الــسـاكــتــون (والكيس النايلون) أرجوا من الجميع الدخول هام ..

[الشقردي 205]

السلام عليكم ورحمة الله وبركاتة ..


مساكم الله بالخير ..


يا إخوان لاحظنا الفتره الاخيره كثير من الناس يلف على الساكتون حقه نايلون التغليف الخاص بـ الطعام ..


مثل اللي بـ الصوره ..


http://2.bp.blogspot.com/-MqjP2pwCUwo/T0CpYGd4vdI/AAAAAAAAAbk/cAfUKYyIZW8/s1600/cling-film.jpg


وانا أتوقع هدفهم هو حمايه أخشاب الساكتون من الخدوش والمخوش مافيه تفسير غير هذا أكيد ..


وانا لاحظتها انتشرت بشكل كبير كل ما احد شرا له ساكتون جاب نايلون ولفها ..


وانا قلت خل اشوف ربعنا بـ مكشات واشوف رايهم حول هالطريقه ..


وشرايكم فيها ..


علماً انها بس على اخشاب الساكتون يعني الحديد لا تلف عليه شي عشان مايصدي ..


واللحين أبي شوركم ورايكم بـ الطريقة هذي وهل لها اضرار على اخشاب الساكتون ..؟؟


بـ أنتظار ردودكم بـ البوارديه ..

[GMC 111]

والله الحركه حلوه بس اول مره اسمع عنها

وما اتوقع انها تسبب اي مشكله للخشب والله يخلي الجراب


ويفيدونك الاخوان

[قناص الديسه]

الله يسلم شاور الباكستاني اللي يلبس البواريد
لبس واقنص
اما النايلون اول مره اسمع به

[الشقردي 205]

أكيد الجراب ما لنا غناة عنه ..


بس تختلف رغبات الناس ممكن فيه ناس ماتحب تستعمل الساكتون وعليها الجراب ..


واخترعوا الطريقه هذي ..


مع اني ملبس الساكتون حقي جراب جيشي تمويه الجيش الكويتي ..

[مليح البآرود]

الكيس ميه ميه بس يجفل الصيد

[الرحال 2000]

الفكرة طيبة اخونا
ولكن عيبها اذا طاحت منك تتأثر بسرعه او عن احتكاكها على الصخور
ولكن من مميزاتها اتوقع تحميها من الرطوبة والمطر وشكلها يبقى جديد .

[مكشاتي 33]

الكيس ميه ميه بس يجفل الصيد

صااااادق تجفل الصيد

[GMC 111]

يالربع وش الي تجفل الصيد حسيت انكم تصيدونبها وعول ترى دخل والله لو تحذفه بالحصى مادرى عنك

[مكشاتي 33]

لا اخووووي GMC111
مهب الدخل بس ترا الصفاري والقمري لهن دووووور
مع ضوء الشمس على الكيس ينتج لمعان والمعان يلفت انتباه الصيد

[ابو تركي 500]

يالربع الي اعرفه بعد ماتلف الكيس النايلو تلف عليه تيب او لزق تختلف الاسامي بس المهم حق الكهربا العريظ فوق الكيس النايلو ويحافظ ع نظافة السلاح بس اشوف عيبه يترطب خارجي (يتعرق ) من كثر المسك وخاصه للقنص الرجليه

[الشقردي 205]

حـيـاكـم الـلـه ..


انا سويت طريقه ..


وهي لفيت اخمص الساكتون بالنايلون ..


ولبستها فوق النايلون جراب جيشي ..


والجراب هو طبعاً افضل شي ..