آستفسار عن آنشز موديل 1451 كلاسيك

[سنـــــــــام]

السلام عليكم ورحمة الله وبركاتة ,, حياكم الله آعضاء مكشات الكرام

تقبل الله صيامكم وقيامكم وكل عام والجميع بخير إن شاء الله

ياجماعة لقيت خرازه آنشز موديل 1451 كلاسيك

آخت الجديدة وإن شاء الله ناوي آخذها

المشكلة أبغا تفاصيل آكثر عنها جودتها لكل شي رماية صلابه وقوة

لاتبخلو علينا والله يرزقنا وياكم من فضله اللهم آمين .

[ابو السمك]

الانشيز خرازات ممتازه دقه و جوده وصلابه مايحتاج بس موديل 1451 خاص بصغار السن والمبتدئين حسب كلام شركه انشيز

نفسها على الرابط حمل الكاتلوج تشوف فئات الانشيز هذا

http://www.google.com/url?sa=t&rct=j&q=the%20three%20anschuetz%20a.pdf&source=web&cd=3&ved=0CFIQFjAC&url=http%3A%2F%2Fjga.anschuetz-sport.com%2Fpresse%2FEnglish%2FAdvertising%2520Arc hive%2FThe%2520three%2520Anschuetz%2520A.pdf&ei=h8IWUN_LN8yHhQfytYGAAg&usg=AFQjCNHfkAnAuw6wBljISa254HKD_NTtIw&cad=rja

انصحك اخوي تجنبها اذا تقدر وخذ موديل 1416 او 1710 منتو كارلو لونها غاليه بس تستاهل
مثل هالصوره


http://t1.gstatic.com/images?q=tbn:ANd9GcRUIFuob_LUjuTRKP5HxX9ZmUrt-yFQIj3vxDyyMROh930QplalJg

[سنـــــــــام]

الله لايهينك ,, بس كلام الشركة ما قالت مايصير الرجال ترمي لأنها لصغار :)

والله مالك على يمين إني تعبت وأنا أدور يالله لقيت .

[ابو السمك]

الله لايهينك ,, بس كلام الشركة ما قالت مايصير الرجال ترمي لأنها لصغار :)

والله مالك على يمين إني تعبت وأنا أدور يالله لقيت .

لا ياخوك بس انا جربت كانت عندي برنو ٩٩ بعتها وشريت انشيز 1451 جديده نظامها قصير مدى داخل الانديه وانت بكيفك

انا شريتها جديده وقعها ماهو طيب صراحه هذا رايي واشوف البرنو الي كانت عندي

افضل منها رحت بعتها وشريت 1710 مستعمله وركبت عليها دربيل طلعت افضل من

البرنو و الانشيز 1451

انا اقول يا انشيز 1710 او برنو اي موديل نظيفه ابرك لك من واقع تجربه

[سنـــــــــام]

الله لايهينك ونصيحتك والله لأخذها بعين آعتبار,, الله يكثر من آمثالك

يعني على كلامك مدا رميها ماهو بعيد مسافة محدده !!

طيب والروسية التولا وشهي من بندق تصلح ؟.

[ابو السمك]

الله لايهينك ونصيحتك والله لأخذها بعين آعتبار,, الله يكثر من آمثالك

يعني على كلامك مدا رميها ماهو بعيد مسافة محدده !!

طيب والروسية التولا وشهي من بندق تصلح ؟.

الروسيه ما اكذب عليك ما جربتها

الانشيز 1451 ممكن تطوش بعيد بس دقه مافيه دقه الدقه لك عليها يعني

من ٣٥ الي ٤٠ متر زينه مهي ممتاز زينه البرنو افضل بالمسافات هاذي

الانشيز 1710 الي ١٥٠ متر دقيقه جدا بس بدربيل طيب مثل سايز او بوشنل ياباني

الانشيز 1710 الي عندي ركبت عليها سايز ديورليت ابو لمبه حمراء داخليه نقطه

حمراء صغيره في منتصف الاكس شريته غالي بس يستاهل

[سنـــــــــام]

الله يبارك فيك وبحلالك وعلى معلوماتك لاهنت مليووووووووووووون ياغالي

والله يكتب إلي فيه الخير .. المشكلة وشهي لقيت السعر إلي طالب فيها الرجال آغلي من موديل 1710

بكثير فوق 1400 ريال

والحمدالله ماعطيته عربون ولا صار شي وإن شاء الله خيره بما آختاره الله لي وله والمسلمين آجمعين

لاهنت بقلب صادق وآتعبتك معي .

[icom1969]

انا صراحة اتفق انها مخصصة لصعار السن ولكن اختلف اختلف معاه انها مو دقيقة وانا استعملها من مدة وكانت روعة فى الرماية وكان رميها صراحة سم وجربت عليها بعض الصيد وكانت مذهلة اما المسافة ابعد مسافة كانت 200 متر على كلاب مؤذية وكانت فتاكة بعنى الكلمة ..واما عن المنتو كارلو فيها الفخامة والاخشاب روعة الى عليها واما عن الموديل 1710 مافي فرق فى الطول الكثير ...وعلى العموم فى بنادق من عيارت اكبر هم يخصصون فى اوربا لصغار السن وهم النساء بل جعلو بعض البنادق الوان نسائية . وسلامتكم

[لعبتي الطيار]

جربت الانشز م1451 بندق تستحق الاقتناء دقة وصغر حجم وجمال منظر

[ابو السمك]

الاختلاف في الرأي لا يفسد للود قضية

[سنـــــــــام]

لاهنتم جميعا" ومنكم نستفيد البيع لازال قائم والله يكتب إلي فيه الخير

وإلي عنده ملاحظات لايبخ علينا ننتظر مشاركاتكم .

[altoop]

انا استغرب من الي يقول الانشيز ١٤٥١ غير دقيقة
انا عندي وحدة دقيقة في الا صابة وبعيدة المدى وتسوق اكثر من البرنو سبطانتها فيها ثمانية حلزون مما يعطي دقة اكثر ومدى اطول .
الخرازة الروسية سبطانتها قصيرة و٦حلزون واسوق من البرنو على تجربة احد الاخوان في احد المنتديات .

[سنـــــــــام]

انا استغرب من الي يقول الانشيز ١٤٥١ غير دقيقة
انا عندي وحدة دقيقة في الا صابة وبعيدة المدى وتسوق اكثر من البرنو سبطانتها فيها ثمانية حلزون مما يعطي دقة اكثر ومدى اطول .
الخرازة الروسية سبطانتها قصيرة و٦حلزون واسوق من البرنو على تجربة احد الاخوان في احد المنتديات .


في نظري إلي يقول الأنشز ماتسوق وحسب خبرة بسيطه أنه يرمي برصاص ردي

ولحد يزعل من كلامي ,, فيه رجال شرواكم آهل البرنو والألمانية والروسية

يعرفون الرصاص الزين من الرصاص الردي ويقولك هو يسوق ولا يطيح عندك قريب

الآنشز مافيها عيوب العيب بالرصاص :) .

[icom1969]

انا ديما استفيد من معلومات أخوى ابو السمك وكما قال الاختلاف في الرأي لا يفسد للود قضية

[سنـــــــــام]

انا ديما استفيد من معلومات أخوى ابو السمك وكما قال الاختلاف في الرأي لا يفسد للود قضية




ماقصر آبوالسمك ومن كلامة آستخرت من البندق لسعرها الخيالي .