هذا هو اللي يسمونه فارط ..؟

[خالد العطااوي]

السلام عليكم ورحمة الله وبركاته


كيفكم عساكم بخيييييير
فيه مقطع اعجبني صرااااااحه مشاءلله تبارك الرحمن
هدد قرناسه شيهانه بحريه ..
وبوجه لكم عدة اسأله



1-هل هذا يسمونه الفارط .... او السبق الفارط .. ؟


2-وكم مقاس هالطيييييير يعني ارمعو :D ؟


3- وكم تتراوح اقياااااامها هالايام او بالشتاء .؟



tJnhV3CKYNo



وهذا رابط المقطع واضن البعض شاف المقطع قبل ...


http://www.youtube.com/watch?feature=player_embedded&v=tJnhV3CKYNo
اتمنى افااااتدكم بهالاسأله ..

[سلطان 1]

.الطيره سبوق الله يباااارك لرااااعيهاااا.
وقياسها
من ال ١٥ ونص وجاااي.
اما اقيااااامها فعلي حسب الحجم والفعل والقرناااس الزين يعني
المصفيه تفرق في القيمه.

[خالد العطااوي]

حطيت الرابط يالغالي ..

[خالد العطااوي]

68 ولااحد رد ... ليش ياولد هههههههه كل ماحطيت موضوع ماحدن يرد .. فيه بلا ..؟؟؟
ردودكم يعيال ماجينا غير نستفيد ..

[ســـبــار ربــعـــه]

مرحبا ياخالد.

لا ماهي فارط بس سبوق.
تحياتي.

[ROOSHDE]

ماشاء الله والله يبارك لراعيها تستاهل ×

[خالد العطااوي]

طيب قولو لي الحييييييين كم تتوقعون مقاسها ؟؟؟؟؟؟
وكم تتراوح اقيامها ؟؟؟

[عشق الرحيل]

بالتوفيق .....

[ســـبــار ربــعـــه]

مقاساتها الله اعلم.

[خالد العطااوي]

نبي افاده يالربع ... :(

[خالد العطااوي]

يخوان هذا مصارت ترا ؟؟؟ ردودكم
وصل 150 ولا ردددددد ؟

[شطب]

هذي شيخه للصقار ابو عبدالله الحويطي

طرحها فرخ وصقرها كم سنه وباعها

مقاسها ان ماخانتني الذاكره ١٥ عرض ١٤ ونص طول

[الصارم1]

سبوق سبوق

المقاس 14*14 تقريا

[عاشق جلاد]

مابعد وصلت للفارط

[THE SNIPER H]

بسم الله ما شاء الله
الطير سبق وممتاز
ومقاسه حول 14.5 او 15

[خالد العطااوي]

طيب يالربع ع كم اقياااااااااااامهن .؟؟؟ ماجاوبتوني اقيامهن حول كم ؟؟؟ لو ادور
قرناسه او فرخ ؟؟؟؟؟؟؟؟؟؟؟؟؟؟؟؟؟

[خالد العطااوي]

اممممممممممممممم وصلو 200 ولا رد غير ذولي ؟؟ يدافع البلا

[ســـبــار ربــعـــه]

ياخالد
كل طير قيمته حسب فعله و سبق جناحه وياتي بعد ذلك المثايل والشخوص والريشه.
وهالشيهانه ماشفنا الا هدادها على كروان ولا صار مقاسها 14 ونص طول و 15 عرض يمكن تشتريها باربعه وخمس خمسه. تزود وتنقص حسب العلوم.
واذا كانت ذابحه الحبارى بس وتصفي مع الحرار بدري يمكن تاصل العشرين الف.
انت تسأل اسئله تعتبر في الغيبيات تدوج في اليوتيوب وتلقط من المقاطع وكل ماشفت طير جبت مقطعه وقلت كم يسوى وكم مقاسه وكانك اذا عرفت انه شيهانه بحريه راح تروح وتلقى نسخه منه في بنده ولا في العثيم. والأدهى من ذلك تقول تعم الفائده !! وش الفائده انا نتجادل في طير في مقطع فيديو.!
الله يهديك اسأل عن مايفيدك بالتعامل مع الطير والحاجات الي تفيد المبتدئ افضل من التسعيره ههههههههههههههههههههههه
تحياتي.

