اكتب ابرز مشاكل الباترول التي واجهتك وكيف حليتها لتعم الفائدة ،،،

[sgl2002]

ياشباب حبيت من خلال هذا الموضوع نضع ابرز مشاكل الباترول عشان اللي يبي يشتري والا اللي في موتره مشكلة يستطيع الاستفادة من خلال هذا الموضوع.

طبعا نبي الكل يتكلم عن تجربه :

1- باترول 98 كلبريتر ، ابرز مشاكل اللي واجهتني هي الحرارة ،

وكان السبب تعبأة مياه المصلحه ، وبعدها غيرت نظام التبريد كامل ولا صارت الحرارة ترتفع ابد ابد

2- باترول 2009 بخاخ ربع : وعيبه الحرارة اللي تلازمه مهما سويت فيه ، مع المشي والوقوف مايتاثر ، لكن في النفود بدون تنسيم يحتر على طول بعكس الكلبريتر الاول ال98 ، والدخنه السوداء الخفيفه اذا طولت الوقفه والموتر حاااار

3- باترول 2009 ربع ونفس المشكلة في الاول بالاضافه ان الباترول البخاخ يبرد عزمه بالنفود بعكس الكلبريتر انشط بكثيير

واضافه على ذلك ، الكتاوت حقت الطرمبة اذا دخلها تراب تخرب على طول ، لذلك غيرها بالكتاوت الاخضر

5- باترول الموجود بتوقيعي وايضا نفس مشكلة اللي قبله وهي الحرارة بالنفود بدون تنسيم ،

بالاضافه الى مشكلة التفتفه والطفيه وهذي حلها بتغيير الخرطوش اللي بين القربة والثلاجة اذا كان مهتري وتنظيف الثروتل

ايضا اذا وصل البنزين قبل الاخير والموتر حار يقوم يقطع ولايمشي وهذي سببها طرمبة البنزين تحتر وماتدفع بنزين ، لذلك لاتخلي البنزين ينقص عن الثلث

مشكلة التانكي الاضافي مايحول ، وهذي حلها بفصل اصبع البطارية ونفخ الفيوزات اللي عند ركبة السواق او تغيير الفيوز الخاص به وماتشوف شر

ايضا مشكلة التكييف وهذي عيب مصنعي ؛ هو انك اذا شغلت المكيفين وانت واقف يضعف التبريد خصوصا الظهر

طبعا بعض النصائح :

انتبه على الباترول من الحرارة وحاول ان الموية والرديتر والليات وسلك السالب كلها تمام ، لان الباترول مايتحمل الحرارة وممكن تخسر المكينة

اذا دخلت النفود وحرارة الجو مرتفع نسم له عشان مايحتر ، وايضا لاتخليه واقف لمدة طويلة ايام الصيف

دايم واظب على التصفيه من بواجي وصفاية وفلتر هواء حتى تفتك من التفتفه والتقطيع

لاترهم اي شي اضافي ع الموتر وخاصة الاشياء الكهربائية مثل المراوح والزنن الى اخره وحاول اذا بترهم ان تبعدها قدر الامكان عن كهرب السيارة

المراوح السوبارو انا ضدها لانها ممكن اي وقت تفصل وتقب الحرارة فجأة ، والباترول يحتر بسرعه لو اختل اي شي من نظام تبريده

طبعا اذا فيه مشاكل اخرى بالباترول اتمنى الكل المجرب يشارك بها لتعم الفائدة

[.ذيب الغدراء]

أكبر مشاكل الباترول جنزير الدبل دايم يفرط أتكلم عن موديل 98 و 99 البقي ما أدري عنه

أعرف ثلاثه غيري خرب معهم الجنزير

سوا كان القير تماتيك أو عادي بخاخ أو كلبريتر

[PHANTOOM]

نسيت مشكلة علبة الدركسون وتهريبها وايضاً مشكلة الباكم

[sgl2002]

انا اشوف تهريب الزيت في الباترول نادر جدا

يعني قليل هنا من تحصله يشتكي من دودة او علبة دركسون الباترول

اما الجنزير فهذي ايضا احد المشاكل لكني لم امر بها

ومشكورين على المرور

[محسن اليامي]

باترول 2003
1-حراره وغيرت غطاء الرديتر وزان عقبها
2-القير معاد يبدل طلع من الكتاوت بدلته وزان عقبها

باترول 97
تحسفت على بيعته الله يبارك للي شراه

باترول 98

عطل ولازلت ابحث عنه

صوت مثل الونه في المكينه اذا وقفت طلع واذا مشيت راح الصوت؟؟!!

[فتكاوي الرياض]

باترول فتك
2006

حساس الفلتر او المسمى بالمنظم تعطل علي
لدرجة ان السياره تطفا
وتشتغل وانا اسوق
وقيمت حول 1800
وركبت حق مكسيما بأقل من 500 ريال وماشي معي

لكن فيه مشكله ماحصلت لها حل
اللي هي عداد البنزين يعطي قراءه خطأ
ورحت لكذا ورشه ومافيه حل الا تغير الطبلون
اما الطبلون الليزر يتصلح حق الفل
واللي معي نص فل

[سفااري]

السلام عليكم
انا معي 97 صفاية البنزين بلكثير شهر وتخرب
2/كراسي المكينة ما تطول معي وكذلك تماتيك المروووحه
افادتكم مشكووورين

[ابو فهد...]

البلاتين حق الديلكو
كلتش المروحة

[sgl2002]

باترول 2003
1-حراره وغيرت غطاء الرديتر وزان عقبها
2-القير معاد يبدل طلع من الكتاوت بدلته وزان عقبها

باترول 97
تحسفت على بيعته الله يبارك للي شراه

باترول 98

عطل ولازلت ابحث عنه

صوت مثل الونه في المكينه اذا وقفت طلع واذا مشيت راح الصوت؟؟!!

تقصد تحس بصوت زي تنسيم الهواء خاصة حول الراكب من عند الدرج

[sgl2002]

السلام عليكم
انا معي 97 صفاية البنزين بلكثير شهر وتخرب
2/كراسي المكينة ما تطول معي وكذلك تماتيك المروووحه
افادتكم مشكووورين


صفاية البنزين اتوقع عندك وسخ كثير بالتانكي

كراسي المكينة هذي على الاستخدام

وانا كانت تخرب بسرعه عندي بسبب كثر المطانيج والتفتفه للموتر بالنفود

[sgl2002]

اما تماتيك المروحه اذا تاخذه من عند الوكالة نفسها مايخرب

لاني قبل بدلته ثلاث مرات مع اني اشريه من قطع الغيار الاصلية وياخذ فتره ويخرب واخر شي اخذته من عند الوكالة وبعدها ماعاد خرب

[ابو خــــالد]

