الجبليات ليه ما يقنص فيها الحباري [الأرشيف]

الصارم1

11/08/2012, 02:50 PM

السلام عليكم رحمة الله وبركاته

اخواني الصقاقير عندي ملا حظه على الصقارين اغلبهم يميلون للشاهين البحري في مقناص الحباري والجبليات لاتذكر في الحباري ابد تقريبا .ابي اعرف ليه هل انها ماتصيد مثلا او انها رغبات عند الصقارين وش الاسباب الي ما تخلي الصقاقير يقنصون بالجبليات. والي عنده معلومات والا قصص للجبليات في فعولها يذكرها الله لايهينه.

ســـبــار ربــعـــه

11/08/2012, 03:49 PM

مرحبا بك اخي العزيز.

من وجهة نظري ان الحباري قليله وقد يمر عليك موسم كامل ماتحصل شي.
فهل تريد ان تجازف بشيهانه جبليه مقاسه 13 في 13 حتى مداوس في الروض ما راح تداوس ولو علقتها طيار ما يمديك تجي الا الحبارى مفتكه منها.
بعض الطيور يجيك مدبغ ياصل ال19 طول وعرض ولا يقدر يداوس الحبارى في القاع. وقليل منهن ذبحن الحباري وقد تذبحها ولكن وش قيمة الحر والجير الي ادفع فيه اموال طائله واخرتها اهد جبليه بالفين وخمس. واخلي الطير الي انا شاريه بمبلغ غالي على الشبه.
اذا لقيت لك جول حباري هد كل طيورك وخل معك جبليه وهاك الساعه كلنا راح نجربها.
وجهة نظري.

عاذي

11/08/2012, 05:24 PM

الشيهانه يقنص فيها الحباري وتهد وتصيد .. ولكن الطيب منهن قليل .

كلي فخامه

11/08/2012, 05:32 PM

والله وانا اخوك كانت معنا جبليه 13ونص عرض 13 طول تسوى الحرار بفعلها رصيدها بالحباري فوق العشرين

تفعل فعل مايفعله بعض الحرار اما بالمداوس بالقاع والله تداوس الحبارى لين تذبحها المداوس ماهي عن طول والا عرض المداوس شجاعه بالطير ويعرف الطير وين يمسك فريسته ... بعض الحرار 17ونص في 17 يداوس الحبارى بالقاع وتنطلق منه وتخليه وتروح هذا مايعرف من وين يقضب ... الطير الذكي يعرف من وين يمسك فريسته
مع تحياتي لك .....

معآند البحر

11/08/2012, 07:01 PM

ومنكم نستفيييييد ^__^

خالد العطااوي

11/08/2012, 07:29 PM

خالد العطااوي

11/08/2012, 09:00 PM

................

ابوعزيز2007

11/08/2012, 09:39 PM

انا مع كلام اخوي كلي فخامه وازيدك من الشعربيت اذكر في احد مقانيص احد الاعضاﺀ بالمنتدى صادة معهم الحبرو وهو اكبر من الحبارى مرتين الظاهر انه ابوصالح الفيتو

خالد العطااوي

11/08/2012, 10:21 PM

مشاءلله تبارك الرحمن ..

الغرشوب

11/08/2012, 10:29 PM

والله يابعض الجبليات فيها شجاعه ماهي بطير لا يغرك العرض بالطول كان عندي جبلية صلاتي على النبي فيها من الشاجعه ما شفته بطير .. تحيــــــإتي .. ومنكم نستفيد مثل ماقلو الربع :)

ســـبــار ربــعـــه

11/08/2012, 10:34 PM

كلامكم جميعا على العين والراس.
لكن الجبليه طيرة كروااان والوكري طير ارنب.
ولكل قاعدة شواذ.
كلنا خابرين جبليات ذبحت الحباري. الي ذبحت الحبرو من شياهين البحر المتوسط. وطيره راهيه. ولكن تعتبر حاله نادره.
لكن الحبارى طيرهااااا معرووووووف.
حر او جير بغض النظر عن خلطاتهن.
وكل الطيور تفعل.
اذا توفرت الحبارى حتى انا اوعدكم اني ادبسها بنفسي في الروض وفصيل بعد.
ماهو بس الطيور.:D

