محتاج مخلص لتسجيل طراد مستورد من الخليج عاجل في الخبر

[الفرضة]

السلام عليكم ورحمة الله
ولله الحمد اشتريت طراد من البحرين
والان وصل الخبر ولله الحمد واوراق الجمارك جاهزة
وابغى اسجله باسرع وقت
الي يعرف مخلص او اي شخص يخلصلي كل شي وله اتعابه بشرط يكون على خبرة حتى لا يضيع وقتي

واذا اجراءاتها سهله دلوني

انا باحاول غدا اروح للمواصلات بس والله خايف ياخروني في الاجراءات

لو في معقب يعرفهم يزبطي

شاكر ومقدر لكم

[صياد الخبر]

السلام عليكم

الاجراءات ان شاء الله سهله

يومين بالجمرك بالجسر وانت ماخذه معاك

بس سمعت معلومة بتأكد لك منها

ان الان ممنوع تنقل الطراد شخصي يعني مسحوب

الا يكون محمل بسطحه

0504947306
ابو هيا
قله من طرف ابوعبدالله

وبالتوفيق

ودمتم

[الفرضة]

تسلم اخوي الطراد وصل في الخبر واوراق التسجيل جاهزة
انا ابغى شخص يخلص اصدار الدفاتر من سلاح الحدود والمواصلات
انا اذكر لما مرة علشان نقل ملكية وجع راس وفحص ولازم تكون كل الادوات في الطراد جاهزة من سلامة وغيرها وكملت اسبوعين لين خلصت

[كنعد]

أنا معاك أن في تخليص الاوراق دائماً بعض التعقيد , ولاكن من تجربة صل الفجر في جماعة وتوكل على الله وروح واقسم بالله تخلص ما في اسرع منك وتتفاجأ في اشياء كثيرة يعني يمكن المدير يعزمك على قهوة . صارت معاي مواقف كثيرة عجيبة وسبب اني صليت الفجر واستعنت بالله , الله ييسر أمرك.

[الفرضة]

تسلم اخوي كنعد
لله انحنت السماوات والارض ولولا رحمته كان تهنا
سبحان الله وبحمده سبحان الله العظيم

[عامر11]

ياليت تبين لنا القارب جديد او مستعمل - وصيد او نزهه لكي نفيدك ??
لكن على كل حال ونظرا لقل الوقت لديك سوف اذكر لك الاجراء المعتاد لقارب جديد نزهه.....

اذا القارب جديد المصنع بيعطيك ورقتين فاتورة الشراء ومذكور فيها المواصفات والثانيه شهادة المنشاء مصدقه ومختومة من وزارة التجارة البحرينيه. وهاذي عادة تعطي المصنع 100دينار وهو يتكفل بالاوراق ويوصله لك للسعوديه بعد المنفذ خذ الورقتين هاذي وروح لحرس الحدود وتعبي عندهم ورقه مفادها ان سلاح الحدود السعودي لا يمانع بتسجيل الواسطه لدى وزارة النقل السعودي وبعد موافقة حرس الحدود بالخبر الي موقعهم شمال برج العريفي ماتروح الي عند الجوازات روح لمكاتبهم الي على البحر شرق مركز الخليج خذ الموافقه هاذي وروح لوزارة النقل واطلب التسجيل عاد هناك الله يعينك نصيحتي لك تعطيهم اوراقك وتطلع ورقة وقلم وتقول للموظف اذكر لي الي تبغاه وسجله بالحرف الواحد عشان ميتماطلون معك مثل عادتهم وقول لهم يعطونك رقم الفني المصري واتصل فيه وحدد معه موعد يجي يشيك على القارب عند باب البيت وعليك تجهيز القارب بمعدات السلامه والانارة والكهرباء وتركيب المكاين لأنه لازم ياخذ صور كامله......
بالتوفيق ان شاء الله .

[الفرضة]

مشكور اخوي عامر

[accentkool]

بالتوووووفيق وان شاء الله تخلص اوراق الطراد بسهولة
والف مبروووووك الطراد

[الفرضة]

بالتوووووفيق وان شاء الله تخلص اوراق الطراد بسهولة
والف مبروووووك الطراد

الله يبارك في عمرك وايامك
والحمد لله ابشركم الامور ماشيه تمام وان شاء الله اذا خلصت بانزل موضوع خاص بجميع الاجراءات التي مررت بها من اجل الافادة

[كنعد]

من طيبك اذا نزلت الاجراءات بنستفيد الله يرحم والديك الله يسهل امرك