توقعاتي للبيكال بعد كم سنة

[ورد الربيع]

راح تكون من افضل الاسلحة على الاطلاق

واللي مو مصدق يعود للوراء حتى اليوم ويبحث عن اعطال الاسلحة البيكال أقلهن اعطال
ولذلك السلاح هذا جبار واتوقع له مستقبل مدري يجي يوم ونلقاها متفوقه على بعض الاسلحة
المشهورة على قل سنع ؟؟؟؟؟؟؟؟؟؟؟؟؟؟

[ابوعاشة]

اغلب الناس عندهم الاغلى هو الافضل
وانا معك اوافقك الراي

[تميم2222]

والله هي ثقافه .. ما دام معجبتك البيكال .. فهي كفو ..وتلصح ... بصراحه هالزمن السلاح اللي معجبك ورميه جايز لك ..لا تعداه لوهو صيني وسلامتك ^^

[ابو خالدM]

انا اواقفك الراي اخووي

[هبوب الشمااال]

طيب فيه انوااع كثيره خرابها قليل اخوي
مثل الاكستريما والبنلي
وجهت نظر:)

[(التوقيع)]

اقول كلن له سلاح ويعشقه

وانا اتوقع الاستوقر 2000 لها مستقبل اذا ماتغيرت صناعته

[انا ابو بندر]

البيكال كد ومد لكن يعيبها بروده الرمي والماسوره اللى مدري من صانعها غير نظام الغاز اليدوي الفاشل

صح انها جباره بالقوه ومتانه الحديد والقطع لكن من اضعف البنادق بروده بالرمي

حتي بعد تغير التشكات برضو رميها ماينقارن بغيرها ضعيف

المشكله لها كم سنه وكم موديل ونفس الشي الماسوره هي هي
تغيرت صناعتها من روسي لامريكي ريمنقتون وبرضو هي هي
والله السنين الجايه اعتبرها انتكاسه البيكال بدايه من السنه ومرتبتها من السهل جدا تحتلها الستوقر وخاصه 3500 لانها ترمي نفس الضغوط بس بدون ميزان وتعديل ميزان يدوي

[شفاء نجد]

وجهت نظري ان البيكال ليست ضعيفه في الرمي

بل اقوى من الاغلبيه في مدى المسافه والتحمل

اتكلم عن تجربه

واحترم وجهات نظر الاخوان

[عاشق الديانا]

حنى عندنا ناس تقول الاغلى هو الافضل وناس تمشي على السمعه اذا كانت سمعه السلاح زينه يصير عندهم هو الافضل ويرفعون سعره حتى لو كان في سلاح افضل منه بواجد وارخص لازم يحط في راسه ان اللي عنده هو الاحسن بعدين تجار السلاح زودها لدرجه انك ودك تمسك الواحد وتفلم فيه اجل البنيلي 26 الف دلوخ حنى عندك لا واللي يرفع ظغطك ان في ناس مهبل يجون يشترونها منه لو قالهم بمية الف ويخلون لتجار فرصة رفع السلاح وهم ما رفعو سعر السلاح الا عشان في مهبل يشتررون والله لو يحطلهم السعر مليون شروه هم اللي انكبونا خلو التجار يزيدون في السعر انا لاقي سوبر اكس ثري با 31 الف اقسم بالله قهر والله لو ما مسكت نفسي اني لذبحه لو الواحد يوقف في وجه التاجر وما يشتري شي لي نزلون الا سعار بس عندنا ناس ما تفهم

[انا ابو بندر]

وجهت نظري ان البيكال ليست ضعيفه في الرمي

بل اقوى من الاغلبيه في مدى المسافه والتحمل

اتكلم عن تجربه

واحترم وجهات نظر الاخوان


شكلك تمغض لا رميت انت تبي تثبت ان البيكال رميها حار وتسووق ؟؟؟؟

والله مستحي احلف انك يمكن انك مالمستها حتي اللمس :D

[ابو تركي 500]

يالربع كلهن طيبات الشوازن بس الي يغث الي دافع فوق العشرين بالبانلي وغيرها وبعدين يروح ويرهم لها ماسوره ليييييييييييه ؟؟؟؟؟؟؟
وشوفوا اكثر المنتديات مافيه احد عنده شوزن مايشتكي من برودة الرمي الا البلجيك عاد عيوبها ماتخفاكم




وارجع اقول الخيل من خيالها .

[برق 11]

ياشباب مهوب لين شريت سلاح تجي تقول مامثله وهو اطلق سلاح

البيكال يبيلها تنظيف مستمر ورميها بارد حتى مع 690 لكن اللي ميزها التحمل ورخص سعرها مقارنه بالايطالي

[حمد النامي]

الي يقول البيكال رميها بارد يجرب فشق ابو غزال رقم ١ ونشووف الطرب كيف

[ابوعاشة]

انا شريت الستوقر وماكملت معي شهرين وبدت تعوكس وانا شاريها على مدح الناس شفت جودتها ماش قلت بتصبر لاكن بدت تعاقبني بخراباتها وبعتها البارح والان ادور بيكال ولا ام شجرة
الستوقر حلوه ورميها طيب بس الجودة فاشلة الي ناوي سلاح له وللعمر لا يشتري الستوقر

[رعد سدير]

البيكال حمار مكده بس ماتطرب مره ...وعطوها أكثر من سعرها ..

