لابد ان تكون حكيم ... ياصقار

[كلي فخامه]

السلامــ عليكم ورحمة الله وبركاته
بمناسبة قرب الصيد والقنص فيه سالفه حصلتلنا العام
بقولها لكم وبصراحه لابد ان يكون الصقار عاقل وحكيم
وصفات الرجوله كامله فيه شرواكم لأنه بيقابل ناس
اشكال وانواع منهم ضعيف النفس ومنهم صغير في السن ....
وسالفتنا كنا قانصين على وقت الحباري وتقريبن لنا حوالي اربع ايام ماشفنا لااثر ولاجره ودق علينا رجال قال انتم وينكم
قلنا بلمكان الفلاني قال بجيكم قلنا حياك ربي الساعه المباركه
الرجال ماكذ قنص معنا معرفة داخل المدينه فقط ولا عمره خاونا المهم
جانا من بكره تقريبا العصر وقدمناله واجبه
وكانت معه شيهانه المهم
امرحنا هاك الليله واصبحنا و تقهوينا وافطرنا وعينا من الله خير
وكان الهدد لواحد من الربع معه فرخ حر ومعلم على وحده
وكان الهدد له
ماتحركنا من مكانا الى واحد من الربع قال ابشروبها توها نازله وهذا مطباحه جديد الحبارى عندي تعالو
المهم الضيف قال ياربع انا طالبكم الهدد قال خوينا الي عنده الهدد ابشربه والله متغلى عليك المهم الرجال ماقصر
جينا عند خوينا ونقص الجره وهذي هي قدامنا تمخطر يازينها
ويازين شوفتها المهم قلنا لضيف تقدم هذي هي تدرج قدامنا
قال طيروها قلنا ابشر المهم تقدمت وطيرتها
له وهو يهد شيهانته
وبسم الله ماشاالله وتأخذ معها اشوي وهي تنزلها بالقاع ويوم وقعت الحبارى بالقاع وكوبرت وهي تنشها من بعيد وهي توقع جنبها ويطيرها لها راعيه وتلحقها وتنزلها بس ماتقربها بالقاع توقع جنبها ولا تبيها
المهم ويقوم الضيف ويمد البندق على الحبارى وهو يرميها
لاهي منسدحه وتطير الطيره يوم شافتها ماتت وتمسكه
وبصراحه انصدمنا صدمه متاوقعنها !!!!
يعني لو بهذي الحاله لو مامسكنا اعصابنا وحكمن اعقولنا وتعوذنا من الشيطان كان صارت اعلوم ومشاكل
بس الحمدلله الواحد يكون حكيم وعاقل في هذي الامور
والمشكله لنا اربع ايام ندور ولا حصلنا شي وكان الهدد لخوينا صاحب الفرخ الحر بس الحمدلله هذي مقادير ومقسوم
المهم ديورنا وتركنا الرجال يعلف طيرته
ويوم علف اخذ الحبارى وروح على وجه وحتى معتذر وماينفع العذر ...
المهم بعده رزقنا الله وهدينا طير خوينا وذبح ورزقنا الله...
والضيف والله لاقبلته بصراحه مقابل رجال واعلومه غانمه
بس التصرف الي تصرفه شي غريب
وبعد مده يجينا بالبيت ويعتذر الرجال ويقول يارجال
انا لاشفت الحبارى يجيني شي غريب ماحكم عقلي وافقد اشعوري وانا والله تصرفت تصرفي وانا مادري عن نفسي
ماحس بالي حولي ...
المهم قلناله يرجال حصل خير ..
بس هذي السالفه تعلمنا الحكمه وتثبيت العقل عند ميقابلك ناس مثل هذا الرجال الصقار لابد تكون فيه صفات الرجوله
كامله ..
وهو يوم رما الحبارى قصده يعلم طيرته
تصرف خارج عن ايرادته الله لايبتلينا الواحد لشاف الحبارى ينسى كل شي يجيه اخبال
وهنا الواحد يحكم عقله ...
وسلامتكم ...
وكل عام وانتم بخير والله يبارك لنا في رمضان
ويجعلنا ممن يغفر لهم يارب ..