- السنه اللي فاتت نسم مبرد القير وألغيت الداخلي وركبت خارجي أكبر من حق البلد بـ150
- قبل شهر ونص تقريباً صارت الحرارة تستهبل(ولاهيب عادته أنه تعدى شخطة الربع) يعني صارت بعض الأحيان إذا وقفت الظهر أوالعصر لمدة 5 دقايق تنط للثلث ولاتنزل إلا إذا مشيت وبعض الأحيان وأنا واقف تنزل بين الربع والثلث وبعض الأحيان ماتعدا الربع..طبعأ فتحت الرديتر وأشوفه نظيف(بس الماء وصخ شوي:D) علطول شكيت بالبلف لأنه شد بلد ماغير(بعذره ماقصر11سنه:eek:):D
المهم غيرته بواحد نفسه من الوكاله وغيرت على طريقي ماء الرديتر حطيت علبة مستوبيشي والباقي كملته ماء مقطر ، ، ،
وعقبه ولله الحمد ماتعدا شخطة الربع :good2:
^^^
نسيت أكتب الموتر فتك 2002 :D

[كديان]

باترول م2004 خبط و ماشي 350 الف
و السبب الاديتر مسكر ماء بلدية طين و تراب
كلف توضيب 4000

@@@@@@

باترول سلقة مسقط له مكينة فتك معدله
ما مشى 250 كيلو الا البساتم مايعة ذايبه و السبب بنزين 91
السبب يمشي طبلون الموتر + بنزين 91
91 حار على البساتم لانه مايحترق 100 ٪ و البساتم المنيوم على طول تذوب
91 زين للي سواقته هادية و جلد على سنع
ال95 رقمه الحقيقي حسب ماقريت 93 و كسر
ال91 الحقيقي 88 اوكتان

@@@@@

فتك 2005 يقطع و السبب خرطوش الهواء منشق
+
باترول بخاخ 96
الحل تلف شطرطون عريض و يضبط
او تغيره بجديد
قبل الشطرطون بعضهم يحط سيلكوون
سمعت ان خرطوش الديزل ارخص من البنزين
@@@@@

فتك 2007 مهب صافي تفتفه
السبب سقوط مسامير لهاة الثلاجة
تم تغيير البساتم عدمانه بسبب
المسامير + الثلاجة فل تراب و لاعبه بالشنابر
و يحمد ربه مانعدم السلندر
سواق طارة مهب يفتح الكبوت
اشدد على تنظيف فلتر الهوا

@@@@@

باترول سلقة يحتمي اذا مشيت 130 و السبب غطاء الاديتر يختلف

@@@@

رجة عند ضرب مطب باترول صالون 97
الحل تركيب ذراع شاصي ب600 ريال

@@@@@

اغلب اعطال الباترول الصالون م2001 و تحت طرمبة البنزين ضعيفة
الحل تركيب طرمبة فتك او طرمبة ددسن تقريبا 350

@@@@@

باترول صالون م96 يقطع و السبب منقطع احد اسلاك منظم الهوا فوق الخرطوش
فيش 3 اسلاك

@@@@@

فتك م2003 خبط قيره بسبب دخول الماء على القير
تركيب قير ثاني 7000

@@@@@

باترول صالون 98 طفى بالخط
انقطع جنزير التيمن
شغل يد 800 القطع مدري
طبعا سواق طارة

@@@@@

اكثر ما يخرب جنزير الدبل
لا تصلحه
ركب دبل ياباني من 800 الى 1100. تقريبا

@@@@@@@@

الفتك القير العادي تخلص فحمات جنزير التيمن اسرع من التماتيك
لان مكينته شاحطه بسبب الترس الخامس
الفحمات مع الجنزير جدد اظن ب 450
شغل اليد 800 او 500

@@@@@

ملاحظة على الفتك اذا مشى 250 الف
شيك على طبلات الاديتر فوق و تحت تلاحظ بهن تعريق ماء
الحل يفكن و يحط سيلكون على الوجه
و بعضهم يغير الطبلتين جدد

[ابو خــــالد]

باترول فتك
2006

حساس الفلتر او المسمى بالمنظم تعطل علي
لدرجة ان السياره تطفا
وتشتغل وانا اسوق
وقيمت حول 1800
وركبت حق مكسيما بأقل من 500 ريال وماشي معي

لكن فيه مشكله ماحصلت لها حل
اللي هي عداد البنزين يعطي قراءه خطأ
ورحت لكذا ورشه ومافيه حل الا تغير الطبلون
اما الطبلون الليزر يتصلح حق الفل
واللي معي نص فل




عداد البنزين لو تروح للوكاله قالولك تغيير طبلون ،،، لكن العثيم بالقصيم يزينه ويعطيك ضمان مفتوح

[ابو خــــالد]

ياشباب حبيت من خلال هذا الموضوع نضع ابرز مشاكل الباترول عشان اللي يبي يشتري والا اللي في موتره مشكلة يستطيع الاستفادة من خلال هذا الموضوع.

طبعا نبي الكل يتكلم عن تجربه :

1- باترول 98 كلبريتر ، ابرز مشاكل اللي واجهتني هي الحرارة ،

وكان السبب تعبأة مياه المصلحه ، وبعدها غيرت نظام التبريد كامل ولا صارت الحرارة ترتفع ابد ابد

2- باترول 2009 بخاخ ربع : وعيبه الحرارة اللي تلازمه مهما سويت فيه ، مع المشي والوقوف مايتاثر ، لكن في النفود بدون تنسيم يحتر على طول بعكس الكلبريتر الاول ال98 ، والدخنه السوداء الخفيفه اذا طولت الوقفه والموتر حاااار

3- باترول 2009 ربع ونفس المشكلة في الاول بالاضافه ان الباترول البخاخ يبرد عزمه بالنفود بعكس الكلبريتر انشط بكثيير

واضافه على ذلك ، الكتاوت حقت الطرمبة اذا دخلها تراب تخرب على طول ، لذلك غيرها بالكتاوت الاخضر

5- باترول الموجود بتوقيعي وايضا نفس مشكلة اللي قبله وهي الحرارة بالنفود بدون تنسيم ،

بالاضافه الى مشكلة التفتفه والطفيه وهذي حلها بتغيير الخرطوش اللي بين القربة والثلاجة اذا كان مهتري وتنظيف الثروتل

ايضا اذا وصل البنزين قبل الاخير والموتر حار يقوم يقطع ولايمشي وهذي سببها طرمبة البنزين تحتر وماتدفع بنزين ، لذلك لاتخلي البنزين ينقص عن الثلث

مشكلة التانكي الاضافي مايحول ، وهذي حلها بفصل اصبع البطارية ونفخ الفيوزات اللي عند ركبة السواق او تغيير الفيوز الخاص به وماتشوف شر

ايضا مشكلة التكييف وهذي عيب مصنعي ؛ هو انك اذا شغلت المكيفين وانت واقف يضعف التبريد خصوصا الظهر

طبعا بعض النصائح :

انتبه على الباترول من الحرارة وحاول ان الموية والرديتر والليات وسلك السالب كلها تمام ، لان الباترول مايتحمل الحرارة وممكن تخسر المكينة