[ذيب الخرج]

عيب البيكال خشونة اجزائها وميزان الغاز اليدوي -

ولاكن اذا قارنت عيوبها مع مميزاتها تجدها بندق تستاهل المقنى

وبالاخير كل الشوازن تعتمد على الرماي

[انا انت النت]

من يقول البيكال رميها بارد مع احترامي له اقول ما عنده سالفه

طيب اجل البانلي بلاك ايقل اشتريها 22 الف فوق هذا سبطانتها بارده رهم سبطانه للبانلي البيكال تسوق اكثر منها عن تجربه

للمعلومه جميع الشوازن الي نظامها شوكات رميها لك عليه

افظل شوزن الي تجيك بدون شوكات يعني فل شوك مثل البلجيكيه ... بانلي ريفايلو فل شوك

عن تجربه اكثر من شوزن على لوح خشب اكثر من مسافه من 40 متر الى 90 متر

اثبتة السبطانه فل شوك افظل سوق لا احد يقول هذي وهذي

[برق 11]

من يقول البيكال رميها بارد مع احترامي له اقول ما عنده سالفه

طيب اجل البانلي بلاك ايقل اشتريها 22 الف فوق هذا سبطانتها بارده رهم سبطانه للبانلي البيكال تسوق اكثر منها عن تجربه

للمعلومه جميع الشوازن الي نظامها شوكات رميها لك عليه

افظل شوزن الي تجيك بدون شوكات يعني فل شوك مثل البلجيكيه ... بانلي ريفايلو فل شوك

عن تجربه اكثر من شوزن على لوح خشب اكثر من مسافه من 40 متر الى 90 متر

اثبتة السبطانه فل شوك افظل سوق لا احد يقول هذي وهذي

مواصير التشوكات ما عليها والريفاليو موجود تحدي موثق بالبريه بينها وبين السوبر سبورت للحياه كلمه وغلبت السوبر سبورت وهي تشوكات

اما البلجيك ما يختلف عليها اثنين افضل ماصوره طلعت للشوازن

[أبوصالح9]

ياجماعة الخير الشوزن اللي مع راعيها تصيد ولا ماتصيد هنا السؤال؟

والله لو معي نبيطة تصيد صيدي واكل منه مارحت ادور شوازن وبواريد -كل العلم على البواردي وبس

حنا نصيد عشان نستمتع ونتونس ونوسع صدورنا مهب نصيد عشان نتفاخر بسلاحنا

غيرنا وصلوا السحاب وحنا لازلنا نظرتنا تحت كل واحد يقول سلاحي ازين من سلاحك

خلونا نرفع من نفسنا شوي-كل مادخلت موضوع لقيت زبدة الهرج السلاح الفلاني ازين من ذاك واتحداك واتحداك-طيب الى متى ؟؟؟؟؟؟؟؟؟؟

ايطالي - بلجيكي - امريكي - روسي - تركي - كلهن طرحن الطيور كبيرها وصغيرها بس ارجع واقول العمدة على الرامي مهب على السلاح

السلاح وسيلة بس اعرف شلون تتعامل معه عشان تحصد فعله- والغشيم لو تعطيه ار بي جي -مبالغة- انتبه لا يقعد يديور عليك وينسفك وصدق خالد الفيصل يوم قال :

مايصيد الجوازي كود بخص وضاري ## القنص بالركادة والتسرع جهاله

وشكرا للجميع

[تميم2222]

ياجماعة الخير الشوزن اللي مع راعيها تصيد ولا ماتصيد هنا السؤال؟

والله لو معي نبيطة تصيد صيدي واكل منه مارحت ادور شوازن وبواريد -كل العلم على البواردي وبس

حنا نصيد عشان نستمتع ونتونس ونوسع صدورنا مهب نصيد عشان نتفاخر بسلاحنا

غيرنا وصلوا السحاب وحنا لازلنا نظرتنا تحت كل واحد يقول سلاحي ازين من سلاحك

خلونا نرفع من نفسنا شوي-كل مادخلت موضوع لقيت زبدة الهرج السلاح الفلاني ازين من ذاك واتحداك واتحداك-طيب الى متى ؟؟؟؟؟؟؟؟؟؟

ايطالي - بلجيكي - امريكي - روسي - تركي - كلهن طرحن الطيور كبيرها وصغيرها بس ارجع واقول العمدة على الرامي مهب على السلاح

السلاح وسيلة بس اعرف شلون تتعامل معه عشان تحصد فعله- والغشيم لو تعطيه ار بي جي -مبالغة- انتبه لا يقعد يديور عليك وينسفك وصدق خالد الفيصل يوم قال :

مايصيد الجوازي كود بخص وضاري ## القنص بالركادة والتسرع جهاله

وشكرا للجميع
صح لسانك ياابو صالح