استفسار عن ضمان العضيب لسيارات البريمي

[علم199]

السلام عليكم ورحمة الله وبركاتة
سؤال لأهل التجربة عن ضمان العضيب لسيارات البريمي كيف يستقبلها العضيب وهل يطلب أوراق معينة أويكتفي برقم الشاص وهل يستقبلها في كل الفروع أو هناك فرع خاص بالصيانة فقط ومتي تبدأ اول زيارة لهم هل هي بعد 1000كم أو بعد 5000كم مع العلم ان السيارة جكسار 2012 بريمي وشكرا للجميع مقدما

[علم199]

مبارك عليكم العشر
ماشاء الله المشاهدات اكثر من 70 ولا فية ولا رد وين اللي جربو شغل العضيب يفيدونا بتجربتهم ؟

[التعـ King ـديل]

اللي اعرفه ان العضيب يضمنها لك في مركز لكزس ولاندكروزر في الصناعيه القديمه بالرياض هذا المضمون

اما مراكزهم المنتشره بالرياض ماادري هل لها علاقه ام انها صيانه متخصصه فقط

اعذرني على قل المعلومات لاني ماتعاملت معهم

[SAS2]

الضامن الله ومن بعده صيانة عبداللطيف جميل يفتح ملف لسيارتك من اول زيارة

وممكن ياخذ 200 ريال هذا الكلام من 2008 واغلب الخليجي بصيانة عبداللطيف

وسلامتك

[كريزي نت]

تبي نصيحة أخ لأخوه لا تتعامل مع العضيب نهائياً وإطلاقاً

تعامل مع وكالة عبداللطيف جميل ورب البيت أنهم أرحم بوووووواجد إسألني شفت البهاذيل من العضيب ولا أحد عرفهم كثري

[علم199]

الله يجزاكم خير لكن اللي اعرفة عن وكالة عبداللطيف انها صيانة وليست ضمان وهنا الفرق بينهم
ننتظر بقية الأخوان للاستفادة من تجاربهم وخبراتهم .

[SAS2]

الله يجزاكم خير لكن اللي اعرفة عن وكالة عبداللطيف انها صيانة وليست ضمان وهنا الفرق بينهم
ننتظر بقية الأخوان للاستفادة من تجاربهم وخبراتهم .



سلامتك يالغالي عبداللطيف ضمان وصيانة

[sgl2002]

يارجال دق سلف الموتر وخلك من الضمان والخرابيط

يعني تتوقع لو صار به مشكلة بيصلحونه ببلاش

الموتر جديد وان شاء الله مايصير به شي

ترى اذا رحت لهم مغير يبدلون الكفرات ويغير الزيت ويمغطك ب٥٠٠ وزود

[خيال الغلبا]

تبي نصيحة أخ لأخوه لا تتعامل مع العضيب نهائياً وإطلاقاً



تعامل مع وكالة عبداللطيف جميل ورب البيت أنهم أرحم بوووووواجد إسألني شفت البهاذيل من العضيب ولا أحد عرفهم كثري



هذا الصحيح .................................................. .

[sulaiman.fj40]

اشتريت عام99 vxr من معرض الصقر جديد أصفار خليجي ومشيت على كتاب الصيانه اغير الزيت بنفسي والفحمات وتبديل الكفرات حسب جدول الصيانه ولا مريت عند الوكاله ولا الموزعين بحمد الله والعداد الان حول 500 الف وزي الجديد. نصيحة مجرب لاتروح للوكاله الا بسبب عطل ميكانيكي او كهربائي كبير وهذا مضمون من المصنع رغم انف اي وكيل.وكل عام والجميع بخير

[علم199]

شكرا للجميع على مشاركتهم
اما بالنسبة للى يقول لاتروح للوكالة والأمور زينة بدونهم كلامك صحيح والحافظ الله وانا ودي أقوم بالسبب السيارة قيمتها حول الربع مليون وبنمشي معهم الي 25000كم وبعدها ما يحتاج متابعة
وعلى العموم مريت الرشيد وقالوا لى العلم عند عبداللطيف
وان شاء الله ابمرهم هاليومين وارد لكم العلم

[لسان الحقيقة]

انحش من المدعو العضيب

[تميم2222]

والله ان العضيب من جبنها ... مير الله يستر على موترك منهم انتبه وانا اخووك منهم

[علم199]

السلام عليكم ورحمة الله وبركاتة
تم اليوم زيارة فرع عبداللطيف علي طريق الخرج وطلبت منهم ادخالها الضمان والصيانة لديهم وقالوا لي عبداللطيف لا يضمن الخليجي ولكن يفتح ملف للسيارة صيانة فقط وليس ضمان وفتح الملف مجاني بدون مقابل وصيانة الألف مجانية (لأنها تشييك علي السوائل وضغط هواء الكفرات)وبقية الصيانة الدورية من تغيير زيت وتبديل كفرات وغيرها بحقها واذا صار شئ في السيارة لاقدر الله تدفع التكاليف لأنها غير مضمونة لديهم
وطلبت منهم ان يضمنوا السيارة بدفع مبلغ هم يحددونة ورفضوا
هذا علمي وسلامتكم واللى عندة غير هذا الكلام أو فاتني شئ لايبخل على بالمعلومة وشكرا ...