اذا دخلت النفود وحرارة الجو مرتفع نسم له عشان مايحتر ، وايضا لاتخليه واقف لمدة طويلة ايام الصيف

دايم واظب على التصفيه من بواجي وصفاية وفلتر هواء حتى تفتك من التفتفه والتقطيع

لاترهم اي شي اضافي ع الموتر وخاصة الاشياء الكهربائية مثل المراوح والزنن الى اخره وحاول اذا بترهم ان تبعدها قدر الامكان عن كهرب السيارة

المراوح السوبارو انا ضدها لانها ممكن اي وقت تفصل وتقب الحرارة فجأة ، والباترول يحتر بسرعه لو اختل اي شي من نظام تبريده

طبعا اذا فيه مشاكل اخرى بالباترول اتمنى الكل المجرب يشارك بها لتعم الفائدة


بالنسبه للي بالأزرق اسمحلي معلومه خاطئه يمكن أنت عندك مشكله موتري مابه اللي أنت تقول

[كديان]

هاوي الذيب
علبة المتسبيشي كم لتر او جالون !؟

اضافة
جنزير التيمن للفتك يمشي تقريبا ٣٥٠ الف
الجنزير جديد عزم الموتر افضل من جنزير مستهلك
لان توقيت فتح و غلق البلوف كانه موتر جديد
يسكر البلف عند اعلى نقطه يصل اليها البستم
بعكس الجنزير المستهلك يسكر متاخر لانه متمدد مرتخي

[كديان]

Sgl

بالعكس اذا كان المكيفين شغالات يكون التبريد اقوى
الفريون ياخذ دورة كاملة افضل من المكيف الامامي
تاكد من بلوف الفريون
بلف امامي صدر الغمارة
بلف تحت الراكب
بلف ثلاجة
بلف خلفي

[صدى الاطلال]

موضوع رائع من شخص رائع
واذا تبون الصراحة الباترول سيارة اعتمادية بالدرجة الاولى ولكنها تحتاج الى انسان هادئ وعاقل ومحافظ اولا باول وغير اصلي وانسى
بعدين لوسمحت لي اخوي اسميها ملحوظات مو عيوب لان العيوب تكاد تكون مصنعية ولا تسلم منها جميع السيارات اما الملاحظات فهي اشياء قد تحصل عندي وماتحصل عندك بناء على القيادة - السواق - والخط والصيانة الدورية وقطع الغيار المستبدله من حيث اذا كانت اصلية او مقلدة وكذلك عامل الحظ
من ضمن الاشياء التي لاحظتها
1- شرب البانزين وربما لكبر المحرك ايضا لما نقارنه بغيره ربما يتفوق عليهم وربما العكس
2-جنزير الدبل بالفعل يفرط واظن المشكلة اننا لانتعهد الدبل بشبكه من فترة الى اخرى حتى يعمل تزييت لداخله
وايضا الجور الزائد وللمعلومية فدبل النيسان من اقوى دبلات الدفع الرباعي
3- شئ مهم جدا جدا وهوغطاء الرديتر اذا بدات الموية تغلى وتملأ القربة الاحتياط ونقص فما عليك الا الوكالة فقط غطاء وانتهى الكلام
4- الكربريتر من واقع تجربة ولياته كذلك موال اخر ولم اجد من خلال تجربتي ميكانيكيا فرطه ونظفه وركب له اصلاح جديد وضبط حيث اني خسرت مرتين قام الموتر يقطع وينتفض ودخان اسود الى ان كرهته عموما دغري على الوكالة واخذ اصلاح بحول 300ريال وفرط وتنظيف وتركيب اصلاح وتركيب على السيارة ولكن للاسف زاد جنونه عن ذي قبل وصار يرفع الهواء وينزل ومع المكيف بدل مايرتفع صار ينزل الى ان تطفي السيارة وووو في النهاية رح الوكالة وطقيت واحد كرت بحدود 2000ريال هذا الكلام من 6سنوات يعني الاسعار الآن دبلت
والحل يااخوان كما دلني عليه احد الاخوان جزاه الله خير في هذا المنتدى طبعا سهل جدا ويسلك الكربريتر عقبها فترة طويلة
وهو انك تقوم بتغيير ترتيب اسلاك اثنين من البواجي طبعا بعد ان تشيل القربة اللي تغطي الكربريتر وتدق سلف والحاصل يحصل انفجار مثل الشخص لما يعطس فينفض الكربريتر الاوساخ والتراكمات خارجا وعندها اعد كل شي مكانه وان شاء الله يسلك
مكينته قويه جدا جدا صبورة وعملية وحقت كرف والله داومت عليه اكثر من 5 سنوات في منطقة جبلية وعرة فكان بعد توفيق الله السيارة التي ينشد بها الظهر وتبيض الوجه وماعمره خذلني او تعطل بي على خط جيب ربع 98 فل
5- جهاز دفع الماء من القربة لزجاج السيارة غالبا مايتعطل والسبب الماء الذي يتم ملأ الخزان به حيث يكون ملئ بالاملاح والاتربة ويؤدي الى سدده ولو عبئ بماء مقطر ربما يطول عمره الافتراضي
6- الربلات التي تقع بجانب الكفرين الاماميين غالبا ماتتقطع ويحبذ تغييرها عند تلفها لانها تحجز الهواء وتنظمه عن طريق المراوح والرديتر يتم تبريده بطريقة جيدة عند وجودها والمح احد الاخوان الى ذلك في احد مواضيعه بالناسبة انا غيرت الليلة من الوكالة الربلة اليمين تجي كاملة مع كلبساتها - لتلفها في سيارتي وكانت مع الخصم ب 100 ريال فقط
7- اللقلقة عندما تشد على السيارة وهي في ترس مو مناسب - لايزال البحث جاريا عن حل .
هذا اللي ذكرته واعذرونا على الاخطاء والاسلوب ان وجد
شكرا

[كديان]

اللقلقه
حط بنزين ٩٥ + وزن ديلكو + وزن بلوف

اذا لقلق الباترول الكبليتر نمرة ٢ او ٣
او يشغلك مايشتغل الصبح
على طول بنزين ٩٥ وحده بوحده بالاضافة للوزن ديلكو و بلوف

[ابو خــــالد]

هاوي الذيب
علبة المتسبيشي كم لتر او جالون !؟

اضافة
جنزير التيمن للفتك يمشي تقريبا ٣٥٠ الف
الجنزير جديد عزم الموتر افضل من جنزير مستهلك
لان توقيت فتح و غلق البلوف كانه موتر جديد
يسكر البلف عند اعلى نقطه يصل اليها البستم
بعكس الجنزير المستهلك يسكر متاخر لانه متمدد مرتخي
بالنسبه للمستوبيشي أنا حطيت علبه كامله والباقي كملته بماء مقطر
والعلبه 4لتر تقريبا ....هاذي الصورة للماء المقصود،،،بعد إذن راعي الصورة;)
http://www.mekshat.com/pix/upload06/images/2012/08/mk84637_xnr7413h6.jpg

