ياويش بنت تاكل اجسام موتا...........الحل المخرطه ......حله ناصر العلي

[راعي العجراء]

السلام عليكم ورحمة الله وبركاته
لغز جديد


ياويش بنت تاكل اجسام موتا = ريحة شواها بين روحه وجيه
واللي بقى من اكلها صعب يوتا =حامي شواها ولا تمد العطيه
لاياكله طير ولا بطن حوتا = ان اشهد انه ماوراها بقيه

دمتم ب
طيبين

[صقر السديرات]

[CEصح لسانك
مبدع ومتالق
اتمنى تكون بصحة ممتازة
مايكون صيخ الشورما او اسياخ الشوي
دمت بخيرNTER][/CENTER]

[راعي العجراء]

[CEصح لسانك
مبدع ومتالق
اتمنى تكون بصحة ممتازة
مايكون صيخ الشورما او اسياخ الشوي
دمت بخيرNTER][/center]

انت مبدع في امارة الضلع الحمر ياصقر السديرات
كثر الذبايح ضيوفك واجد
وانت كلك طيب وكرم
ومالك لوا لاعدمتك
دمت عالي وغالي

[أبوعبدالرحمن99]

بجيب قبل الفوت للرد صوتا = و ارسل سلامي من مرات لضريه
ارسل به اللي مصنعه من تويوتا =يقطع جلابيب الحزم و الوطيه
و كانه جوابي صمت و لا خفوتا = غاديه فكري يعرف البنت ذيه

[ال-رايق]

السلام عليكم ورحمة الله وبركاته
لغز جديد


ياويش بنت تاكل اجسام موتا = ريحة شواها بين روحه وجيه
واللي بقى من اكلها صعب يوتا =حامي شواها ولا تمد العطيه
لاياكله طير ولا بطن حوتا = ان اشهد انه ماوراها بقيه

دمتم ب
طيبين



ياراعي العجراء أبدعت وسموتا=في اللغز ولا في قصصنا الأبيّة
أهلا بها كوكتيل كيوي وتوتا=سهلا بك عبق الورود الزكية
أنت ركّد الكورة وأنا حيل أشوتا=ونسجل ألاقوال صبح وعشية

والرمعه /نتافة الطيور
وتسلم وصح لسانك اخوي ابو جلمبو والحمدلله على السلامة

[راعي العجراء]

[center]



بجيب قبل الفوت للرد صوتا = و ارسل سلامي من مرات لضريه
ارسل به اللي مصنعه من تويوتا =يقطع جلابيب الحزم و الوطيه
و كانه جوابي صمت و لا خفوتا = غاديه فكري يعرف البنت ذيه


ارمع بلغزي قبل مايفوت فوتا =اللغز واضح مثل مقلع طميه
لغز تركز وناقصه بس شوتا = سجل هدفك من على خط ميه

[أبوعبدالرحمن99]

رمعة عن قولت ما رمعت
محرقة الكفرات
أدري من جنبها بس مش حالك !

[راعي العجراء]

[QUOTE=ال-رايق;8596191]


أهلا بها كوكتيل كيوي وتوتا=سهلا بك عبق الورود الزكية

ياراعي العجراء أبدعت وسموتا=في اللغز ولا في قصصنا الأبيّة




أنت ركّد الكورة وأن حيل أشوتا=ونسجل ألاقوال صبح وعشية




والرمعه /نتافة الطيور




وتسلم وصح لسانك اخوي ابو جلمبو والحمدلله على السلامة





سر ياقلم مابين حبر ونوتا = واكتب كلامي ورفقه بالتحيه

مثل الهلال في طلوعه ثبوتا =منصاء ارجال للكرم والحميه

[راعي العجراء]

رمعة عن قولت ما رمعت
محرقة الكفرات
أدري من جنبها بس مش حالك !

هلابك يااسير النور
يالله حيوه
والرمعه مالك لوا لاعدمتك

[أبو ذيب 77]

صح لسانك..

وش تقول في الشيشه.

[راعي العجراء]

صح لسانك..





