مشكلة حرارة غريبة بالباترول ، من قد مرت عليه؟؟

[sgl2002]

السلام عليكم ورحمة الله وبركاته

عندي الباترول ياشباب مشكلة الحرارة فيه غريبة

وهي اذا دقيت بوري ترتفع شرطة

واذا شغلت المكيف ترتفع

اروح وافصل سلك الحساس حق الحرارة وارجعه وترجع الحرارة طبيعية

مع العلم ان سلك البدي مشدود تمام وعجزت اعرف المشكلة

[يزيد 999]

شف البطارية قبل تسوي هالحركات دور أقرب بطارية وركبه

[صدى الاطلال]

ممكن من التماس اسلاك
او البطارية كما ذكر الاخ في رده الاول
وشيك على اسلاك السالب اللي بالمكينة

[sgl2002]

البطارية غيرتها ٨٠ امبير

سلك السالب عرضته على اكثر من كهربائي ابي اغيره ويرفضون يقولون جديد

ومشدود صح

الله يستر لايكون بالظفيره شي

[هبوب الحجاز0]

السلام وعليكم ورحمة الله وبركاته
وصباح الخير للجميع
والله يتقبل منا ومنكم صالح الأعمال
أخوي هالمشكلة مرت علي بفورد ترتفع الحراره وتنزل وتوصل H والموية ماتنقص والمرواح شغاله والبلف كويس والحساس وتماتيك المروحه كويس وخسرتني حول 500ريال وبالنهاية طلعت المشكلة من أصبع السالب يهرب كهرباء وهو الي حايس الدنيا وكان الاصبع الاولي الي هوالاصبع الفضي الضعيف وغيرته اصبع نحاس قيمتة 10 ريال وانتهت المشكلة شيكا عليه وفيه جهاز يقيس البطارية قيس به البطارية وأيضا" شيك علي سلك السالب كما تفضل الأخوان وترا تهريب الكهرباء له دور برفع الحراره لأن الحساس مسمار ويأثر عليه التهريب وأتمنا اكون أفدتك .

[hail_ksa]

احتمال ضعف بالكهرب والله اعلم



أنا عندي مشكله حول مشكلتك
عندي مروحة الوكالة الميكانيكية ومراوح كهرباء اللي خلف الشبك
إذا شغلت المراوح الكهربائية ترتفع حراره الموتر
وإذا طفيتها وخليت المروحه الميكانيكية شغاله ترجع الحراره طبيعي
(باترول95)

أعتقد الكهرب ضعيف ولا أدري وين الخلل

[المستزيل]

فيه ورشه ابو فراس بصناعيه الميه بالنسيم ممتاز جدااا

[sgl2002]

الله لايهينك عطني وصفها؟؟