ابغى مشورتكم - انزل الطراد من الدمام ولا الخبر ؟؟

[dossary001]

السلام عليكم يا اخوان

اشتريت طراد ومحتار انزل من الدمام ولا الخبر؟
والشي اللي ابغى مشورتكم فيه وين اقدر اوقف الطراد بأمان سواء موقف خاص او جمب فرضه ؟

فيه ناس مانصحوني اوقف الطراد على البحر لأن فيه سرقات كثير!

ارجو المساعدة الله يجزيكم الخير

[accentkool]

اي اسلم على بوتك اول ماتخلص الرحلة طلع البوت ودة عند البيت افضل لك

[كنعد]

ما انصحك بالخبر , كان عندي طراد كنت انزل بالخبر يمكن نزلت 9 مرات مرة وحدة فقط طلعنا 3 شعريات والنزلات الباقية نطلع والنفسية خايسة اعذرني على هل كلمة ,, لاكن لما تاخذ ثلج + وطعم+ وفطاير + عصيرات + ماء شرب = بلاخير ماتصيد شي , مع العلم اني كنت اقعد داخل البحر اقل شي 7 ساعات , بس بحر الدمام والجبيل حدث ولاحرج اذا مافي صيد الشعري موجود واذا في صيد مرة تسحب سبيطي معدي بلغلط مرة هامور مرة فسكر ,, الدمام افضل.

[كنعد]

بالنسبة لطراد لا تخلية في البحر اسحبة معاك الى البيت

[kharshoum]

أخوي الدوسري انا بعد تو ماخذ طراد ونزلته في الدمام بالمزروعيه توكل على الله واستودعه الله وإن شاء الله ربك بيحفظه ومايجيه شي ترا الدنيا أمان بس أهم شي تصبغه ضد النو وتربطه عدل وفرضه المزروعيه نظيفه وأمان بس اختارلك مكان مايكون فيه حصى وتوكل على الله

[كنعد]

أخوي الدوسري انا بعد تو ماخذ طراد ونزلته في الدمام بالمزروعيه توكل على الله واستودعه الله وإن شاء الله ربك بيحفظه ومايجيه شي ترا الدنيا أمان بس أهم شي تصبغه ضد النو وتربطه عدل وفرضه المزروعيه نظيفه وأمان بس اختارلك مكان مايكون فيه حصى وتوكل على الله


كلامك سليم بنسة لواحد يطلع شبة يومي , اذا بتوقفة في البحر تحتاج بعض اجراءات السلامة يعني 1- تربطة زين 2- ماتخلي اي شي مهم في الطراد حتى خيوط الصيد تاخذها 3- حاول تفصل لك قفل حديد عند الحام لتامين القير , طريقة قفل القير مثل الحظانة يحظن قير المكينة وبعدين تحط لة قفل من ورا وتنزل المكينة بالهدروليك , بهذي الطريقة مايقدر يوصل للقفل لان المكينة مسكرة عليه طريقة احترافية تخلي الحرامي يعجز عن سرقة القير مهما كان ذكي .

[accentkool]

الدمام ياغالي لاتحووووووشك الخبر كنك ترمي في مسبح

[kharshoum]

كلام أخوي كنعد صحيح 100% وبعد كل الشباب الله يعطيهم العافيه انا جبت واحد سوالي الخيه حق الرباط اسحبه يدخل بحر واربطه ووقت بغيت اطلع اسحبه واطلع بس ماربطت الجير وللأمانه كل الأغراض عليه في الخزاين وعليها اقفال ماغير جهاز الاعماق والgbs اشيلهم مع الثلاجه طبعا في الروحه والرجعه وربك يحفظه ويحفظ جميع طرادات الشباب وحرس الحدود يدورون كل ساعه او ساعتين الله يعطيهم العافيه ومثل ماقالو الشباب إن بغيت صيد خلك في الدمام والله يوفق الجميع

[صياد الخبر]

السلام عليكم

الله يبارك لك ان شاء الله

اثني على كلام الاخوان

وأزين الشين

الدمام

حالك حال الباقين صج متأذين لكن عمك اصمخ

واثني على من نصحك بالخية السنعة

والله يحفظ لنا ولكم

وانت رايح للبيت ناضر الطراد وقل

استودعتك الله الذي لا تضيع ودائعة

واعقلها وتوكل

ودمتم

[Multi صياد]

انزل من الدمام احسن للاسباب التالية:


الخبر الصيد فيها يعتمد على محادق معيينة اذا ما تطب على المحدق صح ما راح تصيد شي.

المنزل زي الزفت يعني عشان تطلع الطراد بسهولة يبي لك دبابة.

العسكر مزاجيين و ما لهم صاحب و اصحاب اختراعات ما احد سبقهم لها.

اقل هبة هوا قالوا من راسهم ما في تصريح دخول (علما اننا نتصل على القيادة و يقولون الدخول مسموح)

[شنوان]

خله عند البيت ياخوي ابرك لك ترتاح نفسيا وهو واقف عند بابك ونا خووووك
على شان ما تحاتي الا ةنسرق الا هوا عليه يقص خرابه ولا شي
احسن لك زي ماقالوا لك اخواني وربي يستر عليك وعلى حليلك

[عاشق البحرE]

كل عام و الجميع بألف خير ..

اخوي الله يبارك لك في طرادك .. بالنسبه للخبر الكل يقول ما في صيد يعني الدمام افضل ..

انا انصحك نصيحه .. انا من أهل الدمام و طرادي في الجبيل فرضه الدفي القريبه من رأس ابو علي .. حمد الله اترك طرادي باللي فيه من أجهزه و عده .. اهل الجبيل و النواخذه ما يقصرون هناك و السرقات ناده في ذيك الفرضه و بالنسبه للصيد تنزل و تطلع و انتي مستانس بصيد وفير غير أن الجزر جنا و جريد و كران قريبه منك و صيدها اجمل و أجمل .. و ازيدك من الشعر بيت العساكر عندنا عسل و ما فيه تدقيق مثل الدمام ..

انا عندي اضرب مشوار على موتري الى الجبيل 90 كم و انزول و انا مستانس و لا اروح الدمام و انغث من قلقله العساكر و بحر ما فيه صيد حلو ...

طبعا هذي رائي و كلا له رايه ..