لاتنطحه الهوا ولا قفاه .....موضوع للمناقشه

[قطع سبوقه]

السلام عليكم ورحمة الله وبركاته حيا الله اهل مكشات وش حالكم الموضوع بين من عنوانه هذا شطر من بيت لشاعر يوصف الطير ويذكر الخرب فاختلفت انا واحد من الربع على نقطه مع اني متاكد بس بغيت اطرح الموضوع للنقاش وناخذ اراكم لانها تهمني .......وش اسرع الخرب لاتنطح الهوا ولا لاقفاه يله نبي كل صقار يعطينا رايه ووش الاصعب منها على الطير

[شليويح511]

وعليكم السلام اما عن الخرب اليا نطح الهوا يتضايق الطير ولا يرده الا الطير القوي وانت لو تلاحظ الخرب دائما اول مايطير يدبر مع الهوا واليا وصله الطير نطحه الهوا هذا اللي اعرفه ونسمع من الاخوان لاني بصراحه اتعلم منهم

[حمد العذبي]

عليكم السلام ورحمة الله وبركاته

بخصوص اختلافكم انا اقول لانطح الخرب يكون اصعب على الطير والاصعب منها كلها لاكسر جناح الطير اي اخذ شيز لانطح ولا دبر في هالحاله تلاحظ ان الطير يختل طياره وما يعطيك الطرد اللي تبي وفي هالحالات تبرز مهارات قرناس الهوى

وهذا وآسف على الاطاله

[قناص راكب شاص]

والله من رايي ان الحبارى الا انطحت الهوا بهتت الطير لو هو سبوق ولا يلحقها الا طير فارط يدق صدره للارض لين يصير تحتها ثم شلع اليا هو مختلط هو واياها اما متقفيه الهوا يلحقها الطير ماهي صعبه
وانا من رايي ان اصعب شي لا سانحت للهوا

[قلب ذيب]

مرحبا بالجميع .
مافيه شك ان الخرب لانطح الهوىشرب الهوى وبالتالي ارتفاع الطير اعلى منه وانحداره عليه يصير صعب على معظم الطيور ,فقط الشيهان والحر السبوق هو اللي يقدر يعلي مع الحبارى في مثل تلك الحالات , الادبار ايضا
صعب على الطير الا ان الطير يعتلي الحبارى بسرعه ........... والله اعلم .

[@السيف@]

في نظري اذا الطير اعطي الخرب فرصه يغرف سواء متنطح الهوا ولا اذا تقفاه صعب جدا والطير المتمرس يحد الخرب يخليه يمشي علي رغبته وهذا من خبرة الطير وحسن تخطيطه والله مره هديت علي خرب داهيه والله اخلعني غرفه تقول عنده عشر جنحان صحيح لا غرف غرف مايجيبه غير الطير اللي الله كاتبه له

[اقدم صقار]

مرحبا بالجميع .
مافيه شك ان الخرب لانطح الهوىشرب الهوى وبالتالي ارتفاع الطير اعلى منه وانحداره عليه يصير صعب على معظم الطيور ,فقط الشيهان والحر السبوق هو اللي يقدر يعلي مع الحبارى في مثل تلك الحالات , الادبار ايضا
صعب على الطير الا ان الطير يعتلي الحبارى بسرعه ........... والله اعلم .





:good::good::good::good::good::good::good:

:good2::good2::good2::good2::good2:

كفا ووفا قلب ذيب والربع كلهم ما قصروا اعطوك العلم الوكااااااد

[راعي اطيور]

السلام عليكم
لازم تنطح الخرب للهوا لأنه اذا كانت الهابه مقفاه راح تعاونه على انه يكسر يمين ويسار بسرعه
هذي وجة نظري

[عيد العازمي]

السلام عليكم ورحمة الله وبركاته حيا الله اهل مكشات وش حالكم الموضوع بين من عنوانه هذا شطر من بيت لشاعر يوصف الطير ويذكر الخرب فاختلفت انا واحد من الربع على نقطه مع اني متاكد بس بغيت اطرح الموضوع للنقاش وناخذ اراكم لانها تهمني .......وش اسرع الخرب لاتنطح الهوا ولا لاقفاه يله نبي كل صقار يعطينا رايه ووش الاصعب منها على الطير

عليكم السلام ورحمة الله وبركاته


كا وجهة نظري ان الخرب الصامل والطير القوي والقوي الله


ان ادبر وان نطح بالحالتين ما اظن في فرق بس تصير مشكله للخرب لاصار الطير متعلي ومتمكن منها وان كان الخرب متعلي على الطير ومتمكن هم بتصير نفس المشكله


