اخواني الاعزاء/// ارجوا النصيحه عن ثلاجة الرمايه

[النداوي712]

الاخوه الاعزاء في مكشات الحبيب السلام عليكم ورحمة الله وبركاته
اخواني انا اود شراء ثلاجة الرماية 60 لتر ولا اعرف اي شي عنها من ناحية الجوده والصناعه واستهلاك البطاريه والمتانه في الصناعه
وهل هي ما تأثر عليها حرارة الشمس
وقطع الغيار والصيانه متوفره
ارجوا من اخواني النصح
وجزاكم الله كل خير

[أبورزان100]

انصحك اخوي ب ويكو من السنيدي

[الوووحيد99]

السلام عليكم ورحمة الله وبركاته

الاخ العزيز النداوي 712 وجميع الاخوة الاعزاء في هذا المنتدى الغالي
انشالله عندي لك معلومات مجمعها عن الثلاجة وتبي تفيد الجميع :

نوع الثلاجة : تجي نوعين القديمه حديد والجديدة الستيل والاكيد الستيل افضل .

نوعية التشغيل :تجي تشغيل الكتروني ومقياس لدرجة الحرارة وتجي فرار بدون مقياس وانصحك بالالكتروني مع انه معرض للخراب اكثر من الفرار لاكنه يوضح لك اذا ضعفت البطاريه ترتفع درجة الحراره قدام عينك اما الفرارا اذا ضعفت البطاريه ماتدري عنها .

نوع الكمبرسر وصناعته :دانفوس الماني .

من واقع التجربة ( مميزات ):
1- تحفظ البرودة اكثر من اي ثلاجة اخرى تم تشغيلها من القصيم الى تبوك ومثبت الحراره على -4 وتم فصل الكهرب عنها الساعه 9 مساءا وتم تشغيلها في اليوم التالي الساعه 4 عصرا وعند التشغيل كانت درجة الحرارة 2 .
2- وسيعه جدا تاخذ ذبيحه كامله مع كرتون ببسي وكرتون ماء وتبقى مساحه لبعض الاغراض .
من واقع التجربة ( العيوب ):
1- سحب للكهرب غير طبيعي تسحب من 7 الى 10 فولت بالمقياس.
2- تبطي ماتاصل لدرجة الحرارة المطلوبة والسياره شغاله فمابالك والسياره طافيه .
3- كبيره جدا بالسيارة تاخذ عليك ثلاثة ارباع المساحه الخلفية المخصصه للعزبه .
4- تحتاج بطاريه ثانيه للسيارة ضروري جدا .

الخرابات : بعد كد الثلاجة لمدة سنتين طاحة الثلاجة من الحوض وخرب الكمبرسر ورحت للرماية قال الكمبرسور الالماني سعره 1300 ريال واخره 1230 ريال والكمبرسر الصيني 700 ريال

ملاحظة : انا قناص جبل يعني اجي اوقف السياره عند الجبل وانام فوق يوم او يومين والثلاجة الشغالة وحكمت على الثلاجة بالشي الي احتاجه انا .
البدائل الجيدة من ناحية الجودةفي الصناعة وقل الخرابات :
1- ثلاجة الرميح 40 لتر نفس مواصفات الرماية من ناحية المميزات لاكنه ماتسحب كهرب واجد واجود في الصناعة لاكن يلزمه بطاريه ثانيه.
2- ثلاجة ويكو فرار40 لتر الغنية عن التعريف سرعة في التبريد صغيره من الخارج وسيعه من الداخل لاكن ماتحفظ البرودة يبيلك الثلاجة على طول بالكهرب لا كن هالشي مايعيبه لانه ماتسحب كهرب واجد تسحب 2الى3 فولت بالكثير بالمقياس .