هلابك يابو ذيب
وصح بدنك
وش تقول في الشيشه.
اقول الضلع الحمر
خذ الوصف من صقر السديرات
مالك لوا يالغالي ولاتزعل من روحة الضلع
الدعوى مزح

[أبوعبدالرحمن99]

طيب وش رايك بمبخرة الشيخ راع السوبيا

[ابو ماجد 2]

مشتاقين لك ولالغازك ياراع العجراء
صح لسانك
محاوله
السكه تأكل الاطارات
او فارة الخشب والموتى الاخشاب

[صقر السديرات]

طيب يا راع العجراء
ان ما صادت رمعة ابو ماجد
نقول المطرق اللي يكوون به المرضى
او الميسم اللي يوسمون به الابل
دمت متسامحا

[النبهاني]

وعليكم السلام ورحمة الله وبركاته
صح لسانك يابناخي منيفه
يمكن النار
الضلع لضامك اللغز وانا ولد ابوي

[ال-رايق]

وعليكم السلام ورحمة الله وبركاته
صح لسانك يابناخي منيفه
يمكن النار
الضلع لضامك اللغز وانا ولد ابوي


لاتعبت يابو سالم عسى الله يقبل
والحمدلله على السلامة

[النبهاني]

لاتعبت يابو سالم عسى الله يقبل


والحمدلله على السلامة




لاندمت يابو مهند والله يسلمك ياخوي
والله يقبل منا ومنك صالح الاعمال وكل مسلم

[ا لجوا ل]

يمكن المقبره

[ابو الشبرميات]

وعليكم السلام ورحمة الله وبركاته
صح لسانك يابو جلنبو
والحمد لله على السلامة
وش قولك في فروش الحصى حقة المظبي
...

[أبو ذيب 77]

ياحبي للضلع الحمر دام محافظه صقر السديرات

خذ راحك في المزوح ماعندك الا دهنا.

وش تقول في

موية النار

[راعي العجراء]

طيب وش رايك بمبخرة الشيخ راع السوبيا

هلابك يا اسيرالنور
ومبخرة راعي السوبيا
مالك لوا
دمت عالي

[راعي العجراء]

مشتاقين لك ولالغازك ياراع العجراء

صح لسانك
محاوله
السكه تأكل الاطارات

او فارة الخشب والموتى الاخشاب


تشتاق لك العافيه يالغالي
وصح بدنك
والرمعتين مالك لوا يالغلا
دمت عالي وغالي

[راعي العجراء]

طيب يا راع العجراء
ان ما صادت رمعة ابو ماجد
نقول المطرق اللي يكوون به المرضى
او الميسم اللي يوسمون به الابل
دمت متسامحا

هلابك يامير الضلع الحمر
والرمعه ماصابت
دمت عالي وغالي

[راعي العجراء]

وعليكم السلام ورحمة الله وبركاته

صح لسانك يابناخي منيفه
يمكن النار

الضلع لضامك اللغز وانا ولد ابوي


هلابك يابو سالم
بشر عنك وعن سالم
اقوا انتبه خط الضلع الحمر فيه تحويله
ترفق وانا اخوك منتب ملحوق
ان ماوصلته اليوم تاصله باكر
والنار مالك لوا
دمت عالي وغالي

[راعي العجراء]

يمكن المقبره

يمكن مالك لوا
عليك بالضلع الحمر لو لحقك الدين

[راعي العجراء]

وعليكم السلام ورحمة الله وبركاته

صح لسانك يابو جلنبو
والحمد لله على السلامة
وش قولك في فروش الحصى حقة المظبي
...


هلا بعمي راعي الشبرميات
يالله حيوه
والمضبي مالك لوا
دمت عالي وغالي

[راعي العجراء]

ياحبي للضلع الحمر دام محافظه صقر السديرات



خذ راحك في المزوح ماعندك الا دهنا.


وش تقول في



موية النار


الله يجزاك خير
صقر السديرات يلوح لك بالنور وبشماغه
انتبه له
والرمعه مالك لوا لاعدمتك

[سوابري]

صح لسانك يا راعي العجرا

ماهي الحراثه

[راعي العجراء]

صح لسانك يا راعي العجرا

ماهي الحراثه

هلابك يالغالي
وصح بدنك
والرمعه مالك لوا لاعدمتك

[ال-رايق]

ماتكون يابوجلمبو
======
اللي يسمونها قاذفة اللهب
اللي تحسحس الروس مدري الصينيين ههههههه
-----------
وتسلم اخي الله يسلمك

[راعي العجراء]

ماتكون يابوجلمبو

======
اللي يسمونها قاذفة اللهب
اللي تحسحس الروس مدري الصينيين ههههههه
-----------

وتسلم اخي الله يسلمك


اقول يابو مهند
عليك بالضلع الحمر لو لحقك الدين
مالك لوا

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
الجمرة اللي على راس الشيشة
تحرق مخلفات أخشاب منكهة ومن ثم ترمى
ولا يأكلها طير أو أي مخلوق
http://swtmowatn.com/upload/1686c5ec96f728148f941ab2b0f2cc35.jpeg

[ا لجوا ل]

محرقة النفايات

[ال-رايق]

ليش ماتكون المحرقة
خابر وحده لارحت شقرا وطلعت مع طلعت حريملا تجي على اليمين
قل صح لسانك

[راعي العجراء]