[خالد العطااوي]

ياخالد
كل طير قيمته حسب فعله و سبق جناحه وياتي بعد ذلك المثايل والشخوص والريشه.
وهالشيهانه ماشفنا الا هدادها على كروان ولا صار مقاسها 14 ونص طول و 15 عرض يمكن تشتريها باربعه وخمس خمسه. تزود وتنقص حسب العلوم.
واذا كانت ذابحه الحبارى بس وتصفي مع الحرار بدري يمكن تاصل العشرين الف.
انت تسأل اسئله تعتبر في الغيبيات تدوج في اليوتيوب وتلقط من المقاطع وكل ماشفت طير جبت مقطعه وقلت كم يسوى وكم مقاسه وكانك اذا عرفت انه شيهانه بحريه راح تروح وتلقى نسخه منه في بنده ولا في العثيم. والأدهى من ذلك تقول تعم الفائده !! وش الفائده انا نتجادل في طير في مقطع فيديو.!
الله يهديك اسأل عن مايفيدك بالتعامل مع الطير والحاجات الي تفيد المبتدئ افضل من التسعيره ههههههههههههههههههههههه
تحياتي.
اول شيء تقولي كل ماشفت طير جبت مقطعه ؟؟؟ متى جبت وحطيت موضوع ؟؟؟
ماعمري سويتها ابد
والفايده لنفسي مو لغيري اقصد وانا اعرف الفائده لشيء معين بسسسسس
انا ياحبيبي اقصصصد كم قيمته ؟؟ واسأل عنه كم يوصل ؟؟ واقصد الوحش
ومقصد اللي فااااعل
وخابر كل طير وعلومه لكن انا اقصد وحش ياصديقي ولاتجاوب وانت مافهممممت ؟؟
استفسر مني قبل ماتجاوب الله يهديك بسسسس علشان افهمك مطلوبي
وانا سألت عن المقاس ابي اشوفه كم بس ؟؟؟ ماقصديي اني اخذ نفس مقاسه بس اسمع 15 في 14 ونص بشوف كيف كبرها وحجمها بسسسس
ولا ماقصدي اشتريي نسخه منها ...

[ســـبــار ربــعـــه]

اول شيء تقولي كل ماشفت طير جبت مقطعه ؟؟؟ متى جبت وحطيت موضوع ؟؟؟
ماعمري سويتها ابد
والفايده لنفسي مو لغيري اقصد وانا اعرف الفائده لشيء معين بسسسسس
انا ياحبيبي اقصصصد كم قيمته ؟؟ واسأل عنه كم يوصل ؟؟ واقصد الوحش
ومقصد اللي فااااعل
وخابر كل طير وعلومه لكن انا اقصد وحش ياصديقي ولاتجاوب وانت مافهممممت ؟؟
استفسر مني قبل ماتجاوب الله يهديك بسسسس علشان افهمك مطلوبي
وانا سألت عن المقاس ابي اشوفه كم بس ؟؟؟ ماقصديي اني اخذ نفس مقاسه بس اسمع 15 في 14 ونص بشوف كيف كبرها وحجمها بسسسس
ولا ماقصدي اشتريي نسخه منها ...
عطني على قد عقلي واعذر كبر سني وشيباتي.:p:D

[عاذي]

اخوي خالد العطاوي
السلام عليكم ورحمة الله وبركاته
اذا كنت توك بادي بالصقارة فالمنتدى ماراح يحقق لك كل ماتبي تفهمة والممارسة على الطبيعة اهم من الاسئلة بالمنتدى حتى لو اطلعت كل على صغيرة وكبيرة فيه ماراح تستوعب الحقيقة الا على الطبيعة .. واخوي سبار ربعة وضح لك ان ماكل ماشفته باليوتيوب تبي تجد اجابة شافية له لانهم يشاهدون مثل ماتشاهد ولايقدرون يحددون سعرة ومواصفاته باليوتيوب الا على الطبيعة .. وكما ذكر سبار ربعة بأن لكل طير قيمته حسب فعله و سبق جناحه وياتي بعد ذلك المثايل والشخوص والريشه.. وازيد عليها العرض والطلب وقوة المنافسة بين المشترين انفسهم والمزايدة على الطير .. اما مقاسة من يبي يعلمك مقاس طير باليوتيوب وهو ما قاسة على الطبيعة .. وعطاك العلم سبار ربعة ماكل ماشفت طير تبي تلقى مثلة بالفعل .. انتبة لهذه الجملة من واقع تجربة مني انا .
تقبل الله صيامك وقيامك بهذا الشهر الفضيل .

