كيف ارمي بعيد بوجود العوامه

[kingbhhar]

السلام عليكم ورحمه الله وبركاته

حابب استفسر عن طريقه رمي القصبه مسافه بعيده بوجود العوامه

http://www.gulfup.net/uploads/13443353581.jpg (http://www.gulfup.net/)

لما ارمي عادي بالثقل (البلد) اقدر اوصلها مسافه بعيده لكن لما اضع هذه العوامه ما توصل الرميه بعيده جربت اضع ثقل كبيره فسار لازم اكبر العوامه فراح تحتك مع الهواء وتقل المسافه وعندما اضع ثقل عادي صغير لا تذهب مسافه بعيده فما الحل جزاكم الله خير

[Multi صياد]

في انواع من العوامات تكون ثقيلة من الاصل مثل اللي يستخدموها في الغزول و الاشباك الكبيرة هذي الانواع تغنيك حتى من انك تحط ثقل اضافي وزنها يكفي عشان تروح مسافة حلوة.
تحياتي

[k.fares]

والله اانا ما افضل العوامى لانه ترجع سريع مع الهوا ومو زي الغزير تسحييييب افضل لك بدون عوامه
واذا قصدك تبيه عاايم ارمي بدون ثقل(طريقه مستخدمه للخرم اكثر شي)
واذا الا والا تبيه بعوامه ::
تاخذ الي هو دوار ثلاثي تربط في الخيط والدائرة الثاانيه خيط طوله متر او اكثر وفيه الميادير والاثقال والعوامه
والدائرة الثالثه ::
تاخذا طائرة ورقيه ابو 7ريال تطيرها حبه حبه لين ما توصل للارتفاع المطلوب يفضل 10متر وبعدين تقص الخيط وتربطه بالدائرة الثالثة وترمي الخيط وشرط الطائرة الورقية تكون داخله البحر وراح تدخل معاها الخيط وتروح مسافات ابعد وعينك على الطائرة اذا شفته نزلت ابو 5متر اسحب
طريقه مضمونه

او الطريقة الثانيه تضعها بفلين مجرور

او الطريقة الثالثة انك تزبطها بقصبه تنفع للحدف البعيد يعني طولها 3متر وبضع وخفيفه
وتشد الخيط وتفك القوس وتنزل الخيط شويه يعني قول تنزله متر وتسم بالله وترمي بسرعه وخفه وليس بقوة وشوف وين توصل معااك

او الطريقة الراابعة هي انك تسوي زي ما بحدف مجرور قصبة تحطها على الارض وتمد خيط وتاخذ القصبة تشدها وتجري شوي وعلى طول تحدف بييعد وهذي من امتع الطرق للمجرور بدون الفلين

وان شاء الله تجيك سحبه يحبها قلبك ولاتنسى الارزاق بيد الله
بالتوفييق

[بحر البسيط]

فيه طريقه تجيب كيس بلاستك مقاس وسط افضل كيس نفايات أعزك الله وتنفخه وتجي مع اتجاه الريح وتشك الطعم بالطرف حق العقدة وترسله مع اتجاه الريح الى البحر طبعا بدون ثقل يكفي ثقل الطعم وعند وصوله للمسافة المطلوبة اسحب بقوه وحرره من الكيس وانتظر وربك كريم
انا بطلت اعملها لما تسببه من تلوث

[كنعد]

اخوي الغالي كل ماعليك هو تركيب ثقال دائري مقاس 1/2 نصف يعني ثقال مدور صغير ولاتنسى لازم يكون الخيط ضعيف يعني بلكثير يكون 40 لان لو الخيط كبير ما راح تروح بعيد الطريقة كتالي : خيط مقاس 40 علشان مايثقل على الرمية , ثقال دائري مقاس نصف صغير وتركبة في الشوكة السوداء الموجودة في الطفاحة بعدين تحرق الالشوقة البلاستيكة بعد ماتركب فيها الثقال علشان الثقال ما يطلع وخلاااص.

[Boury]

انا احيانا بارمي بعوامة صغيرة و تقل مقاس 3/4 فقط لا غير و الرمية بتكون بعيدة و..بمقاس خيط 60 لكن بشرط تكون الماكينة مليانة خيط على الاخر عشان الاحتكاك يقل و مسافة الرمي تزيد و كمان يكون الخيط مضغوط و نحيف. افضل نوع حصلته من حيث قلة السمك الالماني و اسمه Climax

[accentkool]

سو بالسنارة ارسالية بالكيس افضل لك ياخوي

[البحري النيوة]

اخد قرشة ماء ام نص وعبها ماء وربطها جيد ارمي وشوف

[الصيادالمليح]

أستخدم قطعة من عصاة غليظة مثل العجرة أثقبها من النص ومرر عليه الخيط

[kingbhhar]

الله يجزاكم خير يا اخواني على مروركم الطيب والمفيد افدتوني كثير ومعلومات ما كنت اعرفها تقبلوا تحياتي وتقديري