[عبدالرحمن بن ذياب]

و عليكم السلام ورحمة الله
كلامك سديد و فعلتكم فعلت رجال و الله يرزقك هالموسم من واسع فضله

[صالح الحنيان]

اي نعم ياخوي .. المقناص يجب ان توسع صدرك..؟
ولازم علي الواحد ان يمسك اعصابه ..؟
ولا يرتكب المشاكل عشان كومت ريش ..؟
والمقناص يبيله توسعت صدر وانا اخو ويبيك تطول بالك ويه ..؟
وتقبل مروري لك ..؟

[خالد العطااوي]

يالله حيه
وواول شيء يشرفني ثاالث من يرد عليييييك
والمفروووض كلن يحكم عقللله قبل كل شيء
وخاصتن للي يسوقون مع الطيييييييير سواقه الله لايبتلينا وياكم ناس راحو بسبت هالطير
حوادث علشان طير
اهتم بنفسسسك ومتع نفسسسسسسك

وتسلم يمينك ع الموضوع الجميل ..
تحياتي لك

[كلي فخامه]

و عليكم السلام ورحمة الله
كلامك سديد و فعلتكم فعلت رجال و الله يرزقك هالموسم من واسع فضله
الله يجزاك خير ياخوي وشكرا على المرور والكلمات الكثر من رائعه

[كلي فخامه]

اي نعم ياخوي .. المقناص يجب ان توسع صدرك..؟
ولازم علي الواحد ان يمسك اعصابه ..؟
ولا يرتكب المشاكل عشان كومت ريش ..؟
والمقناص يبيله توسعت صدر وانا اخو ويبيك تطول بالك ويه ..؟
وتقبل مروري لك ..؟
عز الله انك صادق وشاكر ومقدر

[كلي فخامه]

يالله حيه
وواول شيء يشرفني ثاالث من يرد عليييييك
والمفروووض كلن يحكم عقللله قبل كل شيء
وخاصتن للي يسوقون مع الطيييييييير سواقه الله لايبتلينا وياكم ناس راحو بسبت هالطير
حوادث علشان طير
اهتم بنفسسسك ومتع نفسسسسسسك

وتسلم يمينك ع الموضوع الجميل ..
تحياتي لك
الله يبارك فيك وانا لي اشرف يوم تقول كلمه وحده في موضوعي

[هاوي هدد 11]

وعليكم السلام ورحمة الله وبركاته
تحكيم العقل لابد منه
ياكم أصحاب تفرقوا بسبب كروان ولاحبارى
الدعوة توسعت صدر
والرحلة لابد يكون فيها أمير
والكل له مطيع
حتى تكون رحلة قنص ناجحة
لك سلامي

[بو هاشم]

بيض الله وجيهكم وعزالله ان تصرفكم تصرف العقلين والحكما والله يرزقنا في هذي المواقف الحكمة والعقل اهنيكم على سمو اخلاقكم
والله يرزقكم من حيث لا تحتسبون يارب

[عشق الرحيل]

تصرف حكيم تصرفكم وبياض الله وجيهكم علي العلم الغانم وبالتوفيق للجميع ان شالله ...............

[صقار الريان]

لاالله الا الله
يازين الحلم
انا ماني معكم وزعلت
لاحول ولاقوه الا باالله
ويازين تصرفكم

[سلطان 1]

اخوي كلي فخامه
الله يبيض وجيهكم وعلمك غاااانم.
وعزالله أنكم حكمتو العقل.

ملاااااحضه وانا اخووووك
اشوووووووف هالاشكاااااال اللي يقولون انا اليااااا شفت الحبااااااراا
انعمي ولعااااااد ادري وش اسوي وانسئ نفسي من هالكلاااااام كثروووووو
بزيااااده ماهي طبيعيه والضاااااهر وانا خووووك صاااارت حيله ضعيف النفس.
لكن بالنسبه لي ان جانا احد من خويانا ولا نعرف طبوعه اول ما أنشده عن
الشي كانه قال انسي نفسي ركبت معه والا خلينا واحد من الشباب يركب معه
علشاااان يصحيه اليا انعمئ ههههههههههههخخخ.

