يوسف الخليفة1
06/08/2012, 12:02 AM
بسم الله الرحمن الرحيم
السلام عليكم ورحمة الله وبركاته
قالوا لي حشام الفعايل ربوعي=لويش تكشت والخلا كله غبار
قلت العسام بناظري لو يفوعي=مثل الضباب اللي غشا عقب الامطار
حب الخلا ما هوب تركه بطوعي=اليا تربع بالحشا ما له ادبار
بان بضميري مثل نور الشموعي=يا حلوها سجة سبوتي بالاقفار
وادير شوفي بالنجوم الرفوعي=بخاطري ما بين عجب وتفكار
واشاهد الطلح العريض الفروعي=اللي تهزع بالورق حدر الاشجار
واسللي بصوت الطيور السموعي=تغريدها المسرور مع نور الاسفار
عايش بنعمه ما تلزان جوعي=بامن وعوافي بالمداهيل والدار
والنار موقدها وعندي قدوعي=تمره سقوها من شهاليل الابار
والدله اللي خصرها ما يموعي=بن الهراري فيها مع سحنة بهار
ناتج طعمها يرجهن الضلوعي=يقلط عليها الضيف والخال والجار
ما بينهم عفن النوايا اللكوعي=والشاهي مخدر على واهج النار
هذي هي اللذه كسبها القنوعي=اللي مشا الدنيا على درب الاخيار
يوسف الخليفة ( أبو عبد الله )
السلام عليكم ورحمة الله وبركاته
قالوا لي حشام الفعايل ربوعي=لويش تكشت والخلا كله غبار
قلت العسام بناظري لو يفوعي=مثل الضباب اللي غشا عقب الامطار
حب الخلا ما هوب تركه بطوعي=اليا تربع بالحشا ما له ادبار
بان بضميري مثل نور الشموعي=يا حلوها سجة سبوتي بالاقفار
وادير شوفي بالنجوم الرفوعي=بخاطري ما بين عجب وتفكار
واشاهد الطلح العريض الفروعي=اللي تهزع بالورق حدر الاشجار
واسللي بصوت الطيور السموعي=تغريدها المسرور مع نور الاسفار
عايش بنعمه ما تلزان جوعي=بامن وعوافي بالمداهيل والدار
والنار موقدها وعندي قدوعي=تمره سقوها من شهاليل الابار
والدله اللي خصرها ما يموعي=بن الهراري فيها مع سحنة بهار
ناتج طعمها يرجهن الضلوعي=يقلط عليها الضيف والخال والجار
ما بينهم عفن النوايا اللكوعي=والشاهي مخدر على واهج النار
هذي هي اللذه كسبها القنوعي=اللي مشا الدنيا على درب الاخيار
يوسف الخليفة ( أبو عبد الله )