السلام عليكم ،، شيهانتي فيها التهاب بالمعده هل له علاج ؟

[قرناس الكويت]

بسم الله الرحمن الرحيم

السلام عليكم ،،

شيهانتي فيها التهاب بالمعده هل له علاج ؟

عطوني الاجابه بسرعه لان حالته مترديه

[خالد العطااوي]

ان شاءلله
بس يفيدونك هل الخبره

[alqtri]

انصحك بالخيل وهذا الكلام عن تجربه

خذ قطعه صغيره من الخيل وخلها في علبه صغيره فيها ماء يوم كامل ورجها رج خلها تخلط ويغدي الماي لونه ابيض شوي

بعدها تاخذ الابره الصغيره اللي يستخدمونها لامراض السكر اجارنا الله وياكم من هذا المرض

طبعا تشيل راس الابره الدبوس وتخليها من غير الدبوس

وتسحب الماء تقريبا 10 ملي

وتخلي واحد يمسك الطير وتدخل الابره داخل حلقه وتسقيه بال10 ملي وان شاء الله بعد 3 او 4 ايام افحص الطير وان شاء الله يقولك مافيه شي

هالطريقه انا مجربها اكثر من مره والحمد لله

وحتى في المقيض كل شهرين اعطش الطيور وبعدها اجيب لهم الماء اللي مع خيل اصبه لهم

والحمد لله الطيور سليمه مافيها الا العافيه

وبالتوفيق ان شاء الله

[قلب ذيب]

الله يحييك .
هل انت متأكد انه التهاب في المعده .؟
من الافضل عرضها على الدكتور والكسف على الطير وتحديد نوع الالتهاب ومكانه .
يمكن التهاب كبد . ويمكن دود بطن ويمكن التهاب بكتيريا .
على العموم . قلي : كيف لون محط الطير ؟
الله يشفي طيرك .

[ابو شلايل]

يا خي حسب خبرتي المحدودة
لازم تعرف ان الاتهاب عرض وليس مرض
فالكوكسيديا يجرح في جدار المعدة (القانصة) والامعاء فتلتهب
والدود ايضا يعض ويتشبث بمثل الاسنان او الكلاليب الحاده في جدار المعدة (القانصة) والامعاء فتلتهب
وكذلك انواع عدة من البكتيريا تفعل ذلك فلابد من التأكد مالذي احدث هذا الاتهاب
احيانا يكون العلف فاسد او بارد

لكن مؤقتا انصحك بدواء اسمه امبيسيلين حبوب للحمام تلقاه عند البيطري وهو مضاد حيوي لا يضر ممتاز جدا
>
>
http://www.wilderstore.com/media/catalog/product/cache/1/image/350x/9df78eab33525d08d6e5fb8d27136e95/a/m/ampicillin-t-btl-kps_1_1.jpg
>
>
عطه حبتين لمدة خمس ايام مع العلف

هذا العلاج مؤقت لازم تفحص الطير وتتأكد من العله

وشكرا

[مزاريف]

السلام عليكم لو سمحت وش قصدك بالخيل وهل له اسم غير اسم الخيل نريد المعرفة وشكرا

[عيد العازمي]

السلام عليكم لو سمحت وش قصدك بالخيل وهل له اسم غير اسم الخيل نريد المعرفة وشكرا



عليكم السلام انا معاك والله ما ادري شنو الخيل


اتمنى تفيدونه يا اخوان .

[(هزاع)]

احزم يدك برباط ولوهي سليمه
وعرضها
احد يقولك زيت زيتون وحد يقول ماء دافي وحد يقول مره وحلتيت وحد يقول لاتاكل سمك ولابيض
ونا مع كلام الاخوان وش يدريك انه اللتهاب؟؟؟؟؟؟ اوغيره الله اعلم ثم بعد الفحص اهل العلم من البياطره
اكثر الاخوه
لاصار المرض واضح مثل الحفاه والاقلاع وماشابهه عندهم علم بالعلاج من واقع تجاربهم
لاكن داخلي الجسم مايضهر الا بالفحص والتحاليل
انصحك بعرض طيرك على متخصص

[جلاد الحباري]

اول مره اسمع بالخيل هل هي خلطة في الحواج......................... لكن عندك حبوب خاصة في التهاب المعدة موجوده عند اي صيدلية بيطرية واذا ماحصلت عندك حبوب التهاب عام لفارس التميمي وانا مع الاخوان لازم تتأكد من المشكله وترى حبوب فارس للاتهاب العام تأدي الغرض وبوصفه خاصه ولمدة معينه

[راعي شلهوب]

الخيل هو الحلتيت وتلقاه عند الحواج
وممتاز للباطنيه و الديدان

[قرناس الكويت]

الشيهانه قاعده تتحسن شوي شوي
تحسن بسيط وملحوظ

عطيتها ماي وثوم ، وصفار البيض
+
كورس علاجات حبوب لألتهاب المعده ماخذه من الدكتور


والله كريم ان شاء الله

[جلاد الحباري]

واصل طال عمرك العلاج وان شاء الله تعافى وتنقلها وفالك الخرب المصقر

[ســـبــار ربــعـــه]

الخيل دواء العليل.
انظر الرابط يامن تنشد عن الخيل. بتشديد الياء.
ابورداد الله يرده سالم لمكشات كتب موضوع كامل عن الخيًل.

http://www.mekshat.com/vb/showthread.php?t=203867