المساعد الشخصي الرقمي

مشاهدة النسخة كاملة : ((.. مختارات شعرية منوعة..))......(( 1 ))


ريف النشاما
10/07/2006, 02:01 AM
http://www.mekshat.com/pix/upload/images17/mk8178_mk23286_jkhjv.jpg

مشاري بن سلطان بن ربيعان

""
ماني بهلباج على الوم نعاس = همه طعامه لين كرشه ملاها
لياضاق صدري جبت دلة ومحماس= دلال بيض غالي مشتراها
عده على اللي للمعادين نطاس = مودع سمان الهجن لثلع حفاها
وإلا على اللي يحتمي قحص الأفراس = ليا روحت خيل لخيل ن حماها
وإلا على اللي يثني العصب للراس= في كرمته عاش الضعافي نماها
وباقي العرب لو تقصره عنه لاباس= لطامة المجلس قليل حلاها


http://www.mekshat.com/pix/upload/images12/mk657_fiireplace.jpg
مدوخ العمى

""
الكيف خله عند من يشترونه = المشكل اللي جابها من بلدها
ياحامسين الكيف لاتحقونه = حذرى عن الشعله تغير قندها
حتى يجيك أمحمر كن لونه =مجة جراده ظاهره من جسدها
صبه على اللي ربعته يدهولنه = له ربعة من راح منها حمدها
وصبه على اللي ربعته يتبعونه = مع دربه الخلفه اتضيع ولدها
وعده عن اللي واقف له بشونه = يمسي ويصبح عارف لك عددها
ماغير عنده طايرات عيونه = لاباع شاته يحتزم في ولدها
oooooooooooooo
ooooooooooo

ooo
http://www.mekshat.com/pix/upload/images9/mk8178_447mmnmnm1204.jpg
الحميدي فهاد الحربي
""
ياناقل البارود لاتذبح الذيب = ادخل على الله بالندب لاتروعه
لو أنت في رميك عطيب المضاريب= ارحم ضعيفا شملته راس كوعه
احشرته الدنيا بروس المصاعيب= في راس لولاح عسير اطلوعه
يازين صوته في طويل المراقيب= ولياعوى لجت محاني ضلوعه
ورزقه على الله ماملى البنك والجيب= عزيز نفس وراس ماله متوعه
والناس تذكر عامل الطيب بالطيب= وإلا الردي درب القصاء من طبوعه
ولا تامن الدنيا ترى غيبها غيب = أما رحلت السبت ولا ربوعه
يقولها عود ولع راسه الشيب = عود دنا شوفه وثقلت سموعه
ودنياك ماعمر بها نوح وشعيب = قبلان راحت به ومقبل تلوعه

""
أبو شعلان
10/07/2006, 02:02 PM
بسم الله الرحمن الرحيم

مشكور اخوي ريف النشاما على هالمختارات الرائعه
وياليت تخليها كل فتره مثلا كل سبوع تحط مختارات
لانها وبصراحه رائعه ومنها نتعرف على شعراءنا أكثر

واتمنى لك التوفيق ياشاعرنا

,,,,,,,,,,,,,, وتقبل تحياتي ,,,,,,,,,,,,,
:j
النداوي HZ2AF
10/07/2006, 02:31 PM
صح السانك
وجزيت خير ورحم الله والديك


أبو عبدالله
نقا هشال
11/07/2006, 01:43 AM
ابو عبد العزيز

هلا ومسهلا

ويعطيك الف عافيه

مقتطفات رااااااااااااااااائعه

كل الشكر لك ياغالي

وتقبل فائق تحيتي وتقديري
نزيه
12/07/2006, 02:19 AM
الله الله ياريف النشاما

بارك الله فيك على هذه القصائد الرائعة

وصح السانك والله


ولك وافرتحياتي
فتى الشماليه
14/07/2006, 04:09 AM
بسم الله الرحمن الرحيم

مشكور اخوي ريف النشاما على هالمختارات الرائعه
وياليت تخليها كل فتره مثلا كل سبوع تحط مختارات
لانها وبصراحه رائعه ومنها نتعرف على شعراءنا أكثر

واتمنى لك التوفيق ياشاعرنا الكبير ;)
http://www.mekshat.com/pix/upload/images18/mk30794_56.jpg


اخوك..؟؟..:D :D .::,,,..:D :D .. فـــــــــــــــــــــــ الشماليه ـــــــــتى