[مذخور]

تصرف في محله لن تندمو بعده
فالعاقل هو الذى يتصرف بكل حكمه ودرايه
فى كل اقواله وافعاله
ولا يتسرع باللوم بالمواقف
بارك الله فيكم ,,,

[جلاد الحباري]

جزاك الله خير ومثلت باخلاق الرسول عليه افضل الصلاة والسلام وحديثه الذي يقول ( ليس الشديد بالصرعة ولكن الشديد من يملك نفسه عند الغضب ) واهنيك انت وربعك على هالاخلاق الطيبة واتمنى ان كل الصقاقير ان يحذوا حذوكم فانتم مثال للاخلاق العالية والروح الطيبة :good2:

[كلي فخامه]

وعليكم السلام ورحمة الله وبركاته

تحكيم العقل لابد منه
ياكم أصحاب تفرقوا بسبب كروان ولاحبارى
الدعوة توسعت صدر
والرحلة لابد يكون فيها أمير
والكل له مطيع
حتى تكون رحلة قنص ناجحة

لك سلامي

:good2::good2: صح اللسانك

[عيد العازمي]

السلام عليكم ورحمة الله وبركاته


الله لايبلانه واللي يقول انا لا شفت الحباره ما استوعب لنفسي ويغلط بين الرياجل وماله حق

بنظري ضعيف نفس

والرجال رجال بكل المواقف والردي لابد يجي يوم ويبين رداااااه


اما انتو ياراعي الموضوع بيض الله وجهك ووجه الشباب اللي معاك على سعت الصدر


وقلتها انت وصدقت بكلامك ماهي مقسومه ومالك الا اللي قاسمه ربي


والله عوضكم بغيرها وفرحكم فيها


تحياتي لك وللجميع .

[كلي فخامه]

بو هاشم .. وجهك ابيض وماعليك زود
عشق الرحيل ... ابيض وجه وشاكر لك على المرور
صقر الريان ... الله يثبتنا حنا وياك على هالمواقف وشاكر لك
سلطان .... وجهك ابيض والله وانا اخوك الاشكال هذي عسى ربي يهديهم ومالنا غير الدعاء لهم
مذخور... يسعدني ويشرفني مرورك بارك الله فيك يالغالي
جلاد الحباري ... عليه الصلاة والتسليم اللهم اجعلنا حنا وياكم من يتبع سنة الرسول عليه أفضل الصلاة والتسليم .. وجزاك الله الف خير . وماعليك زود يالغالي والرجال في كل مكان شرواك وشروا الوجيه الطيبه

[كلي فخامه]

عيد العازمي ... وعليكم السلام ورحمة الله وبركاته صحيح وانا اخوك الي مايحكم نفسه .. بصراحه ضعيف نفس .. وجهك ابيض يالعازمي

[(هزاع)]

ياكثر ناس تنخدع في صورهم
انتم رجال ونعم
لاكن ذا تافه عقل والشرهه على اللي قربه منكم
لاصرتو جمع بعضكم يعرف بعض انتبهو من الدخيل
ماتركوه الرجال الا من رداه
خوة الرجل الحكيم اخير من خوة الشجاع
الحكيم يخارجك
المهم الحمد لله انكم تصرفتو بحكمه وهو قلعته هو وتصرفه الاحمق

[قلب ذيب]

هذا الرجال مافيه خير واناني ومحب لنفسه !
ويعرف خطأه يوم صاد الحبارى دبر عنكم .
مفروض انكم تكلمونه وتجادلونه في فعلته تلك
الاوله يهد طيره ويوم ماجاهافي القاع يظربها بشوزن , ويعلف طيره ويدبر .
لوني عندكم ماخليته يدبر , ولاقبلت عذره لاحقا ولاخاويته ابد .
صرررررررراحه بالكم طويل .

[عاذي]

ارى ان هذ الرجل تصرف بأنانية زائدة ووتصرفتم معه بحكمة وبعد نظر .