[خالد العطااوي]

اول شيء
انا من عرفت العلم وانا مع هل الطيووور وخوالي صقاقير
لكن القصد في بدايتي في <~ نقلة الطييييييير
وانا ماجيت ادور في اليوتيوب يعني طيوووور وادور مثلها ؟ لا انا اسأل عن مقااااااااااسه يعني ررررررمع
بسسسسسس

وفاهمين وضع الفعل ومالفعل ..

[(هزاع)]

الله يصلح احوال المسلمين
الصوره واليوتيوب لايمكن ان تعطيك مقاس%
تقول يمكن ويمكن توقعات
وحالت الطير وصحته لها قيمه
ريش الطير مصفي ولا باقي لها قيمه
وصوف الطير لها قيمه
فعول الطيرلها قيمه
واليوتيوب لايعطيك كم بالسبق
تحياتي لك

[خالد العطااوي]

لبى هزاع وجوابه اشرفت وانورت الموضوع

[حربي الخرج]

مشآ ء اللـه والطير سبـوق بوجهة نظري ولآكن مآهي فآرط .. ولانقدر نحكم بهدد وآحد فقط ..>

يعطيك العآفيـه ..

ششكرآ

[البرنس الليبي]

مرحبا يالغالي...الطير مبروك وسبوق لكن الفارط هو الطير اللي يلحق الصيده بعد طير وتكون مرتفعه حيل في السماء

[فيصل الذيب]

اشكرك على الموضوع والطيره الي بالمقطع سبوق ولاهي بفارط ابد
والله يبارك لراعيها فيها الطيره الفارط ماتخلي كروانها يرتفع هالارتفاع وليه يرتفع ههه
الفارط الي نحسبله كم ثانيه ويصيد لاحظ كم ثانيه الفارط هو الي مايخليك تحرك موترك ونت هاد على كروان

اما بالنسبه لاسعارها مااقدر افيدك بمقطع واحد لكن اذا بغيت فرخ وحش اول الوقت معروفه غاليه من 25الف وطالع الى احيانا ء100 الف على حسب القياس والوسره والطرح والوقت كذالك
لكن البيتيات تختلف مثل ماقال اخوي الكبير سبار ربعه



وتقبل مروري اخوك
فيصل الذيب

[جلاد الحباري]

الطير فيها 15 ولا هي خليه من هالمقاس والسبق الفارط لاروح الكروان فوق ولا عاد تشوفه عينك ماتسمع الا صوته وهديته من حدرها عسر ولحقته وعلقته وتنزل قهوتك وتجتمع انت وربعك توها تشاف بالعين محوله فيه هذا فارط اللي عليه الكلام والشاهين سبوق جدا وما عطى للكروان فرصه مع ان الكروان عازم حيل وناوي الخضيرا

[عواد الشمري2]

الله يعطيك العافيه على المقطع

[abo_Majed]

الشواهين ماينقاس عليهن فارط او لا لانهن كلهن سباق هذاك
هذاك الحر هو اللي تقيس عليه

[مربي الصقور]

الطيره 15طول و14عرض والله اعلم والطيره سبق موب فارط وقيامها على حسب التصفية والفعل
تقبل مروري

[اقدم صقار]

مشكور يا راعي المقطع

الطيره وافيه واذا تسأل عن قيمتها وهي فرخ وحش فوق الخمسين اول الوقت اذا هي سوداء

اما قرناسه وحش من العشرين وحول وتراني مزود كيلتها هههههه

اما سبق فارط الاسم عليها بعد النجوم هههههه

شطير في الطرد وما حولها سبق ويمكن من صقارها ما جردها وانا احكم على اللي في المقطع بس

المهم اتمنى اني افدتك وعسى الله يوفقك وكل مسلم


اخوك ابو منصور

[خالد العطااوي]

بيض الله وجيهكم ع المروور
والله يرزقكم بالفارط الطلاع اللحوق ههههههههههههههه <~ ماخلا شيء
واسعتدوني بردودكم ...

[راعي لادن]

السلام عليكم ورحمة الله وبركاتة ما شا الله طير طيب ما عطا الكروان مجال هذي هيه ميزت الشاهين القياس ماقسته او محد يحكم با النظره يسوى25 الف فرخ 10 الاف قرناس (تحياتي راعي لادن)

[خالد العطااوي]

مشكور ع الرد اخوي وتسلم يمينك ..