حراردة الفورد

[Sultan24]

السلام عليكم

انا معي فورد 2003 مواصفات امريكي
و امس الله يهديني قاومت لي واحد وشديت بقوة ع المكينه والقير ع الفاضي و حتى لما مشيت (دعس البنزين يعني)
المهم اني حسيت ريحة حرق كذا فتحت الكبوت الا الرديتر يهرب من الغطاء
فضيت كل موية الرديتر وعبيت مويه جديده، صارت الحرارة تثبت ع النص
وجا من بكرا والسياره باردة مشيت فيها شوي وصلت الحرارة النص ع طول وتثبت عليه
ولما ادعس بقوة ترتفع فوق المعدل بشوي وتنزل لما اهدي

وش الحل :D

[sgl2002]

تاكد بعد تعبئة الرديتر لايكون الماء ناقص

شيك عليه الصبح

[Sultan24]

شيكت عليه برضو صبح اليوم واصلا اول ماعبيت الرديتر كانت تنزل المويه للماصوره وقعدت اعبي واعبي لين ما بدا يمتلى الرديتر ، بعدين شكيت اني ما عبيت فل لما بردت شوي فتحت الرديتر وعبيته ليين الغطا والصراحة
الرديتر ما ينشاف المقياس حقه فكنت ادخل اصبعي :D :D
بس شكلي عبيته زياده عن اللزوم لان المويه كانت تطلع شوي المهم ان ذا اليوم فرفرت فيه الرياض كلها ترتفع شوي لا دعست بقوة كثير وترجع طبيعي اذا هديت

وحاجة ثانية لو نقصت المويه وش الوضع؟

معليش ع الاطاله

[sgl2002]

لو نقصت الموية معناه فيه تهريب بالليات او الرديتر نفسه

بعدين ابقولك طريقه

فك البلف وشف وش يصير

اذا انخفظت الحرارة وراحت المشكلة فغيره بجديد

بعدين يوم فكيت الرديتر هل سيخه يعني نظفه او لا؟؟

لانه ممكن يكون مسدود

[Sultan24]

لا لا نظفه وكلش ما يحتاج

عموما انا الحين الامور ماشيه

ومالي خلق مشاوير صناعية والعيد قريب اخاف يطلع فيها شي وتقعد للعيد

يعطيك العافية ما قصرت

[Sultan24]

لكن ابشرك شفت الرديتر المويه مب ناقصه

وشفت تحت السياره يمكن في تهريب، ما في شي ابد

[بدوي جنوبي]

كيف شديت على المكينه والقير على الفاضي ؟ :(

[Sultan24]

اقعد ادوس بنزين بقوة والقير فاضي ع الفاضي بسيطه يعني D:

[رفيع المقام]

شوف فيش المروحه ، الظاهر انه محترق وصار يفوت وهذي من اعراضه .

[ملك الفكتوريا]

يالغالي بقولك وش ابسوي لو صار لي نفس اللي صار لك


أول شئ اجرب بالمكيف وبدون مكيف

اذا لا زالت ترتفع يعني من الطرمبة والمروحه

نجي ونفصل فيش المروحة من ورى علبة الدركسون افصله وامش

طبعا المكيف ما بيشتغل اذا فصلت السلك

وبتشتغل المروحة على أعلى درجة

اذا ضبطت يعني من توماتيك المروحة وسعره 250 اصلي واترك الامريكي 130 ريال ما يسوى


واذا لا زالت ترتفع والمروحة على اعلى سرعه

من الطرمبة البلى بها


لكن اقولك من المروحة البلى


ونصيحه


اشتر موية موتركرفت الدهبية 70 ريال
وبلف حرارة وتسييخ لرديتر وغسيل سلندرات


وأمورك بالسليم

[ابن مهيل]

نصيحه لا تغير غير البلف والماء فقط ...اول شئ وان شاء الله راح تضبط لا نه صارت معي .

