وش رايكم بالفحل هذا !!!!!؟؟

[منصور555]

السلام عليكم
لاهنتم ابي رايكم بالفحل هذا وسعر تقريبي له
ننتظر ردودكم ياهل الخبره

http://im30.gulfup.com/2012-08-11/1344648309392.jpg

[منصور555]

مرور 75 بدون اي تعليق :confused:

[مريقب العيفار]

الفحل سعره يحدده شيئين

اصله وانتاجه

عطنا اصله واعرض صور انتاجه

واذا ان البكرة اللي انت طالب الرأي فيها بنته عز الله انه منتج

شف ام البكرة اذا البنت ازين من الام فترى الفحل منتج

بالنسبة للفحل عرنينه طيب

رقبته طيبة

وكاني اتقاصر الحى شوي

اما الاذن فهي زينة

ويا ليت تعطينا علمه

[قلب ذيب]

الفحل طيب
لكن الانتاج مهم

واعتقد بعد كم سنه بيكون احسن عندما تكتمل بنية جسمه .
الله يبارك لك .

[ابومحمد88]

ما اظن الفحل انه كبير

مواريه مواري

توه داخل جذع

الفحل لا يعلى عليه

بس فيه عيبن واحد

الفحل وجهه بارد

وسنامه متقدم

ومواريه

فحل كناني

يصلح للمجاهيم

ولا يصلح ابدا للمغاتير

حتى الشعل ما يصلح لها

لانه اصفر دباسي

مع ذلك يشمي مع المجاهيم

وسعره لو انه قعود ما انتج

والقعود مأصل اصل

مايتعدى 70 الف

[منصور555]

البعير عكس الصوره تماما يابعدي والبعير انتج انتاج بوريكم اياه بعد العيد ان شالله والبعير ينتج صفر والبعير عمره العام جذع وكان اول ضرابه والبعير كل يوم يزين اكثر من اول بكثير والبعير مشتراه للامانه والرزق على الله 120 الف وعليه سوم بعد الانتاج طبعا 600 الف طبعا للي راح يسالني ضربت ناقه طيبه او غيره البعير ضربت نياق 25 بعضهن وسط وبعضهن عاديات فوتن 3 او 4 وولد منهن 8 وكل انتاجهن ماشالله تبارك الله وبنت البكره اللي شفتوها سيمت سووم طيب ولا بعت وتحياتي لكم وشاكر مروركم

[ابو الشبرميات]

ما شاء الله تبارك الله
البعير راسه طيب بالحيل
واذا انتاجه طيب مثل ما تقول
قيمته مفتوحة
جعله يتبارك لك
...

[قزيزالنعام]

خوي القعود مافيه حكي سوال هل القعود يسر فيه بعير الامير فيصل بن سعود الي اسمه الجرب يذ عندي عرف يمكن اخطي او صيب تحياتي لك

[منصور555]

مالك لواء ياذيب

[السلمي515]

اخوووي حااول تشوف الانتاج

[منصور555]

اشوف الانتاج ؟؟؟؟
البعير انتج وشفت انتاجه وعليه سووم طيب انتاجه .
تحياتي لك

[راعي بشير]

الله يبارك فيييييييه

[ا لجوا ل]

البعير عكس الصوره تماما يابعدي والبعير انتج انتاج بوريكم اياه بعد العيد ان شالله والبعير ينتج صفر والبعير عمره العام جذع وكان اول ضرابه والبعير كل يوم يزين اكثر من اول بكثير والبعير مشتراه للامانه والرزق على الله 120 الف وعليه سوم بعد الانتاج طبعا 600 الف طبعا للي راح يسالني ضربت ناقه طيبه او غيره البعير ضربت نياق 25 بعضهن وسط وبعضهن عاديات فوتن 3 او 4 وولد منهن 8 وكل انتاجهن ماشالله تبارك الله وبنت البكره اللي شفتوها سيمت سووم طيب ولا بعت وتحياتي لكم وشاكر مروركم

ياخوي اذا هو جذع العام متى انتج اجل ومتى جاء انتاجه صفر

[نادر القلادي]

40 الف ماوتحت

[ابو عكلي]

البعير طيب وماعليه كلام
لكن اهم شي انتاجه
ماشاء الله تبارك الرحمن

[محسن العجمي]

ماشاء الله

[كليب1]

اشهد بالله انه كفوووووووو

وعسى الله يبارك لراعيه

[الجره جديده]

راسه ورقبته وعرقوبه واذنه
تمام
بس لحيه قصير وغاربه قصير شوي
لكن الدعوا ترجع لطرحه كان انتاجه زين ماعليك لو انه شكله غلط اهم شي الانتاج