صرف بآنزين

[تمنيتك لي]

السلام عليكم ..

شلونكم عساكم بخير


المهم :

ي آخوآن عندي جي آكس 2006 ذبحني بآلبآنزين

يصرف صرف مو طبيعي مادري وش مشكلته

وللمعلومية توي مغير الصفآية ولا نفع

ي ليت اللي عنده ملعومه لا يبخل

[الضامي 2012]

غير بواجي طال عمرك بس خلك حذر لان حتى الوكاله تركب شي مضروب لكن انت اشترهم من محل زي المنيف والنهدي والا اي واحد يبيع شي مضمون وركب عند كهربائي جيد

الصفايه لتصفية البانزين من الشوائب طال عمرك بس

وان شاء الله يفيدوننا اهل الخبره بعد

[hsdt]

غير البواجي
سؤال كم يمشي بالفل بعد ما تعبي صفر العداد ويحسب لك المسافة المقطوعة بعد ذلك تعرف موترك طبيعي او لا
مهم تغيير البواجي اذا هي قديمة

موفق

[hassan-55]

اتوقع والله اعلم يحتاج وزن الديلكو ب 50 ريال
تأكد منه عند الميكانيكي

[تمنيتك لي]

آخوي آلضآمي :

آلبوآجي توي مركبهن وحتى اللي ركبهن لي قال لي نفس كلآمك آن بعضهن مضروبات
واللي شريتهن كويسآت مآفيهن الأ كل خير


آخوي hsdt :
مآدري مفصول آلطبلون بس يمكن تانكين 400- 500 كم


آخوي hassan-55 :

جآري آلتشييك على آلديلكو

[السومر]

الجي اكس ار اذا تمشي من 140 الى 160 يمشيك 350 كيلو التانكي الكبير

موترك مافيه إلا العافيه

[patrol-fa]

السومر < الممشى الطبيعي للجكس ار .. التانكي الكبير فل يمشيك 500 إلى 550 اقل شيء

يعني يوصل 600 النظيف ما جاه شيء ..

تاكد لا يكون تهريب من غطا البنزين ، الليات ، الفحامة ، البخاخات ..

[تمنيتك لي]

إن شآء الله ..

[عبقري91]

فلتر هوى اذا وصخ يقل دخول الهوا ويكثر بخ البانزين اكثر حتا لو تناظر الزيت تلاقيه يقلب اسود بسرعه
وتشم فيه ريحت بانزين

[كاشت بالبر]

الأشياء اللي تأثر على صرفية البنزين :

1) البواجي .. فلتر الهواء .. فلتر البنزين

2) ضغط هواء الكفرات .. لازم ما يقل عن 30

3) الأشياء الثقيله بالسياره واللي ما تحتاجها ( تانكي ماء مثلا أو الخ ... ) اي شيء ثقيل وما تحتاجه .. يفضل تخليه بالبيت

4) طريقة قيادتك للسياره .

5) نظف أصابع البطاريه .. لأنها اذا كانت متآكله .. الضغط يزيد على الدينمو ويزيد استهلاك البنزين << حسب كلام الأجانب :D بعد بحثي بالمواقع الانجليزيه

6) اختر البنزين المناسب لسيارتك .. حسب توصية الشركة الصانعه لسيارتك

7) ريّح المكينه ولا تحشرها بكل نمره

ما عندي خبرة عن الديلكو وأسلاك البواجي ,, لأني متعود على السيارات اللي فيها كويل لكل بوجي

.. لكن لا مانع انك تفحص أسلاك البواجي وتوزن الديلكو ..



فيه شيء مهم كثير كثير من الناس ينسونه ولا يفكرون فيه .. مع انه مهم جدا

وزن البواجي حسب توصية الشركة

http://www.installuniversity.com/install_university/installu_graphics/freshman_year/spark_plug_wire_install/gap_distance.jpg

المقصود بالوزن هو تعديل أو إمالة الحديدة اللي عند السهم اللي فوق .. تقريبها او ابعادها عن القطعه المعدنيه الدائريه الصغيره
http://www.jackssmallengines.com/graphics/DIY/images/spark-plug-gap.jpg

و تختلف الوزنية حسب السيارة

أقرأ كتالوج سيارتك .. واشتر فيلر قيج من ساكو .. سعره بحدود 25 او 35 ريال تقريبا ( تأكد انه يشمل البواجي يكون مكتوب عليه spark plugs ) ونظف الزيت اللي على الفيلر قيج قبل توزن البواجي

لأن يجي عليها مثل الزيت عشان يسهل حركة الفيلر قيج .. لكن لازم البواجي ما يجيها زيت او شحم

http://www.ubtksa.com/vb/uploaded/362_01209010669.jpg

اذا جيت تعدل الحديدة لا تضغط على القطعه الصغيره الدائريه بالبوجي .. عشان ما تخرب

http://image.circletrack.com/f/18909498+w750+st0/ctrp_0905_03_z+spark_plug_gap+adjusting.jpg


بعض السيارات تجي بواجيها موزونه من الوكاله او مصنع السيارة

مثل الهوندا

وبعض السيارات بواجيها تحتاج وزن

واذا جيت تسقط البواجي بالمكينه سقطها شوي شوي .. عشان ما تخرب وزنية البواجي

[تمنيتك لي]

لاهنت على آلشششرح

وجآري التجربة (====