...
ثاني شي
موتري ماشي حول340 تهقا أن الجنزير يحتاج تغيير ؟
و وش يأكدلي أنه يحتاج تغيير ؟ وبكم الجنزير وبكم يكلف تغييره(شغل اليد)
ولوماغيرته وش اللي بيصير ؟
أعذرن على كثرة الأسئله :D

[السومر]

يا شباب انا عندي للقلقه في الموتر وغيرة البنزين 95 ويوم جيت أوزن الديلكو ما قدروا يوزنونه يقولون لازم نسوي توقيت

وش رايكم

وكم يكلف التوقيت اللي قد سواه انا قالوا لي بــ 1000 ريال

[sgl2002]

بالنسبة لضعف التبريد فهذا عيب مصنعي اذا شغلت المكيفين وقد بحثت في اكثر من منتدى وسالت اكثر من واحد وكلهم اكدوا انه صحيح


وهناك واحد في منتدى نيسان ارابيا قام بحل المشكلة عن طريق ترهيم بلف تويوتا

طبعا اتكلم عن ٩٨

[محسن اليامي]

تقصد تحس بصوت زي تنسيم الهواء خاصة حول الراكب من عند الدرج

جزاك الله خير وبارك الله فيك

مثل تنسيم الهواء واكثر شي اسمعه داخل السياره وهي واقفه سواء بالمكيف او بدون مكيف

[sgl2002]

افتح الكبوت ورح تسمع الصوت ورا ثلاجة المكينة

مامنها ضرر عندي نفس الصوت ومطنشه

[كديان]

اخوي هاوي
مهب كثيرة ٤ لتر ؟؟؟ اتوقع انه حار على المكينة
بعضهم يحط لترين

اذا دست تسمع قرقشة للجنزير
او كنت تمشي ٤٠ و همن دست تسمع صوته
الفتك العادي تستهلك فحمات الجنزير اسرع من القير التماتيك
العادي شاحطه المكينة بسبب الترس ال٥ مثل الشاص
التماتيك مريحة مكينته
السرعات العالية و جلد الموتر تقضي الفحمات
لازم تمر ورشه يتاكدون منه هل به صوت جنزير ام لا

طبعا اهمال الجنزير يؤدي الى ضعف العزم و صرف بنزين و يمكن يحتمي الموتر

و ممكن ينقطع الجنزير لكن اتوقع عند ممشى ٥٠٠ الف و طالع
التكاليف جنزير و فحمات تقريبا ٣٠٠ و طالع
شغل يد من ٥٠٠ الى ٨٠٠ بالكثير يفك الصدر طبعا

[sgl2002]

ياشباب فيه حاجة في انبير حرارة الباترول من ٩٨ الى ٢٠٠١ وممكن الجدد نفس الشي

وهو ان عداد الحرارة عند النظر اليه وانت راكب تحسه مرتفع

بينما في الحقيقه ان الزاوية التي تنظر معها هي زاوية تشوف الحرارة مرتفعها معها بمقدار شرطة او شرطتين

وعشان تتاكد

اذا شفت الحرارة على الخط الثاني بالظبط

خذ جوالك وقربه من عداد الحرارة ووازنه صح يعني خل كمايرا الجوال مساوية للعداد لاتلفه يمين والا يسار ، وصور العداد

سوف تلاحظ ان الحرارة ليست ع الشرطة الثانية كما تراها وانما قبل الشرطة بقليل

وانا اتوقع هذا خطا في طريقة تصميم العداد

المفروض يكون زي الهونداي مقابل لك تماما

او يكون زي الشاص واللاندكرور ٢٠٠٧ وتحت

ولو تلاحظ عداد الحرارة في الشاص الجديد يكون زي حق الباترول القديم ٩٨ الى ٢٠٠١ بس محطوط قدامك بالضبط

لان تصميم العداد بهذا الشكل الافضل ان يكون امامك

جرب انت الطريقه اللي قلت لك وبتلاحظ ان فيه فرق بالحرارة من نظرتك ومن النظرة المقابلة للعداد

[محسن اليامي]

افتح الكبوت ورح تسمع الصوت ورا ثلاجة المكينة

مامنها ضرر عندي نفس الصوت ومطنشه

اي بالله الصوت ورى الثلاجه مثل ماقلت
طيب ماعرفت شنو سبب هالصوت

وموترك عادي ولا تمتك

وجزاك الله خير

[sgl2002]

موتري عايدي

وانا اقول خلك منها مامنها خلاف لان الصوت اتوقع داخل الثلاجة

ارفع المسجل واستمتع بالقيادة

[ابو خــــالد]

اخوي هاوي
مهب كثيرة 4 لتر ؟؟؟ اتوقع انه حار على المكينة
بعضهم يحط لترين

اذا دست تسمع قرقشة للجنزير
او كنت تمشي 40 و همن دست تسمع صوته
الفتك العادي تستهلك فحمات الجنزير اسرع من القير التماتيك
العادي شاحطه المكينة بسبب الترس ال5 مثل الشاص
التماتيك مريحة مكينته
السرعات العالية و جلد الموتر تقضي الفحمات
لازم تمر ورشه يتاكدون منه هل به صوت جنزير ام لا

طبعا اهمال الجنزير يؤدي الى ضعف العزم و صرف بنزين و يمكن يحتمي الموتر

و ممكن ينقطع الجنزير لكن اتوقع عند ممشى 500 الف و طالع
التكاليف جنزير و فحمات تقريبا 300 و طالع
شغل يد من 500 الى 800 بالكثير يفك الصدر طبعا

اللي أشوفه أن 4لتر مناسبه جدا لأن الفتك ياخذ 9علب ماء مقطر. .. يعني أني حطيت نص محلول ونص ماء وبالنسبه لكلامك
أنك تقول حار ما أتوقع ؛؛؛ بالعكس أنا أشوفه أفضل ﻷنه يمنع الصدأ

[4800VTC]

الله يعطيكم العافيه يا شباب
افدتونا كثير

[abo naser 1]

السلام عليكم

باترول 95 ماخذه مستعمل مشيته فوق ممشاه السابق 200000 الف كيلو استخدامي له كأنه يهودي وقع بين يدي سفر داخلي السعودية وخارجها ونفود ووعر وشعبان وسرعات عالية مع التكييف ما أغير القير الين اشوف البستم فوق الكبوت طلايب تكفا تكفا ريحني

ما واجهت الا تشكيل الكربريتر غيرته بجديد ياباني ونفس الشي ووزن ديلكو وبليتين يصفا يومين ويرجع وخليته على وضعه ومع ذلك عزمة جبار الين بعته الله يرزق من شراه بس من بعده جاني ادمان على النيسان ولا اشوف موتر بر غيره

