******(( القضابه موروث اومستحدث ))******

[(هزاع)]

بسم الله الرحمن الرحيم
السلام عليكم ورحمة الله وبركات
***((القضابه))***
هل هي موروث او مستحدث
وهل هي لازم مشروط اوكرم اخلاق
يعن ماأسلمك طيرك المفقود منك اللي انا ماسكه الا بمبلغ كذا
او انه كرم اخلاق راعي الطير فراحه للي مسكه:type:

[أحمد الشمري1]

هي كرم أخلاق. وتحدث ان بعض الصقارة آليا ضاع طيره يشرط علي من يقضبه له عنده هدو قضابه

[قلب ذيب]

شرط ان تدفع عن طيرك المقبوض امر مستحدث , ولايوجد عند الاولين .
الان المسترزقه واجد والاكراميه غير المشروطه اظنها جايزه , لكن بدون شرط
لكن الطير الغالي يدفعون اهله ويشترط عليه قابضه .
شكرا لك .

[ســـبــار ربــعـــه]

ارحب يا ابو مشعل.


من وجهة نظري ان القضابه هي من طيب خاطر لراعي الطير من غير مايقول الي قاضب الطير لان راعي الطير قد انقطعت كبده على ضياعه ويدفع المال وهو مغمض بس اهم شي الغالي رجع.


واذا طلبها يبشر بها ويستاهلها.
لكن العلم الغانم والجماله تسوى الدنيا ومافيها عند الأخيار شرواك ومن يقرأ.
تحياتي يا ابو مشعل.

[عاذي]

شرط القضابة امر مستحدث .. والله من طير جاء راعية وهو مدرى عنه الا يوم دخل عليه ندور العلم الغانم .. لكن ان راع الطير يكرمك في هدية او مبلغ منه بدون طلب هذا راجع للشخص نفسه .
دائم مواضيعك يابو مشعل مثيرة للانتباه .

[abo_Majed]

القضابه ماهي شرط لكنك تعطي قضابه كرم منك ومكافئه للشخص اللي لقى الطير

[هاووي الطير]

ارحب يا ابو مشعل.


من وجهة نظري ان القضابه هي من طيب خاطر لراعي الطير من غير مايقول الي قاضب الطير لان راعي الطير قد انقطعت كبده على ضياعه ويدفع المال وهو مغمض بس اهم شي الغالي رجع.


واذا طلبها يبشر بها ويستاهلها.
لكن العلم الغانم والجماله تسوى الدنيا ومافيها عند الأخيار شرواك ومن يقرأ.
تحياتي يا ابو مشعل.

:good::good::good::good::good::good::good::good::g ood:

[عامج432]

[SIZE="6"]مرحباً ابومشعل
امر القضابه مستحدث
وا زيدك من الشعر بيت
بعض الناس اذا قبضو طيرك اشرطو عليك القضابه
بملبغ وقدره تدفع نعطيك طيرك ويشهد ناس من جماعته
ان القضابه معترف بها من قديم الزمان وبعضهم كبار في السن
من وجهة نظري ان القضابه غير ملزم بها راعي الطير
امر مستحدث وجديد على اهل الصقاره [/
SIZE]

[جلاد الحباري]

حياك الله ياخوي وما تجيب الا الطيب
بالنسبة للقضابة ليست من جهتين بل من اتجاه واحد وهي من كرم الاخلاق وفرحه بعقلان الطير وانا اتكلم انها من جهه واحد واقصد راعي الطير هو من يبادر باعطاء قضابه ولا يشترط من يقضب الطير اي مبلغ مادي فان اعطاك فهو كريم وطيب وان ما اعطاك فهذا حلاله وتكفيك كلمة جزاك الله خير ويمكن راعي الطير احواله مصلحة وهالطير راس مال اقل حاجة تعزمه في محلك وتذكره بالخير قدام الناس وهذا الرجال بيض الله وجهه رد الامانه وهذي بحد ذاتها تكفي عن قضابه ان كان اللي قاضب الطير يدور الاجر ويحفظ الامانه ولا يترك من يقضب الطير اني استلم طيري منه وخلاص لازم اقل حاجه اوجه له التحية والاحترام وابين انه فعل الطيب ويمكن تكون بادرة معرفه وبداية صداقة بيني وبينه واخدمه في امور الدنيا .......... وانا بالنسبة لي شخصيا ان عينت طير ما اخذ قضابه ولا ادور عليها الا اسلم الطير لراعيه واهنيه بالعقلان وهذا فخر لي اني زرعت الابتسامه في وجهه ودعوه طيبه من راعي الطير تكفيني عن مال قارون وان حصل العكس فانا راح ابادر بالقضابه وان رفض ولزم وحلف عطيته كرامته وشريت ذبيحه وقلت له هذا واجبك يوم انك ضيف عندي
وبالنسبة لموضوع القضابه انا اشوفه مستحدث والناس من اول مايدورون غير الاجر ....... وفي الوقت الحالي صار المقناص مثل التجارة ان عينت طير غادي بتطمع بالقضابه وان عينت حبارى بعتها بالدراهم الله يرحم زمان مضى يوم الناس على الفطره وتدور الاجر ولاتفكر الا بفعل الطيب

