ياجماعة الخير مشكة الـ Check Engine بهذلتني وخلتني لعبة بيدين عمال الصناعية

[سليمان الصقر]

السيارة جمس موديل 91 ولعة لمبة (الجشك انجن سون) وثقل الموتر وصار ياله يمشي والقير معلق ومايبدل ، المهم بعد ما طار نص الراتب على اجتهاداتهم اللي من جنبه أجمع فقهاء الصناعية على أن الحل هو تبديل الكبيوتر .
ملاحظة : حدى العمال فك كبيوتر السيارة وبدله بكبيوتر ثاني واشتغلت زي الحلاوة فقلتله خله بسيارتي واعطيك حقه قال ودي بس إني ماخذه من سيارة زبون وبعدها رجع وركب كبيوترنا الاول وبرظه اشتغلت السيارة زي الحلاوة لكن بنهاية اليوم رجعت المشكله وولعت اللمبه آنفت الذكر

[فلة حجاج]

التمااس شف وينه وتاكد من لبات الفرامل شغاله ولالا احتمال فيوز يضرب حساس الفرافل ويعلق القير

[الكشات وافى]

السيارة جمس موديل 91 ولعة لمبة (الجشك انجن سون) وثقل الموتر وصار ياله يمشي والقير معلق ومايبدل ، المهم بعد ما طار نص الراتب على اجتهاداتهم اللي من جنبه أجمع فقهاء الصناعية على أن الحل هو تبديل الكبيوتر .
ملاحظة : حدى العمال فك كبيوتر السيارة وبدله بكبيوتر ثاني واشتغلت زي الحلاوة فقلتله خله بسيارتي واعطيك حقه قال ودي بس إني ماخذه من سيارة زبون وبعدها رجع وركب كبيوترنا الاول وبرظه اشتغلت السيارة زي الحلاوة لكن بنهاية اليوم رجعت المشكله وولعت اللمبه آنفت الذكر



أسمع يالصقر ...

عندى شفر 96 وقبل خمس سنوات علقت عندى لمبة المكينه واذا علقت القير مايبدل بسهوله

وطلع السبب من المترجم ... أشتريته من التشليح بعشر دنانير ... وصارت السياره 100%

وأيضا من فترة كم شهر تكرر نفس العطل ورحت أيضا اشتريت مترجم من التشليح .. وأيضا

السياره صارت من أحسن مايمكن الى الان ....!!! كنت أختار من التشليح واركبه بنفسى

وتالى اشغل السياره ... أذا أختفت اللمبه معناها القير صار اوكى من غير ما اطلع فيها

هاذى التجربه أتمنى انها تفيدك أخى الكريم

[كاشت بالبر]

أفصل اصابع البطارية

ثم فك حساس الاكسجين اللي بالشكمان ونظفه ( بعض السيارات فيها اكثر من حساس )

وبعد ما ينشف ركبه

حساس الأكسجين
أو
Oxygen sensor
أو
o2 sensor


كل الأسامي هذا لشيء واحد

http://desmond.imageshack.us/Himg18/scaled.php?server=18&filename=o2arabic.jpg&res=landing

http://www.mekshat.com/pix/upload02/images66/mk14696_o2_sens1.jpg


http://www.mekshat.com/pix/upload03/images124/mk11979_dirty_03.jpg

http://caprice.montada.haraj.com.sa/imgdir/4fc42b991b264.jpg


بخاخ التنظيف تلقاه بساكو

http://www.4x4wire.com/toyota/maintenance/tacoma_4runner_30k/CRC_cleaner.jpg
أو
http://i41.photobucket.com/albums/e266/sdoherma/TPS_fix/TPS003Medium.jpg


http://ar.wikipedia.org/wiki/%D8%A7%D9%88%D9%83%D8%B3%D8%AC%D9%8A%D9%86_%D8%B3% D9%86%D8%B3%D8%B1


اذا ما انحلت المشكلة بعد التنظيف .. اتوقع مالك إلا تغيره بـ ( جديد أصلي )

الحساس الصغير هذا له دور كبير بلمبة الـ Check Engine
وله دور بصرفية البنزين


ان شاء الله تنحل مشكلتك .. لكن لا تنسى تدعي لي :)

[فتك08]

تأكد من نظافة فلتر الهوا

و نظافة منظم الهواء و تأكد إنه شغال

و فيه الفتك أحيانا إذا ماصار مايغير القير يكون دايم بسبب كتاوت خاص

للقير موجود بكبوت السيارة فقد يكون مالديك مماثل لماذكرت لك....

و بالنسبة للثقل فتأكد من حساس الدعسة و الكتاوت الخاص به...

بالإضافة إلى ماذكره الاخوان

[سليمان الصقر]

بيض الله وجيهكم من فلة حجاج والكشات الواف وكشات البر وفتك 08 والله لا يحرمكم الاجر وأنا بإذن الله أبي أشيك على كل اللي قلتوه وان شاء الله الامور بتزين

[جبل عفف]

الله يسر امرك

تقبل مروري

[baloga41]

لو سيارتك من السيارات الجديدة كان بالبلرمجة و لا عاد تطلع مرة ثانية . اغلب الاحيان تطلع الشيك انجين للمفرغين دبات التلوث

[سليمان الصقر]

أبشركم لقيت سبب المشكلة طلع كمبيوتر السيارة مثل ماقال أخوي الكشات الوافي رحت للتشليح واشتريت كبيوتر وركبته بالموتر وزانت الامور ولله الحمد والله يبيض وجيهكم يالربع وماقصرتوا

[الكشات وافى]

أبشركم لقيت سبب المشكلة طلع كمبيوتر السيارة مثل ماقال أخوي الكشات الوافي رحت للتشليح واشتريت كبيوتر وركبته بالموتر وزانت الامور ولله الحمد والله يبيض وجيهكم يالربع وماقصرتوا



الف مبروووك وتستاااهل أخوى سليمان .... :good2:

[عبقري91]

يعجني الشخص الي يعلمنا كيف انحلت المشكله
جزاك الله خير وموفق اخوي