لأكن بعد البيع تبين لي ان السبب ضعف الكهرب بسبب تركيب مراوح كهرب سوبارو والدينمو ما يتحمل زيادة كهرباء يحتاج تغيير الى دينمو مكينة 4500 يجي 100 امبير وهو 4200 يجي 70 امبير على ما اعتقد وسمعت كذلك دينمو المكسيما يركب

[كسير الحظ]

السلام عليكم
يعطيك العافية على هالموضوع الذي يجمع بين الافادة والاستفادة


يوجد مشكلة ظهور لمبة التانكي الاحتياطي في جيب نيسان 98
ويوجد لها حلين
الحل الأول هو فصل الفيوز الخاص بالتانكي الاحتياطي من علبة الفيوزات الموجودة تحت الدلكسون عند ركبة السائق اليسرى ( تفصله وثم ترجعه والموتر طافي )
الحل الثاني تفصل اصبع البطارية ومن ثم ترجعه وتروح لمبة السب تانك ويشتغل معك التانكي الاحتياطي
وقرأت حل كذلك ولكني لم اجربه وهو تغيير الفيوز الخاص بالتانكي الاحتياطي


من المشاكل التي لم اجد لها حل
الليك الذي يخرج من صوف دفرنش الدبل بجهة الكفر اليمين والكفر اليسار .. قمت بتغيير الصوف باصلية جهة ضبطت وجهة ضبطت فترة وبعدها رجعت تليك

....

ايضاً هناك مشكلة جنزير الدبل
هناك من ينصح بتغييره بدبل استخدام ياباني لم يفك

وهناك من ينصح بتغير جنزير الدبل بأصلي وتغيير التروس الخاصه به ايضاً
والى الان لم اجرب اي حل منهم

....
مشكلة ضعف الديكور الخشب وارتفاع سعره ( قيمته 1170 ) وكان سعره على ايام الجبر بعد الخصم بـ850 ريال لسيارة تعتبر قديمة(98) وليست موديل هذه السنة

صورة توضيحية
http://www.mekshat.com/pix/upload06/images/2012/08/mk127352_mekshat502.jpg



في اعتقادي الشخصي ان من ابرز المشاكل التي يعاني منها مستخدمي النيسان هو ارتفاع اسعار قطع الغيار وهذا يحد بشكل كبير من انتشاره بمعنى لو كانت قطع غياره معقوله لكن انتشاره اكبر من الانتشار الحالي وهذا ليس فقط على الجيب الباترول ولكن على جميع سيارات نيسان الاخرى المكسيما والالتيما والارمادا وغيرها

[المنيعي1]

حبيبي صاحب الموضوع
الحرارة إذا دخلت النفود بدون تنسيم الكفرات هذي ليس مشكلة هذي كل السيارات أذا دخلت لازم تنسم ولا تولع السيارة.وتفكك وتقرقع وإذا غرزت ماتطلع.

[المنيعي1]

في اعتقادي الشخصي ان من ابرز المشاكل التي يعاني منها مستخدمي النيسان هو ارتفاع اسعار قطع الغيار وهذا يحد بشكل كبير من انتشاره بمعنى لو كانت قطع غياره معقوله لكن انتشاره اكبر من الانتشار الحالي وهذا ليس فقط على الجيب الباترول ولكن على جميع سيارات نيسان الاخرى المكسيما والالتيما والارمادا وغيرها
الله يعينك على الديكور مصيبة

ولكن للمعلومية الأن أرخص قطع غيار هو نيسان لأن الوكالات الأخراء أسعارها دبل نيسان .

[كسير الحظ]

الله يعينك على الديكور مصيبة

ولكن للمعلومية الأن أرخص قطع غيار هو نيسان لأن الوكالات الأخراء أسعارها دبل نيسان .
ارحب يالمنيعي ممكن اتفق معك لو قلت ان بعض قطع نيسان ارخص من غيرها لكن التعميم ان قطع نيسان كلها ارخص من غيرها فخالفك في هذا الشئ

وازيد على سعر الديكور
سعر الكمبرسور لباترول 98 هو 2800 ريال وسمعت مؤخراً انه صار بثلاثة الاف ريال


سعر اهواز المكيف الحار بـ650-700 ريال والبارد نفس السعر تقريباً

وسلملي على رخص الاسعار

[كديان]

اللي أشوفه أن 4لتر مناسبه جدا لأن الفتك ياخذ 9علب ماء مقطر. .. يعني أني حطيت نص محلول ونص ماء وبالنسبه لكلامك
أنك تقول حار ما أتوقع ؛؛؛ بالعكس أنا أشوفه أفضل ﻷنه يمنع الصدأ

قصدي اذا كان المحلول 4 لتر ربما تجلس وقت الحرارة مانزلت
بمعنى ان تفريغ و طرد الحرارة مهب سريع
لكن تصوري اذا كان لترين فقط فان الطرد يحصل سريع
اتصور لترين كافية لمنع الصدأ و الاملاح و الترسبات
كما اني اغير الماء كل سنة بعض الربع يحط لتر ونص مرسيدس
و بعضهم حق بي ام لتر و نص
وجهة نظري
مشكلة المحلول احتواءه على زيت و هذا اللي يخلي الحرارة تبطي ما تنزل
اذا بغيت تلاحظ الفرق حط مقطر بدون محلول كتجربة
و لاحظ الفرق بحرارة الموتر تنام بسرعه

@@@@@

قطع الغيار للنيسان ياخوان نااار لكن اشوف انه تكد و تطول ما تخرب
الحنشل حقين تايوتا كرسي مكينة كورولا م2004 ب280 سير مكينة 180
راس مكينة المنيوم باترول مفرغ من دون بلوف سابقا 3000 ريال
احد الربع يقول الان وصل 4000
لمبة الكبوت حقت باترول صالون م97 ب 880 ريال شراه حدا الربع



الليات حقات الدفاية اشروهن من حقين الليات و الكبس الهيدورليك
اصلي و ارخص شف عندك اللي مكتوب عليه المقاس
و اهم شي تاخذ اللي مكتوب عليه هوز هيتر = ليات حرارة
به اصلي امريكي هذا خذه زينته انه لين لابغيت تكبسه
العضل او اليابس لا تقربه

[المنيعي1]

ارحب يالمنيعي ممكن اتفق معك لو قلت ان بعض قطع نيسان ارخص من غيرها لكن التعميم ان قطع نيسان كلها ارخص من غيرها فخالفك في هذا الشئ

وازيد على سعر الديكور
سعر الكمبرسور لباترول 98 هو 2800 ريال وسمعت مؤخراً انه صار بثلاثة الاف ريال


سعر اهواز المكيف الحار بـ650-700 ريال والبارد نفس السعر تقريباً

وسلملي على رخص الاسعار
هلابك أكثر
ولكن أنا أقيس على سيارتين عندي باثفندر و فورتشنر وكلهن 2008 يعني نفس الموديل
قطع الفورتشنر دبل قطع الباثفندر وأخص بالقطع الأستهلاكية.
على سبيل المثال تغيير زيت وفلتر القير الباث 250 والفورتشنر 500
فحمات أمامي الباث 175 والفور تشنر 270