[binmegin]

ياعزيزي لا ضمان العضيب ولا غيره والقصه ومافيها تبي تسوي ضمان عند هالشركات الله يعينك انا شريت موتر امريكي وقالولي عليه ضمان العضيب قير مكينه مكيف وصراحه اول الكلام زي العسل لكن سألتهم أسئله كثير وخيراً قالوا لي الضمان اللي بنسويه لك طبعاً مهوب بلاش يجبرك ترابط عند الورشه ومالك حق تغير اي زيت في اي ورشه غير ورشتنا واذا حصل انك غيرته من عند غيرنا راح الضمان عليك يعني بالعربي حنا مسروقين مسروقين ولا عندهم خوف من الله
وش رايكم

[FAHAD - 506]

السلام عليكم اخوي انا سارتلي نفس القصه انا قبل يوم رحتلهم ادخل الموتر على ضمانهم ونفس الي سارلك سارلي مع العلم ان موتري بريمي وارجوا للي عنده علم يعطيناه وشكرا

[خيال الغلبا]

ياعزيزي لا ضمان العضيب ولا غيره والقصه ومافيها تبي تسوي ضمان عند هالشركات الله يعينك انا شريت موتر امريكي وقالولي عليه ضمان العضيب قير مكينه مكيف وصراحه اول الكلام زي العسل لكن سألتهم أسئله كثير وخيراً قالوا لي الضمان اللي بنسويه لك طبعاً مهوب بلاش يجبرك ترابط عند الورشه ومالك حق تغير اي زيت في اي ورشه غير ورشتنا واذا حصل انك غيرته من عند غيرنا راح الضمان عليك يعني بالعربي حنا مسروقين مسروقين ولا عندهم خوف من الله
وش رايكم

لا واعمل حسابك تغيير الزيت بالمحطة التي جنب بيتك يكلفك تسعين ريال وعندهم يكلفك خمسمائة ريال

وزيت الفرامل بالمحطة التي جنب بيتك بخمسة ريالات وعندهم بمائة وخمسين



والله خوش ضمان

[abosaadana]

المفترض ان يكون الضمان دولي لاكن ...

[علم199]

الشكوى على الله السيارة كملت 1000كم ولا صينتها لاعند العضيب ولا عبداللطيف والظاهر بنتبع كتيب التعليمات ونمشي معة والحافظ الله .

[أبوفيصل 2007]

الشكوى على الله السيارة كملت 1000كم ولا صينتها لاعند العضيب ولا عبداللطيف والظاهر بنتبع كتيب التعليمات ونمشي معة والحافظ الله .


:good2::good2::good2: هذا الكلام العدل

[الدوسري 111]

ابعد عن العضيب كل عماله سواريه في نفس الوقت حراميه وكاله عبدالطيف افضل منه امن اومان

[ابو محمد 2011]

اخوي انا كان معي لاندكروزر 2008 شاريه بوقته

ودخلته الضمان عند عبداللطيف وضمنه وهو ما يشوف الدرب

وغلطان اللي يقولك انه بس صيانة

اذكر خرب عندي المكيف وزينوه على الضمان

حتى القيرر صارت مشكله عند واحد من الشباب وصلحوه على الضمان

[كومبو]

السلام عليكم ورحمة الله وبركاتة
سؤال لأهل التجربة عن ضمان العضيب لسيارات البريمي كيف يستقبلها العضيب وهل يطلب أوراق معينة أويكتفي برقم الشاص وهل يستقبلها في كل الفروع أو هناك فرع خاص بالصيانة فقط ومتي تبدأ اول زيارة لهم هل هي بعد 1000كم أو بعد 5000كم مع العلم ان السيارة جكسار 2012 بريمي وشكرا للجميع مقدما



دخلها عند أبو جميل أحسن لك
أنا مدخل عليه جيب لكزس 2010
وهايلوكس 2013 ولا أخذو مني ولا ريال

[كومبو]

الشكوى على الله السيارة كملت 1000كم ولا صينتها لاعند العضيب ولا عبداللطيف والظاهر بنتبع كتيب التعليمات ونمشي معة والحافظ الله .



عادي يا أخي أنا دخلت الهايلوكس وهو ماشي 2200 كلم لصيانة الالف