استفسار والله يتقبل ممنا ومنكم قيامكم وصيامكم

[مولع بالطير]

اخواني عندي 9 خلفات معهن عيالهن وناوي باذن الله اذا الله اراد ان شاء الله اعطيهن يوم كيس شعير الصبح والعصر ربطت تبن واليوم الثاني كيس مكعب وافي مع ربطت تبن هل يضرهن ولا يزين حالهن مع العلم الحمدلله حالهن طيب ماغير ناقيتن لاحقهن ضعف ؟

[ابو الشبرميات]

اخوي مولع بالطير
التنويع في الاكل ممتاز جداً ومفيد للحلال
وبالنسبة للشعير والمكعب
الكيس مناسب لهن وعيالهن دام الحشو صغار
واذا كبرن لازم تزيده شوي
وبالنسبة للتبن الله يكرمك والاخوان ربطة وحدة ما تكفي ابد
يبي لك تزودها
والصغار لو تعزلها عن امهاتها طول النهار وتفكها العصر كان ازين لها ولامهاتها
وتبي تشوف الفرق بعد فترة بسيطة
باذن الله
...

[مولع بالطير]

الله يجزاك خير ويرحم والديك اخوي طيب لو اعطيها يومي كيس شعير لان الاخوان خوفوني من المكعب الي يقول يطش القحات والي يقول يذبح والحلال غالي عند راعيه لو ماهو غالي بالسوووق وش تنصحني فيه الحشايش زهقت منها ولانفعت حلالي اعطيها يومي كيس شعير ولا طريقتي زينه يوم كيس شعير ويوم مكعب

[محمدالزبيدي]

أخي مولع بالطير

الله يبارك لك في حلالك ما شاء الله تبارك الله
برأيي أن الحلال ما يطيبه غير المرعى نهارها كله
وعند المساء تضع لها شعير أو مكعب أو تبن
ولو كام المرعى زين يكفيها نص اللي ذكرت
والحشو تعزلها من الصبح الى المساء وتفكها على امهاتها
والاخوان أخبر وادرى وإن شاء الله تجد الرأي الزين

[جبل حبشي]

أخي مولع بالطير
الله يبارك لك في حلالك ما شاء الله تبارك الله
أذا الحلال يسرح وعندها حمض
عطها ربطة برسيم الصباح وخلها تسرح ومع الظهر عطها شعير وخلها تقيل عليه
والعصر فكها تسرح والمغرب برسيم وتبن
وشوف الأحوال
الناقة الضعيف أذا تبي تبرها عطها بالليل مكعب
والمكعب أنا ما أنصح فيه بالحيل يطلع خراج بالأبل ويغير الحليب شوي

[عواد الشمري2]

لا مايضر بس لو توحد العلف يكون افضل

[مولع بالطير]

الله يجزاكم خير ولايوريكم مكروه