباقي مقطر

بالنسبة للبلف بلف بلاده هو الافضل

ركبه انت بيدك وحط على الكوع سيلكون وطبق الكوع

البلف ناظر فيه سهم طالع لفوق يعني لاتخلي السهم تحت


اجل بتوكل على الله وباخذ بلف بلاده ان شاء الله مالم ياتينا شخص بعلم جديد
الا على طاري بلف بلاده
هو بكم سعره:mad:
شاكر لك يالذيب وربي انك نشمي لاهنت:good2: