اهل الجيرات ممكن خدمة ؟. Gulfstearm Falcon

[qtr-999]

بسم الله الرحمن الرحيم

السلام عليكم ،،

كيف الحال يالربع ،، تقبل الله صيامكم وطاعاتكم في هذا الشهر الفضيل ،.

بغيت استفسر عن مزرعة Gulfstearm Falcon ?
من الي يجيب طيورها للامارات ؟ ولا كيف اوصل للطيور دخلت موقع المزرعه ولقيت رقم اتصل به ومب شغال ،،

للي بعرف من يجيب طيورها ولا وين ممكن القاها يفيدني وجزاه الله الف خير ،،

[ziyad222]

السلام عليكم صباح الخير ليه المزرعه هذي بالذات وش تفرق هذي المزرعه عن غيرها
المزارع كثير اذا تبي رقم مزرعه ثانيه في النمسا اعطيك
علي فكره هذي المزرعه وين في اي دوله مقرها
وشكراً

[قلب ذيب]

انت ماقلت لنا وين المزرعه في اي دوله ؟
ونقولك اذا تجي الامارات والا لا .
... بعدين في الوقت الحالي انتهت تقريبا الحجوزات ,فاسعار الطيور في الخارج نفس اسعار الطيور في الامارات بعد كم اسبوع او من خلال معرض الطيور , واضمن ايضا تشوف الطير وتقلبه وتفحصه قبل تشتريه .
الله يحييك .

[أبو أمين]

مزرعه قويه جدا جدا جدا من اطيب المزارع والظاهر بتحتل المركز الاول مثل مزرعه dk الدنيماركيه

لا يوجد من طيورها لعامه الشعب المزرعه محجوزه بالكامل او مشتراه لاحد شيوخ الامارات

الا ان كان الشيوخ خرجوا بيتي منها هذا شي ثاني

اما فرخ ما صقر لا يمكن لانهم يعنون بالكيف والجوده وليس بالكم يعني مثلا يتنجون ٣٠ طير سنويا

بس كل واحد فيها يقول انا اطيب من اخوي ، الوان ، اوزان ، قطوع ، وسره ، يا رجل عندهم بيورات

تهول العقل الله يبارك للشيوخ فيها وهم يستاهلون

تحياتي

[qtr-999]

المزرعه بيريطانية .. وهي ملك للشيخ احمد بن راشد المكتوم.

وعلى حد علمي ان القراميش والتبوع تطلع منها ولاكن من مسوقها الله اعلم ؟