[أبو أمين]

القضابه لا تعنيني اذا كانت موروث او مستحدث

لاني عارف ان الموروث كان مستحدث في يوم من الايام ولا اعترف بمقوله (هذا ما وجدنا عليه ابائنا)

القضابه تصرف شخصي يختلف من انسان لاخر تحث عليه الاخلاق

صارحه وجهت نظر شخصيه استحي اذا كلمني احد وبشرني بطيرن لي غادي اني اخذه منه كذا بدون شي

وكلن يروح في دربه ما استسيغها مع اني غير ملزوم بها لان الطير ملكي

والرجل ما وده احد يكون له فضل عليه لذلك ان ما اخذ قضابه على قوله الاخوان خدمته في امور دنيا

واما اذا لقيت طير غادي فالقضابه علي حرام حرم الاخت على اخوها .

تحياتي

[علم162]

القضابه تجي لاهل النخل وتقول ابقضب نخلكم مدة كذا السنه بكذا وقضايب منول مهناش بالتمر والابعد بالاحيا هذي القضابه المعروفه يمين يمين ياهزاع

[ذراع الذيب]

السلام عليكم ورحمة الله وبركاته..
مسيت بالخير يابومشعل..


هلا بالشيخ وتسلم على هالمواضيع الطيبه..
وبالنسبه على صاحب الطير الغادي ترجع القضابه لشيمته
ومن الطيب ان صاحب الطير يكرمه لو على عشا ولاهوب ملزوم وياليت يضيع لي طير ويحصله رجال ويرده علشان اشري خوته
والرياجيل في هالزمن قلت والرجال مواقف وبالنسبه اذا حصلت طير غادي يأني اتركه ولاارده لراعيه لأنها امانه واذا اخذتها كلفني ربي بها
واللي يشرط ويقول ادفع المبلغ الفلاني واستلم طيرك اقوله وآعيباه ونقدر نقول القضابه على صاحب الطير شيمه
وترجع للموروث وهذي من شييم الاولين وغيرها مستحدث
وتحياتي لك..

[(هزاع)]

الله يصبحكم ويمسيكم بالخير
الطير المقضوب المملوك للغير وعليه حجل برقم راعيه اوماريه امانه عند قاضبه
هذا امر شرعي لايختلف عليه اثنين
هل للامانه ثمن إلا الاجر ؟
اما أنه موروث أومستحدث , كل موروث كان في الاصل مستحدث ,
أما ماتجود به نفس راعي الطير على سبيل الفراحه فهذا كرم من صاحب الطير وأكثر الصقاره يفعلها لما يمتاز به الصقار من كرم أخلاق
أما اشتراطها فهي ضعف نفس
ويلجا صاحب الطير لقبول الشرط لغلاة الطير عليه
وهنا مغزى الموضوع في هذه القصه
العام إنفقد طير لاحد الاشخاص واعلن عنه وتحرى اخباره والطير غالي وبعد مرور اسبوع طلع للطير طاري بين الناس حيث كان يود قاضبه ببيعه وعليه حجل برقم صاحب الطير وحصل اتصالات بين صاحب الطير وقاضبه واشترط قاضب الطير مبلغ خمسة الالف ريال وتم التفاوض عن طريق وسيط .
وبعد مداولات مع الوسيط توصل الى مبلغ الفين وخمس مئة ريال تم دفعها للوسيط واستلام الطير
هذا ماوددت ان ابينه بالنسبه لشرط القضابه .
يااخوان عازت المسلم المفقوده امانه عند من وجدها حتى يسلمها لاخيه المسلم صاحبها
وان اعطاه صاحب السلعه شيء من الدنيا عن طيبة نفس فله ان يأخذه أو أن يقبل بالدعاء له والدنيا مداينه .
ماتفعله باخيك المسلم لابد أن يمر عليك .
أخوكم ابو مشعل...