وعليكم السلام ورحمة الله وبركاته

سلمت يالغالي
وصح لسانك
ويش قولك بـ
الجمرة اللي على راس الشيشة
تحرق مخلفات أخشاب منكهة ومن ثم ترمى
ولا يأكلها طير أو أي مخلوق

http://swtmowatn.com/upload/1686c5ec96f728148f941ab2b0f2cc35.jpeg


هلابك يابوعلي
وصح بدنك يالغالي
والرمعه مالك لوا
ريحة اشواها بين روحه وجيه
دمت عالي وغالي

[راعي العجراء]

محرقة النفايات

مالك لوا يالغلا

[راعي العجراء]

ليش ماتكون المحرقة


خابر وحده لارحت شقرا وطلعت مع طلعت حريملا تجي على اليمين
قل صح لسانك


هلابك يالرايق
وصح السانك ملالايييييين
والرمعه مالك لوا
دمت عالي وغالي

[ناصر العلي]

طيب يالغالي
ماتصير
رقعة اللستك
أو
الفرامة العملاقة
كل شيء تاكله...كفرات..أثاث قديم..
http://t1.gstatic.com/images?q=tbn:ANd9GcRbRhhgZJmZRq09RN5oSYUhZ5GvXjs1N YNXKuZhqjpTq9nMEVoGBA

[راعي العجراء]

طيب يالغالي



ماتصير


رقعة اللستك


هلا بك يابو علي
ولا السلسيون رقعه السيكل
ولا الفرامه يابوعلي

[ال-رايق]

وعليكم السلام ورحمة الله وبركاته
سلمت يالغالي
وصح لسانك
ويش قولك بـ
الجمرة اللي على راس الشيشة
تحرق مخلفات أخشاب منكهة ومن ثم ترمى
ولا يأكلها طير أو أي مخلوق
http://swtmowatn.com/upload/1686c5ec96f728148f941ab2b0f2cc35.jpeg


حي الله ابو علي
وش هالعجعجه/سيارة الفليت اللي يلاحقونها الصغار
أحسب انها مظاهرات ميدان التحرير والغاز هههه

[راعي العجراء]

ياهلا بالهيل يابعد طوايف عمتي منيفه
واخيرا حضرت

[ناصر العلي]

حي الله ابو علي




وش هالعجعجه/سيارة الفليت اللي يلاحقونها الصغار


أحسب انها مظاهرات ميدان التحرير والغاز هههه


حياك ربي يالغالي
سالخيررررررررررر يامعننه

[ال-رايق]

طيب
محطة البنزين
اسلاك الكهرب تشلوط الطيور اللي توقع عليه/المولدات
تكرم مكنسة البلدية اللي انتبه منها وقت الفجرية

[النبهاني]

طيب يابناخي منيفه
وش تقول بالسوسه
قل الضلع ولا تقول ياملا السوس ترا مافيه ضروس

[راعي العجراء]

طيب

محطة البنزين
اسلاك الكهرب تشلوط الطيور اللي توقع عليه/المولدات
تكرم مكنسة البلدية اللي انتبه منها وقت الفجرية


ضلع ايه اللي انت جاي اتقول عليه .... انت عارف قبله معنى الضلع ايه
انت ما بينك وبين الضلع دنيا .... دنيا ماتطولها ولا حتى فخيالك

[راعي العجراء]

طيب يابناخي منيفه

وش تقول بالسوسه

قل الضلع ولا تقول ياملا السوس ترا مافيه ضروس


ياشي دونك ودون الضلع يابو سالم
:D:D:D:D
مالك لوا

[حمد؟؟]

صح لسانك راع العجراء
وممكن
قصاصة الحديد الكهربائيه

[راعي العجراء]

صح لسانك راع العجراء

وممكن

قصاصة الحديد الكهربائيه


صح بدنك
انت الاقرب حتى الان
ومالك لوا

[حمد؟؟]

طيب مكينة الحام لقص الحديد
والحامي يعني انو حار

[ناصر العلي]

طيب يالغالي
ويش قولك بـ
أداة حرق الخشب
ولها مقاسات مختلفه فمنها العريض ومنها الرفيع
http://pa-art.com/wp-content/uploads/22053-01-200.jpg


http://www.qzal.net/201107/13100567292.jpg

[راعي العجراء]

طيب يالغالي

ويش قولك بـ
أداة حرق الخشب
ولها مقاسات مختلفه فمنها العريض ومنها الرفيع



http://www.qzal.net/201107/13100567292.jpg


مالك لوا يابو علي
هذي له بقايا ماياكله طير

[راعي العجراء]

طيب مكينة الحام لقص الحديد


والحامي يعني انو حار


مالك لوا ياحمد
دمت عالي وغالي

[ناصر العلي]