[تواق]

الا بيض الله وجيهكم ماسويتوه هو عين الصواب
ولنا في حديث سيد البشر عليه الصلاه والسلام ليس الشديد بي الصرع ولكن من مكن نفسه عند الغضب

لن يقال ابد عن من تصرف مثلكم بي الخوف وقل الشجاعه
المصيبه انهم كثر اسمع مواقف تحصل وكادت تحصل امور لايحمد عقباها ولكن ربك ستر
اوصيكم واوصي نفسي باخذ الامور بعقلانيه

[كلي فخامه]

هزاع ... ماعليك زود ومشكور اخوي على الكلمات الرائعه
قلب ذيب ...مشكور اخوي والله اذا كلمنا ابتلشنا وزادت الطين بله بس البعد عنه يطفي الغضب
عاذي ...مشكور الله يعطيك العافيه
تواق... ووجهك الي فعلناه يفعله اي رجال شرواك.. وحديث الرسول عليه افضل الصلاة والتسليم هو قدوتنا والسنه الي ماشي عليها جميع المسلمين جعلنا الله وياكم ممن يتبعونه ...

[خيال سهيل]

انا معكم انه اناني وانتم حكمتم العقل
لاكن انا عندي راي المقناص ماكل واحد يتخاويه مثل السفر يطلع معادن الرجال
ولابد تنشد عنه الناس الي يبخصونه او الي قد قنص معهم
وعلى العموم عذره اقبح من فعل هو لو انعمى كان ما مشى وخلاكم كان جا واعتذر
بس مشيته يعني تراي استحيت ومن الفعل بس لو فعلا استحى كان جاء اعتذر مثل الرجال دق عليكم
وعلى قولت اخونا الي صارو يقولن اذا شفت الحبارى انعمي كثر وصار عذر لضعاف النفوس
وسلامتكم

[طيرالحمــــاد]

بيض الله وجيهكم والفساله بوجهه ويبي الله يرزقكم والخيره خفيه

[AL-NaDeR]

الصبر زين وكل مطرود ملحوق ..
والاستعجال في بعض الاحيان مـ ودك تقربه ..
خير مافعتلووا يابعدي ..
والله يرزقكم هالسنه بالشي اللي يطرب البال ..

والله يؤفق الجميييع "

[صقار العنزي]

يعطيك العافيه .
انا اعتقد عصب على طيرته لانهاا خيبت امله قدامك فا على شان كذا سحب السلاح ورماها

[راعي - عديم]

بيض الله وجيهكم وحصلتو العلم الغانم
وهو ماله ألا سواد الوجه
وتصرفتو بحكمه

[ابوعزيز2007]

يارجال الحمد لله انه قضت على كذا وزين صرتو كلمة وحده انت وربعك ماصار فيكم واحد مامسك اعصابه وصارت مشكله لاكن الحمدلله ومايدرى وش الخيره فيه يمكن لو هاد راعي الفرخ كان ضاع ورى الحبارى ولا صاره باقعه

[كلي فخامه]

خيال سهيل .. طير الحماد ...النادر..صقار العنزي .. راعي عديم .. ابو عزيز2007
بيض الله اوجيهكم وماقصرتم الله يعطيكم العافيه وكلامكم في محله
بتوفيق ومشكورين على المرور ..

[THE SNIPER H]

هذا موقف يجعل الدم يغلي في الرأس واهنئكم علي امساك غضبكم وتصرفكم في غاااااااايه الحكمه

[كلي فخامه]

هذا موقف يجعل الدم يغلي في الرأس واهنئكم علي امساك غضبكم وتصرفكم في غاااااااايه الحكمه

مشكور اخوي على المرور

[قناص001]

الله يجزااك خيرر


عز الله مالنا غير نقول بيض الله وجيهكم

يوم خليتو الحباره له


والرزق بيد الله


قد نصادف ناس نفس ها الطبوع الله لا تبلانا

[كلي فخامه]

ويجزاك ربي ..
وجهك ابيض ..
مشكور على المرور

[خيال M1]

علمك غانم يا الخوي الله يستر الموسم هذا والله لا شافو طيرك يطير هد عليك علي باله عند شي واذا شاف ما عندك شي قال والله كنا ندعي والطير جاك والله مليت البر صراحه لكن الله يزينه

[كلي فخامه]

علمك غانم يا الخوي الله يستر الموسم هذا والله لا شافو طيرك يطير هد عليك علي باله عند شي واذا شاف ما عندك شي قال والله كنا ندعي والطير جاك والله مليت البر صراحه لكن الله يزينه

الله يستر عليك وعلينا ...
والله يهدي الجميع يارب