الفتك علته عله

[العطاوي a511]

[SIZE="6"]ألسلام عليكم ورحمة الله
صباح الخير الفتك باختصار ماله علاج لحرارته من واقع تجربه لاكثر من فتك عيبه الحراره موتر اسميه حيب الشتاء في الصيف
وقفه احسن خله ينام للشتاء افضل حل لاصحاب الفتك اشتر صغيره للصيف والشتاء الفتك [/SIZE

[مخ سعودي]

اخي الفاضل انت طارح مشكله وتحتاج لحل ام مجرد تعصب لنوع اخر من السيارات لست المالك الوحيد لنيسان باترول واعتقد انها ماليه الشوارع ومافيه احسن منها والادارات الحكومية مليانه وشغاله تمام ان كان عندك مشكله اطرحها بارك الله فيك

[ابوسند9]

اخوي العطاوي
اطرح مشكلتك وان شاء الله تجد الاجاب
وهذاها معنا وماشيه فوق ال 500 الف و400 الف وماشفنا اللى العافيه وقنص وسفر وانواع العسف

[sgl2002]

يارجال لو بها مشكلة كان ماشفتها سيارات حكومية واقفه بالساعات ولا احترت

[عاشق الشعبيات]

تبون الصراحه وبدون تعصب

الباترول عذاريبه واااااجد من واقع تجربه

واكثر عيب فيه الحراره اللي جننتنا

[مخ سعودي]

عاشق الشعبيات كويس مادروا عنك وزارة التجارة ولا كان قطعوه من السوق وانا اشوف السيارات الصينية افضل منه

[العطاوي a511]

ياأخوان المشكله ليست تعصب اقسم بالله ألعظيم موتري فتك 2004 الان وودي انه افضل موتر
المشكله كلكم شايفين المنتدى مليان مواضيع عن الفتك وكلهم حراره
مشكلتي مع الفتك مشكله حراره فقط وكل اهل الفتك يعانون خصوصا اللي بالرياض
والمدن الكبرى تللي سويت
غيرت رديتر جديد وكاله تماتيك مروحه مويه تويوتا فحصت المكينه والراس غيرت الخراطيش فكيت البلف ولاتزال الحراره صكرت الفحات جنب الرديتر نفس الشي بالاخير اللي اللي يقول له حل يرسلي رقمه خاص واجي لحد عنده ومعه لحد ثلاث الاف يخبص بالموتر
ورشه التركي جيته وورشه الشنيفي وورشه العثيم ببريده وورشه الخضير بتشاليح بريده
وكلكم تمدحونهم انه اهل خبره بالباترول ولا حلو المشكله كلها نزف فلوس على غير سنع والمشكاه مازالت موجوده اللي يقول الموتر مليان بالشوارع ماقلنا لا بس هل انت جربت الموتر مع المكيف وسط الرياض ولا بس تشوف

[لسان الحقيقة]

والله حتى انا مستغرب هالشكاوى بالمنتدى من حرارة الفتك .!
مايمر يومين الا واحد كاتب مشكلة عن حرارة الفتك اللي معه .!!!

[الكلاسك]

صراحه الفتك هذا انا اشوفه فاااشل
1 يقرقع ويهربد
2 حراره ولا تحصل لها حل
3رجة الدركسون وجبها من المخرطه و ودها للمخرطه
4 صرفية البنزين
ومع ذلك له ناس تحبه وتتعصب له وتدافع عنه ............ارزاااق
معي سياره شروكي ويا قربها من الفتك مع انها وكاله بس احس فيه عمال افغان بالقير يقضون قض كل ما عشق الموتر خصوصا من 1 الى 2 ولا عرفو الحل حتى الوكاله !!!
افضل جيب شفته صرااحه هااادي ومريح البراادو من موديلات 2008 وتحت

[ابن صبر]