طيب ماتصير
ماكينة قص الأخشاب
أو
الرخام

[ابوالفهد33]

آلة نشر وقص الأخشــــــــــــــــــــــــاب

[torrjom]

صح السانك

ياراعي العجراء

رمعه

فرامة السيارات السكراب

كل الووووووووووود

[راعي العجراء]

طيب ماتصير

ماكينة قص الأخشاب
أو

الرخام


هلابك يابوعلي
اطلع من الاخشاب وهذي له اسم واحد
مهما ضمت بالشغلات
على فكره
الهيل وش ضنك يدل الضلع وراسه مستدير من السوبيا

[راعي العجراء]

آلة نشر وقص الأخشــــــــــــــــــــــــاب


عليك بالضلع الحمر وخذ معك الهيل تراه مايدل

[حمد؟؟]

طيب ممكن تكون المخرطه
اللي تسوي سنه للمواسير الحديديه حقة السباكه

[راعي العجراء]

صح السانك



ياراعي العجراء


رمعه


فرامة السيارات السكراب



كل الووووووووووود


هلابك اكثر ياطرجم
والرمعه مالك لوا

[راعي العجراء]

طيب ممكن تكون المخرطه


اللي تسوي سنه للمواسير الحديديه حقة السباكه


اتجاهك طيب
بس هذي ليس خاصه لشي واحد
والاسم واحد ومعروف للجميع

[ناصر العلي]

طيب يالغالي
ماتصير
ماكينة اللحام
أو
المخرطة

[حمد؟؟]

طيب ريشة الدريل

[ابوالفهد33]

الفرامة أو الطاحونة

أو

مخرطة الهوبات

[راعي العجراء]

طيب يالغالي

ماتصير
ماكينة اللحام
أو

المخرطة


الله يريح خاطرك يابو علي يوم ريحتني من هاللغز
نعم المخرطه
ويطلع منها الرايش ماتاكله الطيور
ولا يستفاد منه
وهي تاكل الحديد بالروحه والجيه
صح السانك مليون يابوعلي

[ناصر العلي]

ويش قولك بأشعة الليزر لكوي الثأليل والزوائد اللحمية الميتة

[راعي العجراء]

طيب ريشة الدريل


هلابك يابو حميد الحل المخرطه وهي تشمل لشي كثير
وليس دريل او ماسوره
ورمعاتك الاقرب
والحل عند ابو علي

[راعي العجراء]

الفرامة أو الطاحونة



أو



مخرطة الهوبات


حياك الله يابو الفهد
والحل عند ناصر العلي
دمت عالي وغالي

[راعي العجراء]

ويش قولك بأشعة الليزر لكوي الثأليل والزوائد اللحمية الميتة


اقول خلك على رمعتك الصحيحه

[ناصر العلي]

الله يريح خاطرك يابو علي يوم ريحتني من هاللغز

نعم المخرطه
ويطلع منها الرايش ماتاكله الطيور
ولا يستفاد منه
وهي تاكل الحديد بالروحه والجيه

صح السانك مليون يابوعلي


صح كلك يالغالي
وبيض الله وجهك على هاللغز
سلمك المولى من الشر

[راعي العجراء]

صح كلك يالغالي

وبيض الله وجهك على هاللغز

سلمك المولى من الشر


وجهك ابيض يابوعلي
دمت عالي وغالي

[حمد؟؟]

مشكور راع العجراء
وبيض الله وجهك
وكفو ابو علي

[هيل]

السلام عليكم ورحمة الله وبركاته




لغز جديد

ياويش بنت تاكل اجسام موتا = ريحة شواها بين روحه وجيه

واللي بقى من اكلها صعب يوتا =حامي شواها ولا تمد العطيه
لاياكله طير ولا بطن حوتا = ان اشهد انه ماوراها بقيه


دمتم ب



طيبين
لغز أنطرح يالله علي لايفوتا
تجي من الله رمعتي له هديه
برمع حدا اللمبات تقتاتِ قوتا
ماطار ياتيها طواعٍ وحيه
وإيلا أنصعق تسمع طقاتِ صوتا
وتفوحٍِ ريحتهامن الصعق كيهتحياتي

[ال-رايق]

الله يريح خاطرك يابو علي يوم ريحتني من هاللغز
نعم المخرطه
ويطلع منها الرايش ماتاكله الطيور
ولا يستفاد منه
وهي تاكل الحديد بالروحه والجيه
صح السانك مليون يابوعلي


ارحب مليااااااااااااااار
ياراع العجرا/وانشهد انه لغز كايف وروحه وجيه الماصورة القشرا/صدقت وعين عز الله قوية
--------------
تستاهل يالعميد وكفو منّا الى البحر (راوندتريب تيكيت)حبيب الملايين
تحياتي