تشيرون علي اصير صقار؟؟؟؟ ولا استريح!!!!!!!!!!!!!!!!!!!!!!!!!

[مسمار شداد]

شباب انا متردد ان انقل الطير ليس تردد خوف ههههه لاكن اقول يمكن تصير هوايه تشطبي وتقلقني على الفاضي___ طبعا جماعتي وعيال عمي ينقلون الطيور من صغرهم وشيبانا هل طيور-- انا عمري مقرب 38 ومدرس وعندي اولاد ولاحوال زينه...... والشباب يرغبون ان انظم لقروبهم قروب الصقاقير...

[الحمش1]

مررحب


لاوالله استريح ازين لك

والله هوايه تشرف لاكنها ولعه

[خيال سهيل]

اذا تبي الراي هي هوايه زينه وممتعه والقنص كله زين وفوايده ما تعد وبتعرف رجال شرواك وشرواى من يقرا فيهم خير وعلمها غانم وتفخر بها وتنومس بطاري الطير
لاكن تراها ولع وقليل الي تركها من زينها
لاكن تبي تقطعك من اشغالك ومن الناس وتبي تغدي مثل هك الطير الي يحتري فكت سبوقه يبي البر والطرد والوناسه

عاد انت بكيفك

[مازن الصعب]

اجابتي راح تلقاها في الرابط هذا



http://mekshat.com/vb/showthread.php?t=304818

[ولد السبع]

هلا بك

اقول هي هوايه زينه بس انحش لنها كلها خساير بدون فايده الصيد معاد فيه صيد

اقول نصيحه مدامك للحين ماقررت ( حط رجلك انحش) ,,,,,,,


وذا تبي تتونس رح مع الشباب ربعك ماهو لازم تشتري طير اركب معهم ورح متاء ماطرالك تقنص

[الشلاعي]

ابعد دام لك قدره تبعد والله مامنها الا الخساير

[أهم 1]

لابالله جرب وش هالخساير اللي بتخسرها طير ان جاازلك بعه وموتر والحراج تدله
اتكل علي الله وجرب

[اورنس الشمري]

ماني صقار ...لكن لا تخلي شيء بالنفس وبما إنك زميل راح أقول لك ترا ما معك إلا خميس وجمعة واجازة الحج والربيع فقط لا غير ...

[ابو خليل 503]

قالها محمد بن فطيس

يالي تعدون الصقاره غرابيل..ماذقتو الي بصحاري نذوقه

[مازن الصعب]

هذا اللي يقوله ابن فطيس لانه ماقنص بالسعودية ولانه يقنص مع شيوخ وامراء امورهم بالخارج زينة

اما رجال يبي يصقر السنين هذي ويبي يقنص بالسعودية

احسن له يرتااح

[بدوي نمبر ون]

اول يهاوشوني لا مسكت الدس ويقولون الدس هذا به سحر اللي يلبسه وينقل الطيرخلاص اعتبره ودع وانا يوم جربت ولبست الدس اقول ليتني طعتهم وخليته يولي كان ارتحت وريحت
بس تبي الصراحه متعه
الحال يانادر اتهوجس ابمنصور // هاك العديم اللي افعوله عديمه
لمسيت لوني مريح ومسرور // راحت هواجيسي لذكرئ قديمه
ياقوووم قمت اهربد اقول شكلي بغير رايي لاوالله اتركه عنك ودرسو وغداننا زين وخلو عنكم الطيور وايه مع السلامه

[ابرق الحرار]

:good:اقول استريييييييييييييييييييييييييييييييييييييح

[باث 3]

والله وأنا أخوك
توك ما هويتها إلا ألحين

الصيد قل والصقاقير كثرو وقل الحلا

لكن جرب ولو موسم واحد ..

بالتوفيق.

[مسمار شداد]

وش الخساير السياره جيب وناراعي قنص بندق وكل العده موجوده واحب المطاليع ...ولاكن فعلا سالفه لبست الدس جربته واشغلت العيال عند طيورهم اهم شي ماتشغل عن الدين واجب الرجال لاهله وعياله....واضح اني جيت مزحلق للهوايه هههه

[أبومحمد عنيزة]

والله لولا الطير في القلب غالي إني لااجوز من العنا والمطاريش
لكن حب الطير شارك عيالي لو ماتسلى بالولع كيف ابعيش
هذا وأنا توي مبتدئ الله يعين هههههههههههههه

[ابو مقحم]

اذا انت تقدر تصبر على ثنتين ما عندك مشكله

الولع والمخاسير

[راعي - عديم]

لاوالله حياك الله لاخساير ولاهم يحزنون
وعندي لك طير يصلحلك رخيص
ههههههههههههههههههههههههههه
ترى أمزح

[راعي عزاام]

والله ياخوگ هذا ولع
مثل ماقال حمد السعيد
،،راعي الولع ماهو علي الناس نشاد،،
انا اول مره نقلت الطير العام ..
خساير فيها خساير.. لكن خوة نشامه والهدد
ينسيك شـــي اسمه خساير
وانا مني ادخل بالصقاره وان ماجزتلك بيعه
وهذا راي وتحياتي لگ
وتحياتي لگ×

[عاذي]

الصقارة شرف وعلوم رياجيل ومارسوها الشيوخ والتجار .. والمخاسير ماهنا مخاسير يالله لك الحمد .. لكن تبي تربطك عن كثير مماكنت تمارسة قبلها .. خلك مع عيالك وعملك وعيالك اقولها لك بكل صراحة ترى اللي يبي ينشغل ويتولع اكثر منك عيالك والدراسة يبي ينزل مستواهم فيها عن ذي قبل .. خلك حر طليق .

