نقص زيت ماكينه لاندكروزر 2005

[ياوجودي999]

السلام عليكم


أخواني اغير زيت تويوتا للاندكروزر 2005 جي اكس ار 6سلندر


المهم مشيت آخر مره عليها 3300 كيلو وعايرت الزيت لقيت ان الزيت


جاي على آخر سنتيمتر من العيار مدري وشلون اوصفه لكن


لمن تسحب العيار فيه تحت منطقه فيها اكسات محفورة حفر ..انا لقيت الزيت


تحت هالاكسات بالعربي آخر سنتمتر في العيار فيه الزيت بس.


وش يعني هذا؟ كم علبه ناقص؟


وهل اغير جلد بلوف والا شنبر ؟ والا اغير نوعية الزيت؟

علما أنه لايوجد تهريبات واضحه ابدا...واليكم الصورة


http://www.mekshat.com/pix/upload06/images/2012/08/mk190253_21212.jpg

لاحظوا ياإخوان صورة العيار لمن شفته
علما أن الخطوط الحمراء هي منطقة الاكسات في العيار مدري وش اسمها
واللي بالاخضر هو الزيت الموجود في العيار فقط.

[فورد ماركيز]

لابد تحط نصف علبه وتصبر وتقيس من جديد وهكذا حتى مايزيد كثير

لكن لو ذكرت نوع الزيت وهل هو خفيف اوثقيل وكم ماشية السيارة

[تميم2222]

معلومه !!!!!! كل لاند كروزر ...من يتعدى 250000 الف كم تنقص ..زيته والجديد اردى من الاول من يتعدى 200000 الف ينقص ..الله يعينك تتابعه

[منصور الفايز]

معلومه !!!!!! كل لاند كروزر ...من يتعدى 250000 الف كم تنقص ..زيته والجديد اردى من الاول من يتعدى 200000 الف ينقص ..الله يعينك تتابعه

موب صحيح يا الغالي ... فيه مواتر ماشيه اكثر بكثير من 250000 ولاهيب تنقص ما شاء الله..



اخوي يا وجودي تاكد ان عند تعبية الزيت كانت فل يوم انك تغيره ... يمكن الورشه ما عبت الزيت الى الحد المطلوب ... او تاكد مافيه اي تهريب زيت بالمكينه ..

والله يوفقك

[sgl2002]

ماهي باول واحد يطرح نفس المشكلة

فيه اكثر من واحد عنده نفس المشكلة

اللاند الجكس ار معروف انه ينقص خاصة المديل من ٢٠٠٠ وطالع

لذلك غير زيت الترا ٧ واترك من زيت تويوتا ماوراه الا المشاكل

وعاير الزيت دايم

ولاتخليه ينقص عن منطقة الاكسات

يعني الزيت دايم يكون بمنطقة الاكسات فل

[سلمان المطيري]

روح لاقرب ميكانيكي يشيك على التهريبات ويعلمك وش الحل

[تميم2222]

ياعزيزي ... جربت لاند كروز .. ولاهوب انا لحالي .. انا ماقلت هالكلام الا من تجربه 4سنوات في التويوتا ... وما فيها شي ترا حتى الجديد منه ينقص ..عندك الباث فندر ينقص بعد..وش المشكله يعني ..لكن فيه سيارات معروفه ..ما شالله ما تغير حتى لو بعد 500000 الف .. قويه لامن مكاين ولامن قير .. تحياتي

[sameer_1798]

تحتاج لتر زيت تقريبا وزود وتاكد من العيار لايمتليء
النقص طبيعي في الجيب واحتمال البنشري نقص الزيت من يوم عباه
تأكد المرة الثانيه تراه يحتاج 7 علب كامله بدون فلتر ومع الفلتر 7.5 (طبعاً اتكلم عن الفلتر الصغير اللي يجي من الوكاله)

ولاتصل جلد البلوف إلا إذا دخن هذاك الوقت غيرها إذا حبيت وبدون فك المكينة

[مخ سعودي]

الوالد يالغالي يملك جي اكس ار ٢٠٠٤ وسافرت عليه وكنت امشي حول ١٧٠ ويوم وصلت الرياض من الطائف لقيت الزيت ناقص فاعتقد انه شي طبيعي علما بان سيارة الوالد ماشيه حول ٢٧٩٠٠٠

[ياوجودي999]

يااخواني السياره ماشيه 183.000 كيلو

انا كنت استخدم زيت تويوتا

وهالمره يوم شفت النقص غيرت لزيت فوكس سوبر جي تي الاصلي علبه بلاستيك سوداء

عبا لي 8 علب مع السيفون الكبير تبع الوكاله..

وابعاير واشوف بعد 2000 كيلو والله يكتب الخير لنا ولكم.