قرناس الوحش2011

11/08/2012, 11:53 PM

مساكم الله بالخير جميعاً
الشيهانه الجبليه يقنص به الحبارى ومن اول شيبان اغلب ماعندهم شياهين الجبل والوكارى لأنه هي المواكر الي عندنا ويقنصون به وتفعل معهم
ماهي على كبر الطير وحجمه هي على البتاعه والشجاعه بالطير
وياكم من حراً مايصيد الحبارى ولا لامنه تداوس معه انفلتت وراحت عليه
وكلنا خابرين فعلهن مع شيبانا
ولاكن ارجع واقول كلام اخوي سبار ربعه صحيح من قل الحبارى عندنا ما احد يغامر بالجبليه
ومنكم نستفيد مثل ماقالو الأخوان

(هزاع)

12/08/2012, 12:20 AM

[QUOTE=ســـبــار ربــعـــه;8619449]
كلامكم جميعا على العين والراس.

لكن الجبليه طيرة كروااان والوكري طير ارنب.
ولكل قاعدة شواذ.:good2::good2:
كلنا خابرين جبليات ذبحت الحباري. الي ذبحت الحبرو من شياهين البحر المتوسط. وطيره راهيه. ولكن تعتبر حاله نادره.:good2::good2::good2:
لكن الحبارى طيرهااااا معرووووووف.:good2:
حر او جير بغض النظر عن خلطاتهن.
:good2::good2::good2:
لاعينت الحباره ابهد عليها افخر اللي معي من الطيور
ولاصار مامعي الا الجبليه ابهده ومقسم الارزاق الله
الا البندق ماوالله تثور عليها

خالدالشمال

12/08/2012, 12:30 AM

الشيهانه الجبليه يقنص فيها وتصيد الحبارى على حسب

راعي الونه

12/08/2012, 12:51 AM

كل طير وله فعله ونادر الجبليه تطرح الحبارى لأن حجمها صغير لكن يا اخوي
حتى الوكري يصيد الحبارى ويطرحها وهي على حسب صقارة الصقار انا مستعد
ادفع عشرين الف بجبليه تصيد الحباري وتنومس ومو مستعد ادفع الف بطيرحر
ماينومس.....الطيرو افاعل يالغالي وتحياتي لك ........................
( الله يرحم زمان الوكارى )
.................................................. ................

خالد العطااوي

12/08/2012, 03:59 AM

كلامكم سلييم ...الله يوفقكم ..

الصارم1

12/08/2012, 11:56 AM

الله يعطيكم العافيه

كلن له وجهة نظر

ابو محمد1111

12/08/2012, 02:12 PM

http://www.youtube.com/watch?v=5ATAYkBKyPc

الطيور يبيلها شجاعه و السبق مطلوب شف المقطع مع انه قديم

ابو شهاب 11

12/08/2012, 02:44 PM

والله يالغالي اشوف انا ع قوة قلب الطير فيً طيور تسوى 60000 الف ريال ماتهد ع حباري وابو 8 الف يهد ع الحباري اشوف ع التدريب وقوة قلب الطير .
تقبل مروري×

قناص2000

12/08/2012, 02:50 PM

الطير قلب
اذا قلب الطير شجاع لا طول ولا عرض راح يهد على الحبارى وغيرها ياخوي

خالد العطااوي

12/08/2012, 04:19 PM

ابو محمد هذا حميميق مو طير
والقناص 2000كلامك صحيح يالغالي ..

ابو محمد1111

12/08/2012, 04:31 PM

ابو محمد هذا حميميق مو طير
والقناص 2000كلامك صحيح يالغالي ..

خابر انه شبوط
انا خليته مثال ان فيه قوت قلب

محتار والله

12/08/2012, 05:14 PM

تم التعديل في الاسفل

محتار والله

12/08/2012, 05:15 PM

والله يالربع كانت عند جدي شيهانه جبليه قسم بالله العلي العظيم انها تهد حتى على الوراعين
تصيد كل شي الكلام هذا قبل تقريبا 40 سنه
وشراها الشيخ ابن زيبان بناقةوثلاثين الف والسالفه معروفه عند اغلب الناس

صقرالحروب

12/08/2012, 05:32 PM

السنه اللي فاتت عندنا وكري رصيده حبارتين
ومافي شي اسمه هذا للكروان وهذا للارنب
ألطيور على حسب صقارتها
وكلن بصقارته راضي