وانشالله اني افدتك وافدت اي واحد ناوي يشتري هالثلاجة
وان اصبت فمن الله وان اخطئت فمن نفسي

[الوووحيد99]

اخي العزيز النداوي
تصحيح لبعض المعلومات

اتصلت على الرماية وقالي فيه نوع فرار بمقياس لدرجة الحرارة

ارجو اني افدتك وافدت الجميع

[النداوي712]

انصحك اخوي ب ويكو من السنيدي
شكراً اخوي جربتها وللاسف ما نجحة معي

[النداوي712]

الوووحيد ٩٩ والله انك ما قصرة وشرحك وافي جداً وبارك الله فيك

[النداوي712]

اتمني من الاخوان المشاركة والنصح كذلك

وارجو ان يفيدوني عن الطمره الالكترونيه

[محلات الكشاتة]

ياهلابك
شف هالرابط يمكن يفيدك ياعم
http://www.mekshat.com/vb/showthread.php?p=8045764

[عز الرفيق]

ياشباب مساكم الله الله باالخير ثلاجة البيت الفليزر اصغر حجم لو احط لها محول كهرب ماتشتغل في السياره الفكره تراودني من زمان تكفون ردو علي

[هولوكس2005]

السلام عليكم ورحمته وبركاته

من واقع التجربه عندب ثلاجه الرمايه 45 لتر لها تقريبا 2 ونص ممتازه تشيل اغراض واجد تبريدها جيد جدا العازل الحراري ممتاز صرفيتها للكهربا ممتازه جدا موتري بطارية وحده ولا اطفيها ابد

[النداوي712]

الله يجزاكم كل خير وياليت البقيه لا يحرمونا من المشوره

[hamido]

ويكو ( فرار ) ونم زينتها ماتسحب كهرب وعلى طول تثلج والمانيه المانيه

[سيف الظفير]

ال ٤٥ لتر كمبروسر صيني يتاخر في التثليج على كهرب السيارة واسرع بشوي اذا كان على خط ٢٢٠

[عبيدان]

ال ٤٥ لتر كمبروسر صيني يتاخر في التثليج على كهرب السيارة واسرع بشوي اذا كان على خط ٢٢٠


السلام عليكم

هل انت متاكد ان الرمايه 45 لتر كمبريسر صيني لان سئلتهم قالوا دانفوس الماني ؟؟؟

ارجوا التوضيح

[السمنمن]

السلام عليكم

هل انت متاكد ان الرمايه 45 لتر كمبريسر صيني لان سئلتهم قالوا دانفوس الماني ؟؟؟

ارجوا التوضيح


وعليكم السلام


على كلام اللي يشتغل بالرماية يقول الـ 45 لتر كومبرسور صيني
والـ 60 لتر كومبرسور ألماني فرار ودرجة حرارة وغطاء داخلي اضافي لعزل البرودة


انا جربت الـ 45 كومبرسور صيني تجي بدون غطاء العزل يقول لازم تشتريه من عندهم حلوه وجيده وبالنسبه للي يقولون انها تسحب
كهرباء هو عاد تسحب بس بشكل عادي يعني انا جربتها 9 ساعات والسيارة طاافية ولا تأثرت البطارية ولا شئ واشتغلت السيارة ولا كأني مشغل شئ علماً بأن البطارية 50 امبير..
هي مشكلتها انها تتأخر بالتبريد يعني شئ طبيعي مو تتأخر مره بس اذا كنت مستعجل شغلها بالبيت قبل تطلع بكهرباء البيت
واطلع واشبكها بالسيارة وهي ثالجة احسن لك والمشكلة الثانية انها كلها تثليج مافيها تبريد..
انا والله ماجربتها يعني مده طويلة بس اشوف انها حلوه وزينة وتحتفظ بالبرودة ....
مع العلم ان عليها ضمان سنة


ان اصبت فمن الله وان أخطئت فمني والشيطان
اتمنى اني افدتك

[سيف الظفير]

صيني ومتأكد ان شاء الله

[ابو وليد999]

وانا اخوك الرمايه طيبه ماعليها كلااام والعزل فيها ممتاز لكن مدري عن صرفيه الكهرب

[الشيخ الظريف]

انا استخدم ٤٥ منذ سنتين وصرفيتها للكهرباء معقولة جدا واستغرب هجوم بعض المصلحين ضدها وبدون مبرر ٠٠٠صديقي معه ثلاجة الرميح كل ساعه يقوم بتشغيل السياره وانا مرتاح البال