ابي خبراتكم ؟؟؟

[ابن قرمله]

السلام عليكم ورحمة الله وبركاته
عندي شهانه جبليه قرناس وحش وابي اعلفها على الدس المشكله انها جويعه بس ما تبي تنقز على الدس ما تعلف الا لين احطها فوق العلف على الدس يعني ما تنقز الى لين اشيلها والعلف بدس وش الحل ابيها تنقز عطوني خبراتكم

[سلطان 1]

توها اليااااا احتااااجت نقزت
لكن كثر عليها النقل
وعليك بالتنسير كل مانقلتها ما تاااخذ يومين الا هي
تنقز علي يدك.

[النااااااادر]

مالك الا تجوعها وتنغزها من مكان قريب

وكل شوي تزيد المسافه

[ابن قرمله]

يا الربع ذبحتها بالجوع بس ما نقزت خايف لا يجيها شي

[بارق السحاب]

اخوي ابن قرمله قرب العلف عندها على الدس لين بوزها ولابدت تموز العلفه ارفع الدس على فووق وهي بتطلع على الدس وكرر العملية وان شاء الله تنقز الا اذا الطيره فيها شي

[خالد العطااوي]

حبه حبه تجي المحبه طال عمرك
..

[صقار 99]

وانا اخوك انقلها باستمرار فرعلها وخلها على كفك بستمرار لين تروح وحاشتها وجوعها تنقز على الدس ان شاء الله

[ابن قرمله]

ان شالله بعلمكم اول باول واي شي يصعب علي بعلمكم وانتم افيدوني ما تقصرون معي، وهل عادي اجوعها ثلاث ايام

[الطير وكري0]

ان شالله بعلمكم اول باول واي شي يصعب علي بعلمكم وانتم افيدوني ما تقصرون معي، وهل عادي اجوعها ثلاث ايام


لا ثلاث ايام تذبحها
اصبر عليها وكثر نقلتها بتنقز معك

[ابن قرمله]

اليوم فرعتها وخليتها على الوكر في المجلس والعيال يدخلون ويطلعون وهي تكافخ ثم ترجع للوكر وش رايكم اخليها على الطريقه ذي لين يطيح الي في راسها

[الغرشوب]

وجهة نظري لاتكثر مدخال الشباب غيرك عليها .. وعلى فكره اذا جيت تبي تنقزها صغر اللحمه عشان لاجيت تبي تنقزها ثاني مره عشان لاتنتف اللحمه منك وانت تعاند وتصير تنقل العلف .. واقول لك حط يدك بالدس بالارض تحتها واكيد تبي تنزل عليها واذا نزلت عليها ارفعها بشويوش واذا دسيت اللحمه نزلها على الوكر ونادها ... هذا والله اعلم وافضل انك تكون لحالك مع الطيره << لك علي في الشرح ما اعرف اوصل الفكره بسرعه ههههههههههههه

[ابن قرمله]

ابشركم نقزت على الدس اليوم بس خذت 5 دقايق تردد بعدين نقزت وبعد بكره بحاول انها تنقز من مسافه ابعد عشان تكون جايعه وابي اسالكم تراني اعلفها ثندوت سمانه عادي ولا لازم اشكل لها عشان ما تعود على السمان

[صقار الهدادي]

الله يوفقك

[ابن قرمله]

الحين صارت تجيني على بعد 100 متر ابشركم وباقي بدهلها ثلاث ايام على ذا المسافه وبعدها بعلمها على الملواح

[ابن قرمله]

ابي اعلم الطير يشرب ماء من الفنجال وش الطريقه علموني لانه يفتح افمه ظميان ولا عرفت اشربه

[ابو عضيله]

ابن قرمله طيرتك وحش تبي وقت طويل حتى تشرب من الفنجال نصيحتي اغطسها في قدر مليان ماء نظيف ثلاث مرات في اليوم ولن تندم

[ابن قرمله]

ابو عضيله كيف انطلها في قدر ولا اخلي القدر عندها

[ابو عضيله]

ابن قرمله اكتف الطيره واغطسها بالماء ثانيه فقط ماقلت انطلها هذي نصيحه ان قبلتها والا ماتلزم

[ابن قرمله]

هههههههههه لا هنت بس لقيت لها حل الحمدلله ولا هنت ابو عضيله وابشرك الطيره بدت تنقل بسبب طويل في الخلاء وعجبها الجو

[خيال سهيل]

ابن قرمله اكتف الطيره واغطسها بالماء ثانيه فقط ماقلت انطلها هذي نصيحه ان قبلتها والا ماتلزم

وصفه عجيبه الصراحه

اخوي تبي تغرقها انت ولا كيف ان دخل الماء لريتها تعبت وانواع الأمراض الله يهديك
وحتى لو ما غطس راسها بس جسم الطير الطريقه ذي عجيبه ولا انصح فيها
حطلها الماء قدامها وخلها بروحه هي تنزل وتسبح بمعرفتها ولا تكسر ريش ولا تكتف طير
وترى الهون ابرك ما يكون