خالد العطااوي

12/08/2012, 05:44 PM

ألوكارى بعضإن فاعل
كان عند جدي وكري 15 ونص
رصيده في الحباري حول 5 او اكثر
وكل طير قلب ع مقال اخونا قناص 2000

النـادر

12/08/2012, 07:48 PM

كان عند الهداهده فالنعيريه جبليه فارسيه شعلا 13,5 طول وعرض من يومها فرخ الين باعوها قرناس رابع قبل 9سنين تقريبا بمبلغ ماحد صدقه 15 الف تطلع وتلحق حبارى وكروان وحمام حتى القطا لها عليه هدد خبال لحقتها وحولت بها
باعوها من غير قصد حدوها حدت الطرده وبلشوا فالزبون المتهور اللي دراهمه في جيبه مرسول من معازيبه اللي ذكرت عندهم وجا عليها كلام ومعايا وارسلوه يشريها والله ياراعيها انه شهرين وهو حالته حاله الين خرجت وبيعت وارجع اشريها من اللي شراها واحلف بها عليه وبقت عنده الين ماتت

جلاد الحباري

12/08/2012, 08:08 PM

والله الجبليات الفارسيات فيهن اللي وصل طولها مع عرضها 15 وصارت من النوادر وبيعت ب 15000 الف وكان فعلها طيب واغلب اللي نشوفه من 14 وحول واكثرهن مايهد على الحبارى الا عقب ماتنزله وهذا شي نادر اما البحرية فياكثرها اللي تهد على الحباري وتنافس الحر وخصوصا فرخ طرح سنتها

فرخ الشمال

13/08/2012, 02:46 AM

حيآك الله ..
انآ من وجهة نظري ان الصقآر اذآ كآنت عنده حبآرى يبي يضمن انها بتنصآد لأن اكيد انه شقى وهو في بحث عنها , والجبليه حجمها صغير ع الحبآري ( ولكن كل طير وشجآعته ) ولكن الصقآر يبي يلعب ع المضمون , ليش يجآزف بالطير الي عنده والحبآرى ااذا كآن عنده حر او جير ؟ , اذا هدها ع الحبآرى بيروح الطير والحبآرى كلهم , فآلصقآر يهد الحر او الجير اضمن .

الصارم1

14/08/2012, 11:28 AM

حياكم الله جميع ومشكورين على المشاركه

ابوفوز

14/08/2012, 11:42 AM

الشياهين الجبلية كانت لا تسوى شيء كانت تخسر القنوص علف بس وسبحان الله صار لها قيمه
تبي تقنص حبارى بطير ناقص شبوط

عبدالرحمن 0

15/08/2012, 06:39 AM

عند عمي جبليه صاده العام 12 حبارى وتقولون ههه غير صحيح وانا اقول لو تعطيه 10 الاف ماباعها وما تذبحهن بسرعه يلحق ويعزل واكثر من عشرين حر تعلم على يدها

محمد الفهيد

15/08/2012, 07:22 AM

ماسمعت بــ ( شلفا ذياب )

موضوعها مميز وطرحوها بالمنتدى قبل كم سنه
فعلها يهول وصادت الحبرو
وتعلمت منها طيور

الله يبارك
الجبليه معروفه بالشجاعه لأكن مثل ماقالوا ماتنقلها شكل مجلس ومخاطرت هدد
تحياتي لك

خيرها بغيرها

15/08/2012, 04:22 PM

ارحبو تراحيب المطر

يقول المثل يخوي

لاتحقرن صغيرة في مخاصمتن
فان البعوضة تدمي مقلة الأسدي

يما ويما تذكرت الأطلال الي فيها فعول للجبليات وش عندة الزير سالم ههههههههه
للجبليات عشق ميتصورة احد من محبة لها لا في قرنستها ولافي صيدها جربنا بحري وحرار ما جازتلي الجبلي ok

راعي انذار

16/08/2012, 04:54 AM

الجبيله ماهوب طير مقناص حتى اذا صادت الحبارى ماهوب يازين شوفها طير حمام ولعبة بزران اما الحباري والصيد يغيلها حر وشاهين حتى الوكري اخير منها في الحبارى ولو تلاحظ ماحد يمدح ويوصف من الشعار جبليه ياشينها قانص ومتعني للحباري بجبليه لهذا السبب هي من الطيور المحقوره اما انا شخصيا ماحبها احب الطير الوافي ولو تروح السوق وتشوف صقار يسوم جبيله يقول ابغيها حق لعيال