اخوي العطاوي a511 انا معي باترول فتك 2011 الشكل القديم وله سنه وزود ولله الحمد ما ارتفعت حراره ولا شي وعلى فكره ما ترتفع الحراره عن الربع الا شوي لصرت مسافر بس هذا الي لاحظته وانا مسافر فيه الصيفيه هذي وجالده بالخط امشي 180 ما ارتفع الا شوي عن الربع والعزم على كيفك بالنفود يطربك والصرفيه مامن صرفيه عبيت التانكين فل من بريده وصلني لعرعر والي يعانون مشاكل في الباترول اما من استخدامهم السي واهمالهم للصيانه او الاصدرات القديمه ذات الصرفيه العاليه لا تحكم فقط من تجربتك شف تجربت واحد عاقل لاهو راعي كرف ولا مقومات ولا تعديل ولا تطعيس بعدين احكم

[فتكاوي الرياض]

بالعكس ميزة الباترول حرارته نازله
بس الفتك هو اللي ترتفع الى فوق الربع او الثلث
لان لاحظته فالصيف يبيلك عالاقل كل
اسبوعين الى ثلاثه تشيك على
قربة الرديتر واذا كانت مليانه ماترتفع الى مع
كثر الوقفات بس ماتوصل النص
الا اذا كان فيه عله

[محسن اليامي]

كل سياراتنا باترول ولله الحمد

4 فتكاات

و3 موديل 98

و 5 بطل الدروب

و 97 و 96 و 94

صحيح فيها خرابات من سوء الإستخدام لكن السياره تستحق الإقتناء

[فتكاوي الرياض]

مكينة 4500 صبوره وشغلها مايبي لها شي لكن مهنا عزم

اما فتك 4800 فيها حساسات ويبي لها احد يعرف لها

لكن خذ قوة وعزم

[ابو خــــالد]

اسمحلي إذا أنت طحت بكسره لاتعمم . . .
موتري فتك 2002 دفعة2001(أول دفعه للفتك)
له معنا اللحين 11سنه أو أكثر والحمدلله لاحراره ولانقص زيت ولاشي(ماشاء الله)
وماشي اللحين 340 ومازال يكد (ماشاء الله)اذكروا الله ترى العين حق:D
...
واللي يقول عذاريبه واجد ، عيب التوماتيك فقط مع الجلد بالنفود على المدى البعيد ينسم مبرد القير والحل مبرد خارجي بـ150ريال فقط . . .
موتري نسم مبرد القير يوم مشى290الف السنه اللي فاتت وألغيت المبرد الداخلي وركبت خارجي ،،، ولاهوب شرط ينسم ، اثنين أعرفهم واحد ماشي موتره 470 والثاني 420 ومواترهم بلد لانسمن عليهم ولاركبو خارجي

[sgl2002]

انا في ردي الاول اتكلم عن ٤٥٠٠

اما الفتك احبه لكني اخاف منه

[sgl2002]

المشكلة مايبرد التسبد بالبر مثل الباترول

[abo mani3]

شف وانا اخوك اذا كانت ترتفع بدون مكيف فـ فيه مشكله

لكن اذا كانت مع المكيف حلها بمروحة خارجية قدام الاديتر او ثنتين بأذن الله تنحل مشكلتك

[jeep 2001]

انا الحمد الله موتري يارب لك الحمد والشكر
الحرارة تحت الخط الثاني والمكيف شغال في الليل
والنهار على الخط الثاني ور فوقه بشوي
ولي يشتكي من حرارة يغير طرنبة ماء+ بلف جديد+كلتش مروحة+تصيخ اديتر+ماء مستبيشي
ويركب كل شيى اصلي
وراح ينسى شيى اسمة حرارة

[4*4]

الله يكثر الي يعذربونه ويكرهونه
كوده يرخص ونشري فتك 2009

[ابو زنعاف]

