فوائد النشأ لكفوف الطير المربوط

[عاذي]

السلام عليكم ورحمة الله وبركاته
من واقع تجربة شخصية .. وجدت بودرة النشأ لها فائدة على كفوف الطير المربوط على وكر من حيث تمنع الحفاة اكثر من الآرضية الخضراء .. حبيت اقدم لكم تجربة اتمنى الاستفادة .

[ســـبــار ربــعـــه]

جزاك الله خير ورحم الله والديك.

بس وين القاها بودرة النشا.؟

[الطير وكري0]

الله يعطيك العافيه ومشكور على نقل التجربه

[عاذي]

سبار ربعة : شكرا لك .. نشأ الذرة موجود بجميع السوبرماركات سعرة زهيد وله فوائد امتصاص رطوبة القدم للطير .. حتى الطير المصاب بالحفاة يؤدي لسرعة علاجه .
الطير وكري : شكرا لمرورك . . بارك الله لك ماتبقى من هذا الشهر الفضيل

[جلاد الحباري]

يعني نكب النشا على الوكر ويوكر الطير والا اجيب كميه كبيرة على الارض وما حددت كم يوم يحتاج

[عاذي]

على الوكر بارك الله فيك بكمية محدودة بحيث يكفي لامتصاص رطوبة كف الطير .. عند جلوسة على الوكر .

[راعي شلهوب]

وعليكم السلام ورحمه الله وبركاته

ومنكم نستفيد معلومه جديده
الله يعطيك العافيه

[سلطان 1]

ياااااعاااااذي عزالله ماكذبت.

بس حنا نستعملهاااااا مع الدهااان حق المستشفي
حط الدهااان علي الوكر ورش الوكر كله بالنشاااا
حق الأكل وخل الطير يوكر عليه
يالربع شي ماهوب طبيعي كان عندنا طير حر واااافي
وفيه حفااااااه وصااارت سودااااا
ومع هالعلاااااج نقزها تنقيز ما أخذت يمكن تقولون مبالغ فيه ما أخذت اسبوع ماكملت
٥ اياااام مدري اقل بعد.
وابشركم والله العضيم ان يد الطير تقول يد وحش توه مقصوووووب حرش ترووووع.

بيض الله وجهك يااااعاااااذي يوم طريت هالموضوع و

[عاذي]

راعي شلهوب
سلطان 1
شكرا لكم وتقبل الله صيامكم وقيامكم

[MMMمخاويMMM]

الله يعطيك العافيه اخوي عاذي على المعلومة الرائعه.



حبيت استفسر الطير اللي فيه سدة هل ينفع فيه هذا الدواء او لا

[ذراع الذيب]

السلام عليكم ورحمة الله وبركاته..
مسيت بالخير ياعاذي..

تسلم على هالمعلومه الطيبه وماقصر خبيرنا ابوفيحان اضاف للموضوع..
وبارك الله فيكم جميع وتحياتي لكم..

[عاذي]

السلام عليكم ورحمة الله وبركاته
مخاوي
شكرا على مرورك .. اما موضوع السدة اعاذنا منها ينفع ان شاء ولكن السدة يصيب كف الطير حرارة وانتفاخ ووجدت مرهم لدى الصيدلية البشرية بس والله اني نسيت اسمة يجي لونه زجاجي بكرتون اخضر يعمل على تبريد كف الطير بشرط لايجي القدم من تحت ولايلمس الجرح انما يوضع فقط على الكف من فوق .. يجي دور المرهم الآخر المرسوم عليه ابو اسد يوضع على نفس السدة من تحت .. مع ملاحظة وضع كيس بلاستك ( باغة ) ثم يوضع الطير يوكر عليه .. وينظف القدم عند كل ماتجي وضع المرهم .. ان شاء الله ماياخذ طيرك خمسة عشر يوما الا طيب ...
ذراع الذيب
تقبل الله منا ومنكم صالح الاعمال .

[MMMمخاويMMM]

ما قصرت وبيض الله وجهك...المرهم الموجود فالصيدليه البشريه اسمه(فيسودين) للمعلوميه

[شهاب 111]

الله يوفق يا..عاذي ..ويجزاك خير على المعلومات االطيبه.

[ابوطلال؟]

الله يبارك فيك بالطيب

[ابرق الحرار]

بارك الله فيك

[وكري قطر]

السلام عليكم
هل أحط ال نشا على الوكر الخضر ( الحصاه ) او على مكان ثاني وهل يضر ان يلامس النشاء علف الطير

[عاذي]

وكري قطر
السلام عليكم ورحمة الله
الفرش الأخضر ابو زرع ماينفع تضعه عليه اما ملامس العلف للنشأ ان شاء الله مايضرة لانه نشأ طبيعي بس يكون من الافضل مايعلف الطير عليه .

[وكري قطر]

تسلم يا اخوي عاذي وماقصرت