بالحالتين مشكله لان الطير القوي يبي يجيها بس لاصار الخرب قوي هم يبي يريح الطير


هذي وجهة نظري مع احترامي للجميع




اتمنى ماتكون وجهة نظري غلط


يفيدونك الاخوان

[حربي الخرج]

السلآم عليكم ..>

آكيـد الهـوآ لآ تقآ هـ لآ نـه يدفـه ويسآ عـد هـ

يعطيك العافيه

..>

[أبو أمين]

انا واعوذ بالله من كلمت انا دائما اذا شفت الصيده ناطحه الهوا والطير معاها وكسرت وادبرت مع الهواء

اقول على طول ماتت .

تحياتي

[عزااااام-1]

الربع ماقصرو كلهم كلن على طرف علم لكن انا اقول منطاح الهوى صعب على الطارد وعلى المطرود لكن الخرب وغيرة لذهب الموت نطح الهوى وتصعب كون على الصامل لاردم ولا السبوق لا لحق

[عشق الرحيل]

افدوك الاخوان وبالتوفيق للجميع ان شالله...........

[طيرالحمــــاد]

الحبارى تكون اصعب على الطير لا نطحت للهواء واذ الطير طيب وصنيع وماخذ حقه بالجرد يبي يلحق

مثل مالهواء ضد الطير فهو ايضا ضد الحبارى

وبعض الطيور وخصوصا قرانيس الهواء تعرف تطرد

[راعي شوق]

السلام عليكم
من مميزات ذنيبا الحباري انه 24ريشه عكس الطيور اللي ما في ذنيباه الا 12 ريشه
وهذا مما يساعدها اذا تقفاها الهوا انها تناور وتتعب الطيرويصعب عليه طرحها
لكن اذا ناطحت الهوا يقدر يطرحها الطير ودائما لاجيت تهد الطير خله يناطح الهوا
اسف على الاطاله وتقبل مروري

[تركي...]

يعطيكم العافيه

[قناص001]

لا ناطح الهواء يتعب الطير ويضايقه

والطير الي لياقته والله انها ما يقدر له ويرد من دونه

[راعي - عديم]

بدون شك لانطح الهوا
وراع شوق
ماهو ع كل حال ذنيبا الطير 12
أنا طيري ذنيباه 14

[صقار محترف]

كل صيده اذا نطحت الهوا تتعب الطير
من ناحية سرعة الحبارى مع الهواء او ضده الله وأعلم

[ابرق الحرار]

افادوك الاخوان

[مازن الصعب]

السلام عليكم

اذا كنت تتكلم عن سرعة الخرب ((فقط )) فمن الطبيعي ان تقل سرعته اذا نطح الهوا

يعني لو كانت سرعته والهواء قافيه 100 فمن المستحيل ان يصل الى نفس السرعة وهو ناطح الهواء

هذا شي بديهي

اما اذا كنت تتكلم عن معادلة تجمع الطير والحبارى بشكل عام فمن المعروف ان الهوا يساعد الحبارى

ولا يساعد الطير عندما تنطح الحبارى الهواء

ولكن هذا لايعني انها تروح على الطيور اذا نطحت الهواء فالحباري ليست مثل بعض بالسبق والطيور كذلك

اتمنى اني افدتك

[قرناس ثالث]

ماقصروا الشباب عطوك وجهات نظرهم

[حزم الفيضه]

اسلام عليكم مسيكم بلخير الخرب اذا نطح الهوا يبطي الطير مالحقه لكن اذا دبر الهواء سهل على الطير وسلامتك

[ابو شلايل]

كفوا الشباب وما قصروا
لكن حبيت اضيف بعض النقاط
.
.
كل الصيد بجميع انواعه - الحمام - الكروان - الصلال - الحبارى - إلخ

اذا جاه الطير يحاول يكسر ظهر الطير عن طريق المناحر يعنى يقابل الهواء بصدره ويرتفع ويقول حق الطير كانك كفوا الحقني لكن اذا طلع الطير والله والنعم - متليق وجناحه قوي وزنه مرتفع بيرقى لين يضايقه

بعدين الصيده على طول تلقاها تدبر مع الهوا يعني سرعه فقط بدون ارتفاع فيصيدها الطير بسهوله

وتلاحظ كل الطيور لا هديتها على الصيده بسرعة تاصلها لكن لا وصلت ناحرت الصيده واذا مافي لياقه تلقاه يوقف في محله ثمن يطرح

