فزعتكم باول طلعه لي بلطراد

[بدر12]

السلام عليكم و كل عام و انتو بخير

يالربع شريت لي طراد جديد و بختصار هذا اول طراد اشترية

و الكل يعرف الحماس خصوصا في اول طلعه و ماوده يطلع يده فاضيه و اخواني بعدها يطقطقون فوق مخي

ابي اعرف اماكن صيد في الدمام

تكفوون يانواخذه و يعطيكم العافيه

[صياد الخبر]

السلام عليكم

اعلم ان الارزاق بيد الله سبحانه وتعالى
لا اريد ان تحبط لو لم يحالفك الحظ أول مرة

اسأل الله ان يوفقك وان يعطيك خيره ويكفيك شره

شغل الجارمن

وسم

http://www.mekshat.com/vb/showthread.php?t=387257

احداثيات محادق بالدمام

والله يوفق الجميع

ودمتم

[بدر12]

فديت راسك ماقصرت

[صيد شرقي]

السلام عليكم

مثل ماذكر اخوي صياد الخبر الارزاق بيد الله سبحانه وتعالى وزاه الله خير بين لك المحادق
والصيد يحتاج له صبر وانا اخوك بس تأكد انك ماراح تاخذ غير رزقك
وانصحك التأكد من عدتك كامله من ادوات سلامه وعده صيد الى اخره
ولو تكون تطلع في البدايه مع حدااق متمرس يكون افضل . منها تكون تكسب خبره في اساليب الصيد
وتاخذ منه معلومات اساسيه في حال تعطل لاسمح الله وكيف تتصرف
واتمنى لك طلعه موفقه انشاءالله وتصيد لين تقوول بسنا صيد يحسين بس ==> وايت شارك +حداق للابد

[2AHMAD]

هههههههههههههه

حلوه يطقطقون على مخك

[وعد السادس]

السلام عليكم اخوي ارسلي رقمك وانا اعطيك احداثيات وبعض التعليمات في الدمام لان انا موجود بيها وحاضرين للخدمه وحياك الله

[Seas Diver]

الف مبروك على الطراد الله يجعله وجه خير عليك

[accentkool]

الف مبرووووووك البوت وبالتوفيق
وطول بالك ولاتستعجل وانصحك تطلع مع خبرة بداية

[الصيادالمليح]

الأفضل تطلع مع واحد خبير عشان تتعلم منه كله شيء

سواء من اعطال القارب و كيفية التعامل مع الامواج و اماكن الصيد و الوقاية من اخطار البحر

و الرازق الله

ومبروك على القارب وربنا يعطيك خيره ويكفيك شره إن شاء الله

[رامي محترف]

بسم الله الرحمن الرحيم
مبروك الطراد ويعطيك خيره ويكفيك شرررره الله الله بالصيد الطيب وزي ما قالوا الااخوان فوق خذ ناس اخبر في امور البحر ... وبالتوفيق