الاخ / شقران ............. مع التحية

[عابر سبيل]

مشرفنا الغالي شقران ... السلام عليكم ورحمة الله وبركاته ،،،،

الله لا يمسيك الا بالخير ..

لعله يتسع لي صدرك شوي وانا اخوك ... لا ني ابي منك شوية استفسارات ...
انا عندي مشكلة بهذلتني ياخوي ولا ادري وش السبب ...

المهم المشكلة هي اني اذا راسلت بالايكوم ( 2100 ) على بطارية السيارة تخرب عندي الايسيات بحيث خرب اول مره ايسي الارسال .. ورحت اشتري ايسي واغيره ... وبعد ثلاثة ايام يرجع ويحترق ايسي الارسال واللاستقبال يعني الجهاز ميت .... قمت وغيرته هالحوسة كلها وكلف والله والان :( :( :( احترق علي امس ايسي الارسال ولا صار يرسل بس الاستقبال كويس آخر ما قام يسوي الجهاز وانا اضغط الريشه صار ( يشرشر ) ويقطع الارسال يعني تظغط الريشه تلقى الاشاره في الجهاز تشبك وتفصل بسرعه .. وبيني وبينك اللي وديته له يصلحه قلبي قارصني منه يعني ما ارتحت له شكله نصاب لانه اول مره يصير معي كذا ثلاث مرات اغير الايسي ؟؟؟؟؟

العدة اللي في السيارة كالتالي :
1. كيبل كهرب عادي من اصابع البطارية لداخل السيارة علما اني فحصت الفيوز لقيتها سليمه للاحتياط من ان كهرب البطارية زاد على الجهاز ( علما ان فولت البطاريه ثابت ) على حد علمي ...
2. قاعدة الاريل من النوع اللي تجي جانبية ( تركب على الحرف اللي بجنب التندة وفوق الابواب ) زي اللي في السفاري ...
3. الاريل دايموند ( super gainer sg-2000 ) ثلاث وصل ولزيادة المعلومات هذا الموقع فيه اشياء كثيرة ومفيدة صراحه وفيه معلومات عنه
هذا الموقع (http://www.blazer.com.sg/Products/Diamond/diamond.htm)
4. الريشه ( المبرقعه )

انتهى ....

انا عارف اني طولت عليك يا شقران ولكن خلال اسبوعين يخرب الجهاز 3 مرات :( :( :( ( الله لا يخسرنا )


واذا كان الحل اشتري جديد الشكوى لله نشتري ولكن اخاف يروح فيها في يومين وتروح 800 ريال الله لا يعيده جهاز **** او اللي تشور علينا فيه ..


الله يعطيك العافية على كل حال ............... وفي انتظار الرد


سلالالالالالالالالالالالام

[شقران]

أولا الله يخلف عليك بخير مما ضاع منك....
ثانياً لكي احكم على الوضع لابد من مشاهدته امامي وقياسه باجهزة القياس ولاكن بالنسبة لك قد يكون من السهل استبدال الأريل وتجريب الجهاز والتأكد فاذا قام بالأرسال بشكل طبيعي فتكون المشكله من الأريل حصل فيه نسبة راجع عالية تحرق الموديوول (الآيسي) او قد يكون من الكونيكترات في قاعدة الأريل او مايدخل في الجهاز بحيث يكون هناك التماس بين الشيلد والنخاع يعني مابين الاسلاك الداخلية للكيبل والخارجية المعزولة ببلاستيك عند نقطة اللحام بالكاوية فعند التماسها يكون قد التمس الأرضي بالموجب ولذلك من الطبيعي يحترق الجهاز!!.
يجب ان تذهب لورشة او فني منصح ويقوم بقياس جميع معداتك وتشبيكاتك من الالف الى الياء. لتشخيص العيب المسبب لهذه الحالة.

تحيتي

[عابر سبيل]

طيب اخوي تنصحني اغير الكيبل حق الاريل لان الاريل راسلت فيه بجهاز ثاني وممتاز بس القاعدة ما فكيتها بس الارليل .......




سلالالالالالالالالالالام