استفسار بخلل قير الفكسار

[مكشاتي حرمه]

اخواني السلام عليكم ورحمة الله وبركاته

اليوم كنت ماسك خط والوضع جدا طبيعي

لما وصلت التفتيش وبغيت ارد النمرة عشان اهدي

صار القير مايقبل اي تعشيق غير الخامس

وقفت بعد التفتيش احاول بالقير (عادي ) مو راضي ابدا اي نمرة حتى الريوس

مسكت العصا وشديتها جهة اليمين للريوس يعني تجاوب معي وزان بس لكل النمر عدا الخامس

يعني لو اعشق خامس رجعت العلة وش الوضع يا اخوان هل من حالة مشابهه او خبير يفيدني

[مكشاتي حرمه]

اسعد الله صباحكم

[خيال الغلبا]

حدد موقعك ان كنت في حرمه هنالك ميكانيكي خبير يبعد عنك مائة كيلو او ارسل رقمك واوصفلك

[مكشاتي حرمه]

ينصحون سعود العضيب ابروح له الرجال راعي ذمة وخبير بالقيور

والله يكتب اللي فيه الخير وشكرا لك خيال الغلبا وكل عام وانت بخير

[متعب العطاوي]

هاذا كرسي القير الربله تحصلها متقطعه غيرها وتزين امورك

[مكشاتي حرمه]

كرسي القير ...

قصدك الربلة اللي تمسك جرم القير وش علاقتها بتغيير النمر !!

[خيال الغلبا]

ياراعي حرمه فيه ميكانيكي في الزلفي شغله لايعلى عليه وامين ومتقن لكنه مزحوم

[بحر القصيد]

اخوي مكشاتي حرمه علة موترك هي (هلالة قير او كما يسمونها / نحاسات )
وأمرها هين بإذن الله لكن شف لك واحد يعرف فالقيور ورح له
ولاتحاول تجبر القير على الخامس يمكن تكسر الهلاله
والله يوفقك