المساعد الشخصي الرقمي

مشاهدة النسخة كاملة : جمس 94


مهم 305
09/08/2012, 05:57 AM
السلام عليكم ورحمة الله وبركاته

آخباركم ؟ يالربع عندي جمس موديل 94 صالون حرارته توصل النص واكثر في الزحمة اما مع الخط الطويل تنزل ل 40 والموتر ما كان كذا قبل ما بالزحمة مايجي النص ولا يعرفه في ناس يقولون روس المكينة وانا ماتوقع منها لو انه منها كان ماقعد اكثر من 5 شهور الا ومخبط و انا الاحظ هاليومين طرمبة الزيت فالطبلون اول ما شغل تقعد حول 5 ثواني ثم تشتغل قبل مع الدقة وهي شغالة وش السواة ي اخواني تكفون الفزعة والله عقدني من قوة الحرارة الكبوت تغير لونه :eek:
مهم 305
09/08/2012, 06:18 AM
نسيت اذكر اني مرتين ينقطع الخرطوش من الحرارة واغيره ومغير طرمبة الماء ومسيخ الرديتر قبل ثلاثة ايام لاكن مافي فايدة
AL-NaDeR
09/08/2012, 06:49 AM
وانا اخوك شيك على روس المكينه ..
لن هالشي صار معي بجمس 90
وطلع المشكله كله منه ..
وايام ويطلع الموتر والله لايخسر احد |
ان أصبت فهو من عند الله ,و ان أخطأت فهو من عندي و الشيطان
مهم 305
09/08/2012, 06:52 AM
والله مدري وانا اخوك هو من روس المكينة ولالا بس نبي نصبر نشوف الآخوان
أبـوأسـد
09/08/2012, 07:25 AM
نفس ماقال الأخ AL-NaDeR

كان عندي جمس موديل 91 محرك 454 بعته على أخر أيامه كان فيه أرتفاع حرارة بشكل فضيع بالليل وعز الشتاء وتوصل الحرارة للنصف! هذا وبدون تشغيل المكيف لأن المعتد فيه الربع في المشيء الطبيعي من غير الزحمة

الي بعته له يقولي صلحه وكان روس المكينة أو حف مدري صنفرة روس البلوف زي كذا

وأعتقد والله العالم أن المشكلة صارت بسبب كثر المشي مباشرة بدون تحمية السيارة فالموديلات القديمة تحتاج تحميه أكثر من الجديدة بسبب أن مكاينها حديد ما تحتمي بسرعة
GMC89
09/08/2012, 11:20 PM
اخوي اظن مشكلتك في تماتيك المروحه
عبقري91
18/08/2012, 07:18 PM
اذا كان الخرطوش يحجر غير عطا الرديتر لانه مايسمح بخروج الما للقربه
كد صارت معي بثفندر
واكسبلورر. الاكسبلورر. انفجر معي الرديتر بسبب غطا الرديتر. وغيرت الربله الي فوق الرديتر هي الي كانت خربانه من الطعط ولا فيه فايده لاكن والله الحمد غيرت العطا وذانت الامور
مجرد اجتهاد لك ياخي العزيز
وبنسبه للجموس ٤٥٤ هذا طبعها بلحراره عندنا واحد من كم سنه سافرنا عليه لين قال بس
والحراره فوق النص او النص ومرات مع الوقفه فبل الاتش ولا صار شي
sgl2002
18/08/2012, 09:02 PM
تماتيك المروحه
alwali
19/08/2012, 08:27 AM
السلام عليكم
انا موتري سوبر جمس 454 موديل 95
كانت معي حرارة وسيخت الراديتر ولا ضبط
طلع كل مافي الامر انه في الراديتر هوا
شغل السيارة وافتح غطا الراديتر وخله لين يطلع كل الهوابتشوف يطلع فقاعات
وبعدها ان شاء الله يضبط