[خبايا انسان]

السلام عليكم



باترول 95 ماخذه مستعمل مشيته فوق ممشاه السابق 200000 الف كيلو استخدامي له كأنه يهودي وقع بين يدي سفر داخلي السعودية وخارجها ونفود ووعر وشعبان وسرعات عالية مع التكييف ما أغير القير الين اشوف البستم فوق الكبوت طلايب تكفا تكفا ريحني


ما واجهت الا تشكيل الكربريتر غيرته بجديد ياباني ونفس الشي ووزن ديلكو وبليتين يصفا يومين ويرجع وخليته على وضعه ومع ذلك عزمة جبار الين بعته الله يرزق من شراه بس من بعده جاني ادمان على النيسان ولا اشوف موتر بر غيره



لأكن بعد البيع تبين لي ان السبب ضعف الكهرب بسبب تركيب مراوح كهرب سوبارو والدينمو ما يتحمل زيادة كهرباء يحتاج تغيير الى دينمو مكينة 4500 يجي 100 امبير وهو 4200 يجي 70 امبير على ما اعتقد وسمعت كذلك دينمو المكسيما يركب



ملاحظتك جميلة من ناحية الدينمو ,,

بس السؤال / هل يختلف دينموا 4500 عن دينموا 4200 ف الشكل ؟ ؟ ؟

لاني انا شريت دينموا 4500 موديل 2000 ,, ولما فتحت الكبوت لقيته نفسه بالتمام ؟ ؟ ؟ ؟

كيف اعرف عدد امبيرات الدينموا الي راكب بموتري الحين ؟ ؟

[الأعصـــــار]

ماشالله معلومات مفيدة مشكورين جزاكم الله خير
وفي أنتظار المزيد من التجارب والحلول شكرا..

[السومر]

تابعوا هذا الرابط فيه حل مشكله بسيطه

http://www.mekshat.com/vb/showthread.php?t=520893

[abdullah25243]

اخوتي الكرام
معي باترول من شهر تقريبا وماشي معي تمام ولكن فيه عدة أمور حبيت استفسر منكم عنها وياليت الاقي منكم التجاوب كما عهدناه دائما:

المشكلة الأولى: اليوم الصباح طفيت السيارة عند محل عشر دقايق وجيت أشغلها الا وما تشتغل ولا تدق سلف مع ان البوري شغال تمام وفيه كهربة واصلة حتى ان صوت الجرس اللي ليا دخلت المفتاح في السويتش شغال بس القزاز ما يشتغل ( كهرباء ) ولا المسجل ولا أي شيء ثاني. يعني بالمختصر يفر السويتش بوش. حتى صوت الطرنمبه ما سمعته ولا صوت السلف. والبطارية ما أدري هل هي ضعيفه أو لا بس أعتقد انها تمام .... ملاحظة أنوار الطبلون اذا فريت المفتاح ما تولع واذا حركت مجموعة أسلاك تحت الدركسون تولع اللمبات وبعدها تشتغل السيارة.........؟؟؟؟

المشكلة الثانية: صوت طقطقة مع تشغيل الدبل وخاصة اذا شديت عليه حتى لو الكفرات ماشية سيده بدون ما الف لا يمين ولا يسار فهل هو الجنزير وكم يكلف وهل شد الجنزير حل جذري له ....؟

المشكلة الثالثة: تهريب بين المكينة والقير فإذا كانت الصوفة الخلفية للمكينة فكم تكلف؟ مع الاجور؟

المشكلة الرابعة: صوت قربة مع المطبات الله وكيلكم كأني في صندقه مو سيارة والمشكلة القربة كلها من داخل السيارة مافيه قربعة تحت الا حاجة بسيطه فوش الحل فيها ... هل مثلا اذا فكيت ديكور الابواب بألاقي أشياء أشدها بنفسي أو لا مع العلم اني حطيت شطرطون على أقفال المراتب كاملة ولكن لا فائدة؟؟؟

المشكلة الخامسة: اذا شغلت المكيف والسيارة واقفة أو اذا اسرعت على السيارة حول 160 تبدأ الحرارة ترتفع وكأنها تبي توصل للنصف ووقتها أما أطفي المكيف اذا كنت واقف أو أهدي السرعة اذا كنت ماسك خط وتنزل الحرارة الى الشرطة الثانية من تحت.

المشكلة الخامسة: ضعف العزم بقوووووه وخصوصا مع تشغيل المكيف مع العلم ان البلوف يبي لها وزن لأن الموتر موضب قبل 6 شهور تقريبا. وتسمع صوت البلوف كأنه سيارة ديزل. وهل للوزن علاقة بالحرارة يعني لو حطيت وزن البلوف 30/20 هل ستختفي الحرارة مثلا ويزيد العزم...؟

والله يا جماعة الخير أدري اني كثرت عليكم ولكن الله يجزاكم خير مالنا الا انتوا بعد الله في الرد على الاستفسارات ... والله يحفظكم ويرعاكم.

[سوبر مكشات]

فيه مشكله عامه بالمواتر كله ما لها حل
اذا صرت دايم مسرع ممشاك 170 180 يعني طبلون الموتر
المكينه تجيب العيد
صارت مع باترول وكامري وفورد وكل المواتر

المواتر ما تتحمل السرعه

[فيصل محمد علي]

لدي باترول 98 اعاني من مشكلة التكييف الخلفي انه حار مع ان التكييف الامامي بارد وقمت بتغيير البلف الخلفي مع الفريون عند محل والقطع من الوكالة البابطين ونفس الشي لازال التكييف الخلفي حار ارجو الحل من لديه خبره

[sgl2002]

^^^
شكل الفريون مايوصل للثلاجة الخلفية

[القصير111]

الله يجزاكم خير
عندي سفاري 97
فيه تفتفة وإذا دعست له يكتم ويفقع وصوت المكينة عالي
نزلت ف اﻷبنص إلى آخر شي لكن لازالت المشكلة قائمة
وترى الموتر للبيع

[لهذام]

الله لايهينكم ..

