نبي ريموت وكااله شد بلد للسفاري .. ادري اروح الوكاله ..لكن ..؟؟

[سراي-01]

السلام عليكم ورحمة الله وبركاته ... العشر مباركه عليكم جميعاً جعلنا الله واياكم من عتقائه من النار ,,,,, آمين
مثل ما في العنوان يا اخوان معي سوبر سفاري 2001 سعودي شريته ومعه ريموت واحد شد بلد ومايشتغل ورحت الغرابي عند العمودي راعي المفاتيح وحاولنا نسوي له عمليات انعاش وما نفع ......السؤال هو:
1- هل الوكاله تقدر تطلع لي ريموتات جدد ومفاتيح اصليه برقم الشاص بدون بقاء الموتر في الوكاله ؟؟؟
2- ما هي افضل وكالة نيسان في الرياض من ناحية عدم الزحمه والشغل الجيد ؟؟؟
لاعدمتكم

[ابوسند9]

اخوي
مر على الجابري في الغرابي انا قبل فتره الريموت عندي متقطع ويفتح ولا يقفل رحت للوكالة قالو ب 600 ريال ريموت
ومريت على الجابري وبدل جلد الريموت نفس ريموت شد البلد بالضبط ومع البرمجه ب 130 ريال

[اسبيدر مان]

احد الشباب معه فتك 2009 وانكسر الريموت وراح للوكاله وطلبو له واحد ب 400 ريال ويوم جاء دقو عليه وراح وبرمجوه له طبعا ريموت الفتك في نفس المفتاح

[Abu Msh3aL]

اخوي
مر على الجابري في الغرابي انا قبل فتره الريموت عندي متقطع ويفتح ولا يقفل رحت للوكالة قالو ب 600 ريال ريموت
ومريت على الجابري وبدل جلد الريموت نفس ريموت شد البلد بالضبط ومع البرمجه ب 130 ريال


فعلا الجابري شـغله جـيد انا كـان معي مفتاح الفتك الريموت خربان زرارهـ وزينه لي وغير لي جرم الريموت كـامل نفس اللي كـان عليه وصار جديد ما شاء الله بمبلغ ما يتعداء الـ 150 ريال


و وصفة وانت داخل شارع الغرابي محل ( بوش ) خلفك .. تجيك الاشارة حقت الغرابي سيدة ما تقدر تروح يا يمين او يسار .. اطـلع يسار ثم اول لفه يمين وابتل سـيدة لين يجيك حرف T لف يمين امش قرابة الـ 100 متر بتشوفة على يمينك

[سراي-01]

ما قصرتوا جزاكم الله خير .... الريموت عندي ما فيه كسور ولا شي لكن الشايب العمودي اللي في الغرابي يقول فيه مشكله في البرمجه والظاهر ما عني وعن الوكاله

[Abu Msh3aL]

حتى لو كـان برمجة قـبل الوكـالة دامك رايح رايح مر عـليه وشف وش يقولك .. عندي احساس كـبير انه بيلقاء لك حـل ان شاء الله وباقل تكـلفة :good2:

[سراي-01]

مشكور يابومشعل الله يرحم والديك عن النار الظاهر اني بمر عليه قبل الوكاله ... تقبل تحياتي .

[لاتكب البيالة]

المفاتيح عند الوكالة مبالغ فيها انا شريت مفاتيح نيسان نفس شركة مفتاح الفتك تماما اللي فيه الريموت بس المشكلة طلع قصير شوي اضنه لللددسن
وسعر ب 80 ريال فقط

[تواقm]

مسا الخير للجميع ن
الوالد نفس طريقتك تعطل ريموت سيارة مرسدس وراح على طول الغرابي وضبطوه ومثل ماقالو الاخوان مر الجابري قبل الوكاله

[صقرمكشات]

وين الجابري فيه بالضبط؟

و بكم يبرمج ريموت VXR 2009

[أبو أسامة]

انا اخذت ريموت جديد من الوكالة وسلمتهم السيارة اقل من نصف ساعة واستلمت الموتر ..... طبعا يوم طلبت الريموت قالوا بجدة وبعد يومين يجي و بعد يومين جيتهم وصار اللي كتبته قبل .... طبعا اخذوا 500 ريال قيمة الريموت وبرمجته عندهم فرع مخرج 18 الحمراني .... السيارة نيسان جلوريا نفس ريموت الباترول 2001 بشكل كبير ....