ذكريات الطعس

[صافى السريره]

بسم الله الرحمن الرحيم


البارحة يوم القمر يطرب العين
والريح نسمات عليل هواها

من فوق طعس(ن) ناعم(ن) مترف اللين
غاية منى نفسي وهو منتهاها

سمرت يوم الكل بالنوم غافين
مسترجع(ن) ذكرى(ن) تزايد غلاها

متذكر(ن) وقت(ن) مضى عنه عقدين
وقت(ن) درس ذكراه ما حد(ن) نعاها

والبارحه ليلي غدا منه ليلين
صار الطعس عندي كما يخت شاها

واغلا من قصور(ن) سكنها رديين
وافق هوى نفسي مجالس خلاها

يوسف ترى الدنيا بها العسر واللين
ومعارك النشبات ما احد(ن) بغاها

يامن سميك مضرب المثل للزين
ردت بصر يعقوب شمة رداها

انشدك عن علم(ن) لفا يطرب العين
بداه من ناره تحمل لظاها

ووصلت سعايرها على كيف شعبين
والرابعة نرجي من الله قضاها

والخامسة تبغى مع النار نارين
دخانها بين وغطى سماها

نقرا عليها اليوم بالعرف ياسين
ومن لا يعرف الحق يقطف جناها

آل – بوهلال التميمي (احمد )

[هبوب الشمااال]

صح للسانك يالذيب

[صافى السريره]

صح للسانك يالذيب
ما عليك زود والشمال كله بركه

[نديم المجره]

صح لسانك لاهنت
الله يسعدك
تحياتي

[قلب ذيب]

قصيده جزله صح لسانك
تقبل اعجابي .

[صافى السريره]

صح لسانك لاهنت

الله يسعدك

تحياتي
اخي الفاضل/احمد اشكرك واتمنى لك السعادة في الدارين وكل عام وانت بخير

[صافى السريره]

قصيده جزله صح لسانك


تقبل اعجابي .

اخي الكريم/(قلب ذيب)اعجابك شهادة اعتز بها
وانا من المعجبين بطروحاتك ومداخلاتك في امور الصقاره والقنص في خيمة -الصيد بالصقور-فخبرتك يستفيد منها الجميع ،بارك الله فيك.
وعلى كل حال هذه البويتات اعلاه لم ترق( للبعض )على مايبدو وربما لم تفهم على حقيقتها ؛ارجو ان يوفقنا الله لإحسان الظن،(يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )والله المستعان.