[ســـبــار ربــعـــه]

الله يختار لك مافيه خير لك ولابناءك.
تحياتي.

[(هزاع)]

شف ونا اخوك
انكاننك يهمك الريال لاوالله الا استريح
مالك ومال الشقى والمخاسير
ونكاننك تبي الوناسه والخوه والطربات وسبر الفجوج لاوالله مامثل نقلة غشام

[عيد العازمي]

السلام عليكم

نصيحتي لك اتركه واستريح

[عواد الشمري2]

جرب منت خسران شي ولاتخلي شي بنفسك دام الله معطيك الصحه

[سلطان 1]

6"]يالربع اغلب اللي ردو
يرددون كلمه خساااااااير ومخاااااااسير يالربع الخساااااير والمخااااسير في الاروااااااح
مااااهوب في الدراااااهم[/COLOR]]

يااااارعي المووووووضووووع الصقاااااااااره هوااااااااايه مثل بااااااقي الهوااااايااااااات
لا وأبشرك انها من سلع الرجاااااااااااال من خلقت الدنيااااااا سلع الرجاااااال اللي نعرفها
المطيه والطير والبندق من تولع فيهن فبشره بالمسره.
وأبشرك لو الله ثم الطير وهوااااايته ماااااعرفنا الريااااجيل اللي فيهم خير شرواك وشرووووا
من يقرااااااااء حتي من خااااارج بلاااااادك يالرجل تتعرف علي رجااااال حتي في الحلم
ما تصدق انك بتعرف احد في البلد الفلاااااني والا الديره الفلاااانيه وكلها بعد الله ثم الطير.
فاااانا اقول كأنك تبيها ومهتويهااااا ابشر والله بسجه الخااااطر ومعرفه اللحواااات الغااانمه فانت
اتكل علي الله والله يوفقك دنيااااا وآخره.[/center][/SIZE]

[هبوب الشمااال]

هذا اللي يقوله ابن فطيس لانه ماقنص بالسعودية ولانه يقنص مع شيوخ وامراء امورهم بالخارج زينة

اما رجال يبي يصقر السنين هذي ويبي يقنص بالسعودية

احسن له يرتااح


ههههههههههه هاذا الكلاام اخوي مازن :D

[مربي الصقور]

شف ونا اخوك

انكاننك يهمك الريال لاوالله الا استريح
مالك ومال الشقى والمخاسير

ونكاننك تبي الوناسه والخوه والطربات وسبر الفجوج لاوالله مامثل نقلة غشام

:good2::good2::good2::good2::good:

[هاووي الطير]

حيآك آلله آخووي
آلصقآره هوآيه مثل بآقي آلهوآيآت
وآن شآء آلله مآفي خسآير
آذآ آنت ودك هآلسنه تنقل طير آلله يوفقك
عسى آلله يكتب آللي لك فيه الخير وييسر آمورك

[مسمار شداد]

جزاكم الله خير يالنشاما وما قصرتو

[خيال سهيل]

لا والله انقل الطير من دراهمك وخل طيور الرياجيل لها كلن يرخص لنفسه رياله
واذا على الاشغال عطه واحد من خوياك ولا خوانك يهده واذا بغيته ولا هو قريب
والخساير وانا اخوك من مخباك واذا ما تونست من حلالك مارح تونس من حلال غيرك
وفي الأخير اقولك كلمتين وحطهن براسك
الأوله ادفع من ريالك الي تغتني به عن حلال غيرك ( بفلوسنا يا عبيد ماش معروفي )
والثانيه تمتع بدنياك قدر ما تقدر وبحلالك ترى بعد عمرا طويل مردك لحفره وخرقت قماش
والدراهم والحلال راح لغير ما تدري وين بيصرفه وهل بيمتع عمره بدريهماتك ولا بيبذره
علمها عند الله
والعلم سلامتك

[مقناص الخبر]

ارتاح ابرك كل محل ممنوع وكل واحد حامي له قاع ان كان شمال ولا جنوب والصيد هالسنين مايسوى كلش تدوج 3 شهور وزين لاعينت لك حبارى ولاحبارتين ويحاشرونك عليها العالم كلن يقصها من جهه وكلن يقول لي والله المستعان علا مابلانا فيه

[قرناس حائل]

انحش طع شوري

[تميم2222]

والله الهوايه يبيلها ريال .. وتقنص برى اما شغل اقنص نجد وقسم ان يطقك الهممم من نجد واهلها..ااالا اذا انت بتاخذها بسعه صدر وضحك ..فااقول الله يوفقك فيها واحرص على نقوه الرجال اللي تساعدك في طيرك وانحشششششششش عن اهل الهياط ومكسره المجاديف ..تراهم ممشاهم هم وغم وسلامتك ^^

[معسف العاصي]

انا مثلك بنفس الوظيفه
المشكله الاجازات مافيه ماعندنا
ولا والله متعه ووناسه لكن عيب الوظيفه مابه اجازه واغلب المقانيص بعيده
خلك لمن تقاعد وجهز لك شاص وطير وروح

[خلف الفار]

قد ماهي جميله متعبه

[mr-r]

ترى حلات المقناص بالسجه عن الديره وخوت النشام شرواكم
وان ماجزلك بع الطير واشترلك انياق اهم شي الفكه من الديره :D

[قناص001]

والله دااام انك من عاايله صقاقير

والله انقل لك طير واستاانس

ترا الدنيا لخلاقها

وانا اخوك

[عبدالرحمن بن ذياب]

توكل على الله و خل عنك كلام الخساير ما الخساير
الدنيا فانيه و الحياة موليه استمتع و انبسط في حدود الشرع و النظام