[الشا صي]

النقص طبيعي اذا مسكت خط وانت مسرع يعني 140وفوق الموتر ينقص اما بالديره لا ماينقص هذا الكلام من ناحيه تجربه

[hassan-55]

اتوقع والله اعلم شنبر
انا مثلك سيارتي جيب لاند كروزر رحت مشوار تقريباً 150 كيلو يوم وصلت البيت اعاير الزيت
لقيته ناقص تقريباً علبتين
المهم رحت لكذا ورشه قالو لي شنبر

باسألك موترك يطلع دخان ابيض ؟ اذا نعم الله يعينك شنبر وتأكد من كذا ورشه
والله يكون بعوننا جميعاً..

[ابوراكان تبوك]

موب صحيح يا الغالي ... فيه مواتر ماشيه اكثر بكثير من 250000 ولاهيب تنقص ما شاء الله..



اخوي يا وجودي تاكد ان عند تعبية الزيت كانت فل يوم انك تغيره ... يمكن الورشه ما عبت الزيت الى الحد المطلوب ... او تاكد مافيه اي تهريب زيت بالمكينه ..

والله يوفقك
صحيح وانا مستخدم 2002 نقص قبل سنه بدون وجود تهريب وغيرت جلد البلوف والحمد لله اكره 4000 ولا ينقص شعره هذا وانا امشي بصيف بشتاء

[ابو نوااف]

يبو راكان ودها وانا اخوك ورشه تويوتا اللي بالصناعيه عند اليماني عبدالله البياضي مازكيهم على الله ايام الجيب حقي ( الله يغفر له ) مااوديه الا هناك تراهم فاهمين
الله ييسر امرك بحق السميع العليم

[ابو نوااف]

الله يهداك يبو راكان انا جيت مطفي النور احسب انك انت راعي المشكله ����������
الله يعينك ياوجودي ويسهل لك الامر

[mekshaat]

اللي نعرفه ان الشنبر اذا دعست يطلع دخان وجلد البلوف
اذا خليت السياره شغاله حدود ربع ساعه ودعست طلع
دخان مره وحده وانقطع وفيه بلف الزيت لكن نادر انه
يخرب تاكد وشف النقص من التجربه اللي ذكرت لك.

[hassan-55]

يبو راكان ودها وانا اخوك ورشه تويوتا اللي بالصناعيه عند اليماني عبدالله البياضي مازكيهم على الله ايام الجيب حقي ( الله يغفر له ) مااوديه الا هناك تراهم فاهمين
الله ييسر امرك بحق السميع العليم

ابو نواف لاهنت وين مكان الورشه بالضبط
لاني بعد العيد بأودي موتري له واذا عندكـ تلفونه ياليت ترسله

[ياوجودي999]

شاكر لكم تعاونكم

وين هالورشه الزينه نفحص عنده؟

[ابوراكان تبوك]

يبو راكان ودها وانا اخوك ورشه تويوتا اللي بالصناعيه عند اليماني عبدالله البياضي مازكيهم على الله ايام الجيب حقي ( الله يغفر له ) مااوديه الا هناك تراهم فاهمين
الله ييسر امرك بحق السميع العليم
الله يعطيك العافية انا اقول سويته قبل سنه وطلع جلد بلوف كلف 1000 ريال

[الوافي.]

ياوجودي علمنا تجربك بعد ان غيرت الزيت

[ياوجودي999]

ابشروا ابعلمكم اذا مشيت عليها 3500 كيلو ابعاير الزيت واقول لكم ان شاء الله.

[ياوجودي999]

السلام عليكم

للأسف ياإخواني مشيت على السياره 2800كيلو تقريبا

وعايرت الزيت لقيته ناقص كالعاده مع اني غيرته من زيت تويوتا لزيت فوكس

هل من حل أو توصيف لورشة يخافون الله وشغلهم زين.

[فورد ماركيز]

الله يعينك باقى عليك تجرب الترا 7 او موبيل تيربو العلبة الحديد الذهبية

[مخطط 2008]

جلد بلوف باختصار

[sgl2002]

ياخوي جلد البلوف ماتسبب نقص بهذا الشكل

[ya 7bny lk]

طبيعي السيآره ينقص زيتهآ

عندي كآمري 2010 .. تنقص نص/ ربع علبه كل 1000 وعلى حسب المشي

[لسان الحقيقة]

انتبهوا من زيت تويوتا سيء جداً

[الاصقه]

خل الموتر يشتغل 10 دقايق
بعدين ادعس له اذا دخن ازرق مره او مرتين بعدين يروح هذا جلد بلوف وهذا معروف ب 6 اسلندر
اما الشنبر يدخن والسياره تمشي وينقص سريع الزيت
لو تلاحضون عند الاشارات بعض ال6 اذا جن يحركن من الاشاره دخن شوي ازرق
وتبي تذكر كلامي والله اعلم واذا بغيت ورشع تغير جلد بدون فك الراس راسلني

[قحطاني ملكع]

والله وانا اخوك عندي جيب لاندكروز 2005 وارد البريمي جكسار نفس الوضع الزيت عندي ينقص اذا مشيت عليه 3000 رغم انه لايوجد تهريبات وزيت تايوتا الاصلي واغير الزيت في بترومين