يوسف الخليفة1
13/08/2012, 01:04 PM
بسم الله الرحمن الرحيم
السلام عليكم ورحمة الله وبركاته
سقا الله الشامات واقصا العرايش=حيث ان بها ملفا الربوع المداغيش
فاهد تسف الريح عود الحشايش=عسا الوسم ينثر عليها المراهيش
سج القدم يمتها ما دمت عايش=وامن المتاييه المقيل لنقاريش
عسا المزون البارقات الفلايش=تركي عليها النو والحاجر يطيش
تصير سهلتها زهور وحشايش=زرق الخزاما بالبياحه مفاريش
والديدحانه ترتكز كالغرايش=حمارها يشدي حمار الطرابيش
والديم ينثر بالفجوج الرشايش=كالمحوري يرشق على باذر العيش
واشوف من يرسم بقلبي نقايش=مرباع باللي يسكن الروح ما نيش
يقضب خصر قلبي كما حزام قايش=يندس قفوش الحس مثل النواتيش
يمسك معيصم سلوتي كالغوايش=رفيقي اللي ما يجازين تهميش
اشب انا وياه كوم القشايش=واجروم الارطا يجذبن الهتاتيش
ما عندنا من موحشات الهوايش=غير الفراش وطايرات الخفافيش
ما تمنع الارياح سود الدرايش=ما حولنا الذريان وغمت الخرابيش
فسيح بران السهول الهشايش=يطرقها قرقوف الديار المناعيش
واليا ازتزاد الليل عقب الغبايش=يلفوننا بعض القروم النغاميش
ما بينهم صلف الطبوع البلايش=اللي لغبات المشاكل منابيش
والهيل الاخضر يلطم البن طايش=ينساق لضيوف الطروق الدراويش
يوسف الخليفة ( أبو عبد الله )
السلام عليكم ورحمة الله وبركاته
سقا الله الشامات واقصا العرايش=حيث ان بها ملفا الربوع المداغيش
فاهد تسف الريح عود الحشايش=عسا الوسم ينثر عليها المراهيش
سج القدم يمتها ما دمت عايش=وامن المتاييه المقيل لنقاريش
عسا المزون البارقات الفلايش=تركي عليها النو والحاجر يطيش
تصير سهلتها زهور وحشايش=زرق الخزاما بالبياحه مفاريش
والديدحانه ترتكز كالغرايش=حمارها يشدي حمار الطرابيش
والديم ينثر بالفجوج الرشايش=كالمحوري يرشق على باذر العيش
واشوف من يرسم بقلبي نقايش=مرباع باللي يسكن الروح ما نيش
يقضب خصر قلبي كما حزام قايش=يندس قفوش الحس مثل النواتيش
يمسك معيصم سلوتي كالغوايش=رفيقي اللي ما يجازين تهميش
اشب انا وياه كوم القشايش=واجروم الارطا يجذبن الهتاتيش
ما عندنا من موحشات الهوايش=غير الفراش وطايرات الخفافيش
ما تمنع الارياح سود الدرايش=ما حولنا الذريان وغمت الخرابيش
فسيح بران السهول الهشايش=يطرقها قرقوف الديار المناعيش
واليا ازتزاد الليل عقب الغبايش=يلفوننا بعض القروم النغاميش
ما بينهم صلف الطبوع البلايش=اللي لغبات المشاكل منابيش
والهيل الاخضر يلطم البن طايش=ينساق لضيوف الطروق الدراويش
يوسف الخليفة ( أبو عبد الله )