المساعد الشخصي الرقمي

مشاهدة النسخة كاملة : لأصحاب الرحلات مهم جدا لايفوتكم


جيب متشوبيشي
10/07/2006, 03:07 AM
:D سؤال لأخواني في المنتدى والقراء من منكم قد جرب يطلع رحله ومعه طيراه صغيره زي البارموتر صدقوني راح يكون للرحله طعم ثاني لأنهى تخليك تروح وتكتشف اي مكان في الصحاري او الوديان او الجبال الأماكن التاريخيه او الي يصعب الوصول لها بالسياره سهلة النقل جدا حجمها متر في متر كل الي عليك ان تركب المحرك على ظهرك وتفرد البارشوت وتقلع مثل الطير لايحتاج الى مدرج ولا غيره انت تقلع بأرجولك ومسافة الأقلاع لاتتعدى مترين والهبوط متر واحد فقط وكلامي صحيح ميه في الميه لأن عندي واحده وسعرها معقوووول جدا يعني تقريبا سته وعشرون الف ريال ووقودها هو وقود السياره يعني وقف في اي محطه عب وامشي جربوها وبتدعولي ان شاء الله:d :d
عجرم
10/07/2006, 03:30 AM
السلام عليكم
وبعد تصلح للصيد وتنتهي هواية الصيد بالصقور
شبح الصحراء
10/07/2006, 03:36 AM
انا اتمنى لو يوم اطلع على مثل هذي الطيارات ، بس وين يباعن وكم اسعارهن وهل لازم تصريح علشان اطير بوحده منهن ؟؟ .
جيب متشوبيشي
10/07/2006, 03:54 AM
السلم عليكم اخوي شبح الصحراء تقدر تطلع على مثلها ان شاء الله سهله جدا وتدريبها يأخذ تقريبا من خمسه الى عشره ايام واسعارها تبدأ من اربعه وعشرين الف الى خمسه وثلاثين الف حسب قوة المحرك لأن المحرك يعتمد على حسب وزنك ثاني شي لو قررت تاخذها خذ بارشوت رفلوشن لأنها افضل شي ومحل التدريب في الثمامه في مدرسة صقر الصحراء الي بعد طعس التحدي بعد نقطة التفتبش على طول ويعطونك رخصه معتمده من من النادي السعودي للطيران وتقدر تطير بهذه الرخصه في اكثر من تسعين دوله لأن الرخصه محلي ودولي وارتفاعها مفتوح يعني تقدر ترتفع اكثر من عشره الاف قدم وتقدر تطير على ارتفاع قدم واحد فقط وسعر الدوره خمسه الاف ريال واذا تبغى صور لها ادخل على قوقل او ياهو وابحث في محرك بحث الصور واكتب paramotors
البيـــــراوي
10/07/2006, 04:01 AM
مشكور على المعلومات
بس وين محلها بالرياض
وهل هي سهله الاستعمال
وشكرا
الدبل الثقيل
11/07/2006, 01:47 AM
عشان يجي واحد من القنوص ويرميني بشوزن تمتيك .. يحسبني طير !!!
ابن المدينه
11/07/2006, 08:20 AM
الله يهديك يالدبل الثقيل

والله ضحكتني لين خفت تصحى ام العيال من نومها


أنا شفت طياره صغيره مثلها في قناة المجد الوثائقيه

والصراحه انها اسحرتنا بس ما ظنيت انها موجوده في السعوديه وانها مسموحه لين قريت موضوعك

وهذا رابط صورها في قوقل

http://images.google.com.sa/images?q=paramotors&ndsp=18&svnum=10&hl=ar&lr=&safe=active&start=0&sa=N
عمار السفينه
11/07/2006, 09:16 AM
الصراحه هي حلوه بس مشكلتها كبيره شوي ,,, وسعر المستعمله 10 الاف ريال على حسب كلام أحد المدربين ...
النداوي HZ2AF
11/07/2006, 09:16 AM
الله يجزاك خير
شبح الصحراء
11/07/2006, 09:01 PM
أشكرك على هذه المعلومات المفيدة يا الجيب المتسوبيشي .
البركة
12/07/2006, 09:19 AM
السلام عليكم ورحمة الله

مشكور أخوي جيب متشوبيشي

وعندي سؤال لو تكرمت كم أطول مسافة ممكن تقطعها بدون توقف

وهل يسمح باستخدامها داخل المدن
ابوخطر
13/07/2006, 04:47 PM
هذي والله غرض الوعول
طيرالفلاة
13/07/2006, 06:00 PM
يا خوي لين ركبت الطيارة ام اربع مراوح قامت تنافض رجلي 00وتبغنا نركب ام مروحه00!! طيب اذا تعطل المحرك وانا فوق حزم الجلاميد وبارتفاع الف متر 00وش ازين 00اصيييييييييييييييييييييييييييح لاأهل الجيوب في الأرض يفزعون :D :D

على كل يعطيك العافية 00اظن ان استخدامها فوق البحر متعة :j
aamd01
13/07/2006, 08:44 PM
جزاك الله خير على المعلومات
sameer_1798
14/07/2006, 02:37 AM
الله يجزاك خير على هل المعلومة
لكن اللي مثل السيارة على كم ؟
وهل قطع غيارها متوفره ؟
قطن
14/07/2006, 02:10 PM
السلام عليكم ورحمة الله وبركاته وبعد التحيه اماالصوره التي في الرابط هذا http://images.google.com.sa/images?q=paramotors&ndsp=18&svnum=10&hl=ar&lr=&safe=active&start=0&sa=N ارجو من المشرفين ان يدققو في الصور الموجوده لان يوجد صوره لبنت عاريه واتمنى ازالتها حفاظا على المنتى وشكرا
جيب متشوبيشي
14/07/2006, 07:38 PM
لأخواني في المنتدى معليش مارديت عليكم بسرعه لأننا كنا مشغولين ببعض المناسبات الله يعين لاكن لأخوي البركه اقصى مده تقريبا ثلاث ساعات طيران بعشره ريال بنزين مخلوط معه زيت مخصوص كل عشره لتر بنزين يخلط معه 200ملل زيت واسعار علبه الزيت تبداء من 60ريال للعلبه الى85ريال للعبه حسب جودة وسعتها لتر لاكن كلها زينه وقطع غيارها متوفره في المدرسه وفي غير المدرسه الى في الثمامه ويوجد شباب كثير يوفرون متطلباتها واسعارها معقوله جدا ولأخوي طير الفلاه انت عشان تنزل لازم تطفي المحرك يعني ماتخاف من تعطل المحرك لأن الى شايلك المظله مو المحرك يعني لو يطفى عليك المحرك وانت على ارتفاع 3 كيلو او اكثر ماعندك مشكله بل بلعكس هبوطك يكون ممتع اكثر. المحرك يساعدك على الأقلاع والأرتفاع فقط والسرعه والهبوط على المظله .
الربان
09/08/2006, 12:06 PM
بسم الله والصلاة السلام على رسول الله

اخواني مشرفي واعضاء النتدى الكرام
السلام عليكم ورحمة الله وبركاته
اولاً : اضم صوتي الى صوت اخي قطن في حذف هذه الصوره
ثانياً : ارجو من الاخوه الاعزاء تحري الدقه والتحقيق والتمحيص لتلك الروابط لعدم ظهور مثل هذه الصور المخله للاداب في منتدانا الغالي.
(إن شاء الله الاخطاء غير مقصوده).
الضاري
09/08/2006, 12:44 PM
والله ياولد فكره حلوووه

وأتمنى لو يجي يوم وأجربها