هل يؤثر النقل على ناقة لقحة لها 7 أشهر ؟

[الحصاة الرقطا]

سؤال لأهل الخبرة
هل يؤثر النقل على ناقة لقحة لها 7 أشهر من ينبع إلى الرياض ولكم جزيل الشكر .

[ابوساعد]

لايؤثر إن شاء لله فقد نقلناها من جدة إلى الجبيل ، ولكن عليك بوضع كمية من التبن أكرمك الله أو فرش تحت الناقه ، ويجب إرخاء الحقاب بعد التحميل

وبالتوفيق

[الحصاة الرقطا]

مشكور ياابو مساعد ولا قصرت .

[راعي النوادر]

مثل مقال اخوي ابو مساعد حط تحتها فرشه ولا تشيلها بل الونش الكهرابي تراه خطر على الابل

[سليمان1111]

لا مياثر ابد ان شاء الله بس يرفق عليها عدن المسك والشيل

[سيف الاشراف]

اذا الناقه غاليه واللي في بطنها على بعير كفو انصحك لا تشيلها

واذا انها ناقه عاديه ولقاحها عادي فتوكل على الله وشيلها

[حزم الفيضه]

مساء الخير انتبه تشيل خطر على الناقه وسلامتك انا قبلك شلت ناقه عندي ومات الحوار داخل الناقه :no2:

[صلفان.نجد]

ان شاء الله ماعليها ,, لكن لايقربها الونش الكهربائي.

[المؤمن كالغيث]

المسافه طويله ومتعبه لناقه وهي لقحه وعلى اولها
الافضل لاتشيلها
واذا ملزم
خذ احتيطاتك من مكان مناسب
وعند الشيل والحط

[سليمان1111]

زي ماقلتلك ان شاء الله معليها

[بازار شريف]

اهم شي الشخص اللي يربط واذا صارت بالسياره ماعليها انشالله ابحث عن ذوي الخبره بالتحميل

[قلب ذيب]

الله يحييك ويبارك لك .
اذا الناقه بتطوف مراكز حدود فالاحسن تركهالين تلد .
واذا مكانها زين ومناسب اتركها لين تلد .
اذا المكان قريب , فلاباس بحميلها لكن حط تحتها حشائش او اسفنج وظلال .
والله الموفق .

[كايد]

امنعها من الشرب من ليل في شبك لحالها
والصبح حملها بالونش اليدوي وخل لزول يسرح وتوكل على الله

[السلمي515]

اخوووي دور اهل الخبرة في التحميل

[راعي بشير]

ماعليها شر حط لها برانيص تحتها