وشكرا

[عواد الشمري2]

افدوك الربع
والخرب يوم ينطح الهوا يبي يعجز الطير

[هاوي الصلفات]

حياك اخوي ...
ترى الموضوع هذا سالفة كثير من الصقاقير ووجهات النظر تختلف من شخص لآخر
والشباب ماقصرو لكن مايمنع نشارك ببعض الشي .
من واقع التجربة المتواضعة وعلى حسب ما سمعنا من كثير ان الصيده تنطح الهواء أو تخاد معه
يعني تعطي الهواء خدها طبعاً كثقه با لنفس او لفحص الطير الى يطردها ان كان دون شوي اكيد
ما راح يلحق لأن تنطح الهوى صعب على الطارد والمطرود . وان كان لحق استخدمت الطريقه الاخرى وهي المراوغه والتدبير مع الهوا وهذا يفيد الصيده كثير اذا كان الطير غشيم .
وعموماً الوضع يختلف من طير شاطر لآخر مايعرف يتصرف
أو طير صنيع وجارد وآ خر ضعيف ولا جهز مظبوط
ومن صيده خريش تستفيد من كل الظروف وأخرى غـر يذبحها الخوف والجزع
وصيده هزلا ذا بحا الجوع وأخرى سمين بدين .
سلمت على الموضوع الطيب.

[جلاد الحباري]

في رأيي الشخصي ان الخرب بالذات اذا صمل وارتفع ونطح الهوى وقام يتصفق يمين ويسار مع الاسف الشديد يمكن مافيه طير يلحقه ويرده الا الفارط بقوه ياجماعه واالله صعب جدا ............. فيه سالفه قديمه سأل احد كبار السن عن ايهم اسبق فرخ الشاهين والا فرخ الحر قالهم تبون السبوق والله الخرب لا صمل وها دليل ان الخرب الصامل المصقر بالذات مايلحقه لا هذي ولا ذيه ..... وهذي سالفه يذكرها لي صاحبها براسه ويقول طرحت شاهين طيب حييل قرناس خلوي بكر ويقول طيحتها لين نزل اللي في راسها وعلمتها على الملواح وقمت اجذبها ويقولي احسن حاجه لاطرحت الوحش ورببته في نفس الموسم وعاد فيه وحاشيه يطربك حيل ويقول قنصنا وعينا كروان عصير وفرعنا بالشاهين وشفناها تبيه وقمنا رفعنا الكروان وشلنا برقعها والكروان طار على ظهره ماخذينا الا معلقته برجله ماشاء الله وبعدها لقينا حبارى يقولي الظاهر قد هد عليها طيور يعني مصقره وتفقع من بعيد ويقول الكروان فصيل اكيد الحبارى فصيل باذن الله والحبارى مسوحل وبعيده شوي شلنا من برقعها واطلبته وراحت هي وياه فوووووووووووق وترديد وتردييييييييييييد يحلف هدد فوق الخيال كل ماوصلت له لغفته راغ الخرب ونطح الهوى ويطير على ظهره وهي راكه على جناحها وتاخذ ريش وترده وكل شوي الخرب ياخذ سنه لين اخفيناه مع الشاهين خفو يعني ذابو في دربيل سايس رحنا على وجهة الهوى وحذفنا من هالحمام لين حولت علينا الشاهين مفلسه من الحبارى شفتوا ان الشايب صادق الخرب لاصمل مايلحقه شي

[راعي انذار]

السلام عليكم
انا من وجة نظري في اختلاف اذا لحبارى دابر ومسوحل اسهل لطير في اللحوق واذا دابر وترتفع تكون صعبه على الطير تكسر ظهره اما اذا مناحر تكون اسهل للطير يقدر يعدل للهواء ويرتفع معها واكبر دلليل مااحد يهد طيره على الصيده ويطيرها الا مناحر الهواء
لكن اكثر الحباري دايم اذا اعزمت تشايز وتعرضك الوعر وتحط الشمس بين عينها المهم انا اقول اذا دبرت مع ارتفاع تكون اصعب
هاذي وجهت نظري من اللي شفت

[سنجااار]

االاخوان ماخلو شي نقولها و الحباري تعرف طيرها

[صقار الأسياح]

اخوي خذها قاعده اذا كنت متمكن من الحباري يعني تشوفها بداية الهدد نطحها الهوى من شان الطير يكسر ضهرها قبل تشد اما اذا راحن مع الهوى وبعدين راغ الخرب ونطح الهوى صعبه على الطير الا السبوق الصنيع اللي يهد على صنعه