لكن وش مشاكل الباترول الجديد ، افيدونا يامن جربتم ؟

[rakan.net]

ماقصرتو يالربع

[RW7..ALBDAWA]

حآجآت اسآسيآت عند شرآئك لـ بآترول من 88 إلـى 97 حـسب خبرتـي في 4 سيآرآت بآترول
الحآجه الاسآسيـــــــه عند شرآئك لـ البآترول اول حآجــه ديلكـو الكترونـي لآنـه يسآعد على توزيـع الكهرب بشكل ممتآز جداً ويقلل من صرفيـة البنزيـن وتختفـي تفتـة البآترول ويشتغل الصبـح من اول دقـه عكس الديلكـو العآدي بهذلـه على الصبـح
الشي الثآني الكربريتـر امآ يكــــــــــــون اصلي او يآبآني وعموماً جديدددددد وبرضو بتلآحظ صرفية البنزين مع الكربرريتـر الجديد رآح تخف بنسبـه 40 بالميـه وفرارت والحآجـه الاخيرهـ واللي اشوفهآ بنـظري انآ مهمـه اللي هي المرآوح تسآعد على هبوط الحرآره وتمحـي حنة المكينـه وهذي الاشيآء اللي انآ ماشي عليهآ والحمد لله مآعرف لآ ورشه ولآ غيرـه
وبخصوص جنزير الدبل اذآ فرط فيه ورشـة يكلف مع التغيير 400 ريآل اسم الورشـة الموسى اسم العآمل ادريس

[-ابوفيصل]

اكثر ماتعبني في النيسان عمومآ الكبليتر

[الحربي ..]

السلام عليكم
انا معي باترول 91 ربع حرارتة غير ترتفع لين فوق الربع بشوي هذا وانا مو مشغل المكيف والسيارة واقفه وحتى وانا في زحمه وفي الليل كمان ...
وفي له تنسيم زي صوت الاديتر من بين مكيف السواق والباب ...

ايفادتكم مشكورين

[راعي المجهم]

الباترول مشاااااااااكل لا تنتهي

[كلاشنكوف.]

باترول 2003
1-حراره وغيرت غطاء الرديتر وزان عقبها
2-القير معاد يبدل طلع من الكتاوت بدلته وزان عقبها

باترول 97
تحسفت على بيعته الله يبارك للي شراه

باترول 98

عطل ولازلت ابحث عنه

صوت مثل الونه في المكينه اذا وقفت طلع واذا مشيت راح الصوت؟؟!!

اخوي شيك على دينمو الكهرب قبل 6شهور صار لي نفس مشكلتك موتري باترول 4500 موديل 98 طلع فيه ونة في المكينه اذا وقفت واذا مشيت راحت ماخليت ورشه وماجيتها اخر شي جيت كهربائي خوين لي قال الدينمو مشكلت سيارتك وياربي لك الحمد راحت الونة

[xpol]

حصلت لي مشكله وهو تقطيع الموتر ونفضه اذا شغلته الصبح أو اذا كان بارد وينزل عداد الظغط تحت كانه بيطفى
واذا مشيت في القومه يقطع وعزم ردي مرره طلعت المشكله من الهوز حق الهواء مشقوق كالعاده لفيت عليه شطرطون اسود وزاانت علومه
ونظفت الثروتل والي جنبه أظن اسمه حساس الدورات المنخفضه والعاليه طلع كربون وااجد ، ياجمااعه فرق الموتر مره عزم ماشاء الله تبارك الله

[xpol]

للفائده لاحظت ان سبب الشق في الهوز هو الي يغير لك الزيت بحيث اذا جاء يفك الفلتر يرفعه لفوق وينشق اذا كان ميبس شوي تنبهوا لهالنقطه

[بندر25]

السلااام عليكم
شباب وش حل الترس الخامس في الباترول 96 مايعشق (منفرط) مرتين غيرته

والمكينة معدله السي ون 6لتر ..

[عقرجي]

السلام عليكم ..
عندي عداد السرعه بلجيب الباترول 95
يزود السرعه يعني امشي 80وهو ع 120
وش الحل الله يجزاكم خير

[XRAY MAN]

الله يعطيكم خير مواتركم ويكفيكم شرها

كنت ناوي على ربع فتك والظاهر إني بهون عقب هالمشاكل

[كايد]

جزاكم الله خير

[الكدن1]

واجهتني مشكلة(الوشوشة) صوت الهواء من الابواب الامامية
والحل ب70 ريال
تركيب ربل باترول من 98م وفوق ناجح 90 بالمية لكن لابد من تغيير المفصلات او كبسها

[ابومنصور7973]

مسيتم بالخير يالربع
انا شريت لي ربع باترول ٢٠١٥
وماتوقعت اني بواجه مشاكل لاكن من شرائي له وان بمشكلة ورى مشكلة اول شىء طبعا رافعه من ورى يايات استراليه ٣ سانتي واتوقع الشعب كله مثلي
عندي تهريب في الصوفه حقت الدفرنس وصلحوها لي الوكاله ورجعت تهرب ثاني شىء من سرعه ٤٠ ل ٦٠ عندي صوت اتوقع انه العمود زي الرجه اذا دعست طلع واذا فرملت واذا رفعت رجلي بين هالسرعه يختفي بشكل بسيط
الي عنده خبره ياليت يفزع لي

[ربع 9]

اخوي بسبب رفعة الموتر خصوصا اذا كان ربع لان عمود القير يون معك

[ابوهاشم a]

كانت مشكلتي مع الباترول تقطيع ويكتم وغيرت لما تعبت من كلبليتر وبواجي وبليتين وركبت ديلكو اكتروني وحلت جميع المشاكل كل المشاكل منه البليتين والبويبينه

[فهد فرحان]

موضوع طيب ومفيد
نشكر جميع الاخوان على المشاركات
بالنسبة للديلكو الالكتروني

اشتريت ديلكو
بس وين المحل اللي
يركبه لاني مريت كذا ورشة
ماحد يعرف له

موتري 92
وموقعي الرياض

[raed20]

مسيتم بالخير يالربع
انا شريت لي ربع باترول 2015
وماتوقعت اني بواجه مشاكل لاكن من شرائي له وان بمشكلة ورى مشكلة اول شىء طبعا رافعه من ورى يايات استراليه 3 سانتي واتوقع الشعب كله مثلي
عندي تهريب في الصوفه حقت الدفرنس وصلحوها لي الوكاله ورجعت تهرب ثاني شىء من سرعه 40 ل 60 عندي صوت اتوقع انه العمود زي الرجه اذا دعست طلع واذا فرملت واذا رفعت رجلي بين هالسرعه يختفي بشكل بسيط
الي عنده خبره ياليت يفزع لي

انا معي فتك باب واحد 2012
نفس مشكلتك كان عندي تهريب ووديته لضمان قالي نصلحه ب700 😁
واطلع من الوكاله واصلحه بورشه بحدود 200
اما مشكلة رفعة الموتر انا مثلك ركبت ياي استرالي ، وصار يطلع صوت ونزلت القير شوي وخف مررره الصوت الحمدلله

[صقر المملكة 2]

باترول 2004 اذا وقفت والمكيف شغال ترتفع الحراره وإذا مشيت تنزل للربع

تكفون الحل بالنشاما:(

[السليطين]