[Sultan24]

يالغالي بقولك وش ابسوي لو صار لي نفس اللي صار لك


أول شئ اجرب بالمكيف وبدون مكيف

اذا لا زالت ترتفع يعني من الطرمبة والمروحه

نجي ونفصل فيش المروحة من ورى علبة الدركسون افصله وامش

طبعا المكيف ما بيشتغل اذا فصلت السلك

وبتشتغل المروحة على أعلى درجة

اذا ضبطت يعني من توماتيك المروحة وسعره 250 اصلي واترك الامريكي 130 ريال ما يسوى


واذا لا زالت ترتفع والمروحة على اعلى سرعه

من الطرمبة البلى بها


لكن اقولك من المروحة البلى


ونصيحه


اشتر موية موتركرفت الدهبية 70 ريال
وبلف حرارة وتسييخ لرديتر وغسيل سلندرات


وأمورك بالسليم



يعطيك العافية ما قصرت وهو ماله دخل المكيف لاني طفيت المكيف ومشيت والمروحة شغاله عادي، وشغلت المكيف عادي نفس الشي ويفصل احيانا الكمبرسر ويرجع طبيعي، هي ترتفع شوي فوق الثلاث شرطات اذا شديت ع الموتر يعني ادوس البنزين على اخره اكثر من مره بس وترجع طبيعي لما اهدي ، ولا لو امشي سرعة عالية بالتسلسل ما ترتفع، هل الشي ذا طبيعي ولا برضو في مشكلة؟ وحاجة اخيرة لما تكون باردة وامشي عليها وشوي وتوصل الحرارة ع النص ع طول هل طبيعي ذا ولا لا؟ لاني صراحة مابي اضرب مشاوير للصناعية :D

[ملك الفكتوريا]

يعطيك العافية ما قصرت وهو ماله دخل المكيف لاني طفيت المكيف ومشيت والمروحة شغاله عادي، وشغلت المكيف عادي نفس الشي ويفصل احيانا الكمبرسر ويرجع طبيعي، هي ترتفع شوي فوق الثلاث شرطات اذا شديت ع الموتر يعني ادوس البنزين على اخره اكثر من مره بس وترجع طبيعي لما اهدي ، ولا لو امشي سرعة عالية بالتسلسل ما ترتفع، هل الشي ذا طبيعي ولا برضو في مشكلة؟ وحاجة اخيرة لما تكون باردة وامشي عليها وشوي وتوصل الحرارة ع النص ع طول هل طبيعي ذا ولا لا؟ لاني صراحة مابي اضرب مشاوير للصناعية :D


اذا ترتفع بعد الدعس اكثر من مره ما تتعدى المويه والرديتر ومجاري المويه بالمكينه

لان الرديتر وسخ فما تبرد المويه بسرعه والمجاري بالمكينه وسخه فالمويه تكون اقل من المطلوب بالمجاري خاصه لا كانت مسويه طبقه


لكن ارجع وانصحك افصل سلك المروحة وادعس مثل اول اذا ما ارتفعت البلى بسلك او توماتيك المروحه بهنق شوي


أما بالنسبة لارتفاع الحرارة وانت ما حميت

اذا على طول ترتفع عالنص بدون تدرج فهذا حساس الحرارة

اصلا اذا مشيت بدون تحمية دقيقة الى دقيقتين حسب الدعس وتكون الحرارة نص

[Sultan24]

اذا ترتفع بعد الدعس اكثر من مره ما تتعدى المويه والرديتر ومجاري المويه بالمكينه

لان الرديتر وسخ فما تبرد المويه بسرعه والمجاري بالمكينه وسخه فالمويه تكون اقل من المطلوب بالمجاري خاصه لا كانت مسويه طبقه


لكن ارجع وانصحك افصل سلك المروحة وادعس مثل اول اذا ما ارتفعت البلى بسلك او توماتيك المروحه بهنق شوي


أما بالنسبة لارتفاع الحرارة وانت ما حميت

اذا على طول ترتفع عالنص بدون تدرج فهذا حساس الحرارة

اصلا اذا مشيت بدون تحمية دقيقة الى دقيقتين حسب الدعس وتكون الحرارة نص

اجل يبلي تنظيف رديتر

لا هي زي ما تفضلت تمشي دقيقة ودقتين بعديها تبدأ ترتفع

والمروحة بفصلها بس خلنا نرقد :D وان شاء الله بكرا خير

[مركز حراره]

لأبد تفحص تاكد من الغطاء او القربه ممكن فيهاتنسيم

[Sultan24]

ابشركم سويت تنظيف للرديتر والمواصير وكل شي

والموتر الحين سليم حتى اني طلعت فيه برا الرياض شوي ورجعت والحرارة ما ترتفع ابدا

يعطيكم العافية ما قصرتم جميع