العطاوي انا معي فتك نفس موترك بعته بكلب سرق اهله موتر شتاء ولا وعزم ضعيف يله يخرج نفسه في الرمله فيه حراره وضعف في الغزم بس تقول كابرس في الراحه تقول هرش متلويتن العصابه لا وقديم دايم حرارته شر يعني موترك ماله حل ولدليل الناس الي تدافع سالكم الرجال ليش الحراره ترتفع مقال علموني كم سنه معكم فتك
لا والله فتك مخباك يمال الشحم وبشرك شريت فور شنر ٢٠١١ ٦ سرندل يسو ١٠ فتك قول ماشا الله ياشباب بع بع لا جا الشتا الحين وقفه وتفرج عليه

[ابو خــــالد]

المشكلة مايبرد التسبد بالبر مثل الباترول
انشهد واللي مجرب الباترول مايدور غيره ,,, والرد اللي فوقي اللي يقول مابه عزم شكله ماخذن باترول4200 ،،(أجل فتك مابه عزم:p:D:looney:

[jeep 2001]

ابو زنعاف
انا معي فتك موديل 2006
وله معي سنة وزود
لاكن كل سيارة يبيلها تشيك على كل شيى
وقبل لا تحكم على الفتك عموما
جرب غير مورتك الي بعته وحكم
لاكن لا تشمل على كــل الباترولات
انت موترك الي فيه العيب
لانك انت ما تحافظ ولا تشيك على الاشياء الي ذكرتها في ردي الاول
وشكرا

[ذيب خزاز]

الكلاسك شروكي تقول ههههههه والله ما اتسنيه لو بريال

[تميم2222]

بعه وخذ لك تويوتا ....تراه زين وقوي ما يهربد .. واماينقص زيته اذا مشى 200000 وما يعلق ..ورخيص ..... وياباني ياباني :rolleyes: اعكس الكلام انا من الناس اللي استخدمت تويوتا ونيسان ومجرب السيارتين بحكم انها ياباني اللي عندنا وقويه

يالغالي مابه سياره مابها عذاريب وكذاب اللي يقول سيارتي ماتخرب ابد لكن خرابات نيسان اهون من تويوتا والسيارات الاخرى ... وميزه النيسان ينقل صوابه ....واسال اهل العرف والخبره وكل عله ولها حل ..وان شالله تلقى لها حل

[تميم2222]

:good2:
الله يكثر الي يعذربونه ويكرهونه
كوده يرخص ونشري فتك 2009
ههههههههههههههههههههههههههههههه:good2:

[العطاوي a511]

اللي يبي الفتك تراه للليع

[تميم2222]

عطنا مواصفاته وكم موديله.....وكم ممشاااه .... ونزل له صوره لو تكرمت ..ضروووووووري بنتظارك

[ابوسند9]

صراحه اصبر من الفتك ما شفت بحياتي
لكن السيارات حظوظ
لكن البعض يشتري سياره ماشيه مليون وتلقها جايه من الخليج وقد ركب لها تيربو وتعديلات وملعوب فيها لعب
ويشتريها الواحد ويالله كل يوم بورشه

[العطاوي a511]

الفتك موديل 2004 فل كامل ماشي 290 الف كيلو
اللون اخضر مع رصاصي
مكلفني 66 الف ابي راس مالي اللي يبيه صحه راسه

[العطاوي a511]

رقمي 0566066967

[ابوحفصه]

الفتك موديل 2004 فل كامل ماشي 290 الف كيلو
اللون اخضر مع رصاصي
مكلفني 66 الف ابي راس مالي اللي يبيه صحه راسه


عطني علوم البدي شد بلد ولاجاية رش

والحرارة واين تاصل معك الضهر في الزحمة

واهم شي وين موقعك

[تميم2222]

ودي اقولك ... معلومه يمكن تفيدك ... سمعت انهم ..يركبون كمبيوتر 2002 الاول ..جربت هذي ولا لا ... ونبي الصور لاهنت