QUOTEhttp://cdncache-a.akamaihd.net/items/it/img/arrow-10x10.png (http://www.mekshat.com/vb/#81748065)=ابومنصور7973;10387842]مسيتم بالخير يالربع
انا شريت لي ربع باترول ٢٠١٥
وماتوقعت اني بواجه مشاكل لاكن من شرائي له وان بمشكلة ورى مشكلة اول شىء طبعا رافعه من ورى يايات استراليه ٣ سانتي واتوقع الشعب كله مثلي
عندي تهريب في الصوفه حقت الدفرنس وصلحوها لي الوكاله ورجعت تهرب ثاني شىء من سرعه ٤٠ ل ٦٠ عندي صوت اتوقع انه العمود زي الرجه اذا دعست طلع واذا فرملت واذا رفعت رجلي بين هالسرعه يختفي بشكل بسيط
الي عنده خبره ياليت يفزع لي[ QUOTEhttp://cdncache-a.akamaihd.net/items/it/img/arrow-10x10.png (http://www.mekshat.com/vb/#86191477)]


انت اللي مخرب موترك بنفسك ...
رفع الموتر يخرب الصليب ويسبب صوت عررررره ويخرب الصوفه ,,
رجعه شد بلد ازين لك . ولا نزل القير شوي

[السليطين]

QUOTEhttp://cdncache-a.akamaihd.net/items/it/img/arrow-10x10.png (http://www.mekshat.com/vb/newreply.php?do=newreply&p=10529546#41831228)=صقر المملكة 2;10529546]باترول 2004 اذا وقفت والمكيف شغال ترتفع الحراره وإذا مشيت تنزل للربع

تكفونالحلhttp://cdncache-a.akamaihd.net/items/it/img/arrow-10x10.png (http://www.mekshat.com/vb/newreply.php?do=newreply&p=10529546#65077837) بالنشاما:([QUOTEhttp://cdncache-a.akamaihd.net/items/it/img/arrow-10x10.png (http://www.mekshat.com/vb/newreply.php?do=newreply&p=10529546#36672940)]

صيخ الاديتر او غيره افضل ...

واذا مازانت الحراره اوزن الديلكو,,,
طبعا الورش ماعندهم مسدس الفتك ... فانصحك انت تحورف فيه شوي ويبي يزين العزم وتروح الحرارة

[اورنس الشمري]

يا جماعه وش حل تنسيم الهوا مع الدرايش

موتري 98 صالون

ابي عزل لو بنسبه 95%

الله لا يهينكم

[aboaziab]

السلام عليكم ورحمة الله وبركاتة

انا عندي باترول 98 قير عادي بخاخ
المشكلة فيه ضعف في العزم شارية قبل سنة تقريبا كان عزمة ممتاز بدأ يضعف عزمة تدريجيا مع تقطيع احيان
كان لي قربة الهوا متشقق غيرتة وصار نادرا اسمع صوت مثل الانفجار كان فية وصخ في البانزين غيرت صفاية بنزين والحمدلله تمام
الان اعاني من ضعف في العزم ممشاه تقريبا حول 555
والمشكلة الثانية التعشيق الى الترس الخامس في الصباح ادبل يالله يعشق بس اذا احتر الموتر التعشيق تمام اما زيت العلبة الكلتس فهو اسود وش الحل

[ابو مقعد511]

سلام عليكم ،،،

يالربع انا عندي باترول صالون 2006 سلق سبق وغيرت جنزير الدبل ،،،×

لاكن يطلع لي صوت قره قررررر قررررر قررررر حول الجربوكس يروح و يجي سؤاءً اضغط كلتش او ما اضغط

و يروح اذا بديت امشي ....

افزعولي فالحال يالربع ..

[طناف]

السلام عليكم
نيسان باترول صالون 2010 حجم 400
عندي مشكلة في جلد المقصات امامي 8 جلد
وباالخلف 4 تقريبا
المقصات ممتازة فقط المشكلة في الجلد
ولا يوجد جلد له بل تباع باالمقص كاملة
هل يوجد من يكبس له جلد ؟

وعندي مساعدات الكبوت خربانه وسمتها وطلعت ب 400 ريال

[سفاري فتك]

ممكن مساعدة
اذا كنت امشي ومسكت فرامل يصير رجه في السيارة وفي الدركسون او مع المطبات احياناَ
طبعا رجه خفيفه السيارة باترول رفع 2002

[الباترول جنني]

السلام عليكم ورحمة الله وبركاته
الله يعطيكم العافيه انا عندي بترول 2011 400 فيه تقطيع مالقيت له حل مو دايم بعض الاحيان كاني ادعس له غيرت طرمبه والعوامه والكويلات بواجي ماتغير شيء لي سنتين تكثر اذا كان البنزين واجد والحين جايه رجه غريبه وقويه مالها سرعه محدده من 120 وفوق مع ان كلمة رجه قليله باللي اشوفه مره تقوى ومره خفيفه وكن السيارة نازله من ورى سويت له ترصيص ارضي مانع وفيه مشكله بعد ريحة الشكمان غريبه واذا فتحت الكبوت تحس الموتر جايه قبل كذا حراره مع اني مطلعه على اصفار افزعولي يالنشاما

[فياض الربيع]

عيب الباترول ضعف العزم

[العافط]

السلام عليكم
سويت بحث في قوقل وطلع لي هذا الموضوع انا عندي نفس المشكلة باترول موديل 98 فل كامل تماتيك 4500 انجكشن.
العزم ضعيف بالمرة وأي طلعة يتردى العزم على طول, اذا لقيتوا حل لا تبخلوا علي به ولكم جزيل الشكر والتقدير
ملاحظة / انا موجود بالرياض

[الشقردي(العيون)]

باترول فتك
2006

حساس الفلتر او المسمى بالمنظم تعطل علي
لدرجة ان السياره تطفا
وتشتغل وانا اسوق
وقيمت حول 1800
وركبت حق مكسيما بأقل من 500 ريال وماشي معي

لكن فيه مشكله ماحصلت لها حل
اللي هي عداد البنزين يعطي قراءه خطأ
ورحت لكذا ورشه ومافيه حل الا تغير الطبلون
اما الطبلون الليزر يتصلح حق الفل
واللي معي نص فل




شكرا لك. يعطيك العافيه صحيح انا شريت حق فتك 2007 من تشاليح ب ٥٠٠

ولا دريت الا من موضوعك

[طيرالباترول]

الاخوة اعضاء الرابطة ....السلام عليكم ورحمة الله وبركاته

وشلونكم ان شاء الله مبسوطين ...
استفسار عن الديلكو الإلكتروني
انا موتري باترول 1983 قديم كلبريتر.. السؤال الآول :
هل الديلكو الإلكتروني يجي على مكينته لو نغيره ؟؟
السؤال الثاني :
لو بركب ديلكو إلكتروني وكويل الكتروني 98 فاعلى هل ممكن عمليا وهل له ايجابيات وما هي سلبيات التغيير هذا وهل يزيد عزم الموتر ؟
السؤال الثالث والاخير :
ماهو المطلوب من مجاميعه لتركيبه هل الديلكو فقط ام معه كويلات وغيرها ؟
واللي عنده ديلكو إلكتروني كم يجي سعره مع الكويل الالكتروني واجور التغيير ... مع الشكر محبكم ..........(طير الباترول )