سحاب نجد ياعزيز الرجالي(جديد)........الحل ابو الشبرميات .........حله المزيدي

[ال-رايق]

السلام عليكم ورحمة الله وبركاته
لغز في ابيات ترحيبية بأخونا/سحاب نجد.........والرمع للجميع


سلام مني عد منشى الخيالي=وعداد ماطرّق على الخدّ سيله
سلام حالي ثم حالي وحالي=وأحلى من البرحي وسلّج نخيله
لراعي شقرا يوم جاله مجالي=عساه طيب وقتما هي تجي له
سحاب نجد ياعزيز الرجالي=ياشاعر(ن) تهوى المعاني الجزيلة
أبنشدك عن واحد جا في بالي=عزيز قوم(ن) وانت أيضا مثيله
بدايته ...قريب بالحيل غالي=ونهايته .....أعداد.... ماهي قليله
ونصف الاسم قيس لذرب العيالي=وبعيره مسبل تحت سحب ظليله

أخوكم/ال-رايق
خيمة الالغاز

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وأخونا سحاب نجد
راعي شقراء
كفو ويستاهل كل خير
أشوفه ماشاء الله مبدع بهالخيمة و بخيمة السوالف الشعبية
والله ياهو أكل طراقات
:D:eek::D:eek::D:eek::D
لكن ماجور إن شاءالله
ولي عودة بحول الله

[ال-رايق]

وعليكم السلام ورحمة الله وبركاته
سلمت يالغالي
وصح لسانك
وأخونا سحاب نجد
راعي شقراء
كفو ويستاهل كل خير
أشوفه ماشاء الله مبدع بهالخيمة و بخيمة السوالف الشعبية
والله ياهو أكل طراقات
:D:eek::D:eek::D:eek::D
لكن ماجور إن شاءالله
ولي عودة بحول الله


حياك الله يابو علي
وتصدق يابو علي /بغيت اسألك عن سالفة الطراقات ..قلت ابو علي مايتكلم من فراغ..واروح والقى سوالفه..ولكن نقول عسى يد الشايب الله يرحمه ماهي ثقيله...لكن ترى نوعيته يتخارجون ماعليك ..واقطع ذراعي كان ماجاه مواقف مع ابوه اكبر من كذا وخارج عمره ههههههه.
الله يعطيه الصحة والعافية ويعافيك وكل من يقرا

[سحاب نجد راعي شقراء]

الله لا يخليني من محبتكم يالغالين ولي الشرف والله في معرفتكم لا خلا ولا عدم

وقول لخوي الغالي ال رايق هذي حبه على خشمك علا ها الابيات الجزله الله لا يحرمني منك بس والله انك وهقتني بها اللغز ههههههههههههه ابحل بعمرك ياسحاب ههههههههههههههه

الله لا يحرمني من ها الوجيه الطيبه

اقول يالربع ساعدوني على حله تراي متوهق هههههههههههههههه

ياجعل ولديكم جميع في الجنه ولي عوده ان شاء الله تعالى

[ال-رايق]

الله لا يخليني من محبتكم يالغالين ولي الشرف والله في معرفتكم لا خلا ولا عدم

وقول لخوي الغالي ال رايق هذي حبه على خشمك علا ها الابيات الجزله الله لا يحرمني منك بس والله انك وهقتني بها اللغز ههههههههههههه ابحل بعمرك ياسحاب ههههههههههههههه

الله لا يحرمني من ها الوجيه الطيبه

اقول يالربع ساعدوني على حله تراي متوهق هههههههههههههههه

ياجعل ولديكم جميع في الجنه ولي عوده ان شاء الله تعالى


حياك وشوي في حق الغالين مثلك وشرواك
وانت يعلم الله مكسب لنا وللمنتدى
ولو تزعل والله لأتبرع نيابة عن اخواني واصلك بالبيت (مدري وين بشقرا)لكن لي مخابراتي هناك-مخابرات معرفه (غير تنفيذية)..........
واللغز دقق في الابيات وتعرفه زين
ولاحظ يبدا بقريب(مثل اخ عم)
وينتهي باعداد(عشرات خمسين==طبعا كتابة)
والوسط قيس(متر-ذراع الخ)
ولا انت ملزوم بحله او الرد --المقصد ترحيب والرمع للجميع
لاعدمتك

[سحاب نجد راعي شقراء]

حياك وشوي في حق الغالين مثلك وشرواك
وانت يعلم الله مكسب لنا وللمنتدى
ولو تزعل والله لأتبرع نيابة عن اخواني واصلك بالبيت (مدري وين بشقرا)لكن لي مخابراتي هناك-مخابرات معرفه (غير تنفيذية)..........
واللغز دقق في الابيات وتعرفه زين
ولاحظ يبدا بقريب(مثل اخ عم)
وينتهي باعداد(عشرات خمسين==طبعا كتابة)
والوسط قيس(متر-ذراع الخ)
ولا انت ملزوم بحله او الرد --المقصد ترحيب والرمع للجميع
لاعدمتك


ياجعل والديك في الجنه يالغالي ابا احاول ان شاء الله

شف انا احط الغاز ايه اما احل معرف يازين الصدق يخوي بس بحاول

الله لا يحرمني من محبتك يالغالي فيه بيت شعر جا في بالي يالغالي وهو لي طبعن ولوه مهوب قد المقام بس ابا اقوله

بعض البشر لو ما تعرفه تحبه

وحبن ترا في الله ما فيه محذور

[ال-رايق]

ياجعل والديك في الجنه يالغالي ابا احاول ان شاء الله

شف انا احط الغاز ايه اما احل معرف يازين الصدق يخوي بس بحاول

الله لا يحرمني من محبتك يالغالي فيه بيت شعر جا في بالي يالغالي وهو لي طبعن ولوه مهوب قد المقام بس ابا اقوله

بعض البشر لو ما تعرفه تحبه

وحبن ترا في الله ما فيه محذور




حياك رب العالمين ..ومعذور.وصح لسانك.واستلم:
اللي يكدر خاطرك عنك كبّه=الصدق ينجي وانت صادق ومعذور
============
الا بسألك خابر في مدخل شقرا تلفون ابو ارقام كبير ..ورى ماتطالبون الاتصالات يحطون بداله (ايفون ولا جالاكسي)هههههههههه

[صقر السديرات]

صح لسانك ابو مهند
ابيات تنم عن شاعرية وحس مرهف
اخونا سحاب نجد يستاهل وانا بدوري ارحب فيه اجمل ترحيب فياهلا ويا مرحبا
اما الان مع الرمعة:
ام خمـــــــــــــــــــــــس
دمت متسامحا ملمحا بقوة

[ابو الشبرميات]

صح لسانك يابو مهند
كفو والله وسحاب نجد يستاهل قصائد ترحيبية
واللي مسبل اظنه ناقة

...

[ال-رايق]

صح لسانك يابو مهند
كفو والله وسحاب نجد يستاهل قصائد ترحيبية
واللي مسبل اظنه ناقة

...


صح بدنك اخوي/ابوصالح
***والحقيقة ما ادري وش تقصد بملاحظتك على (مسبل)على العموم ..اذا تدقيقك على وصف ولون (والبراطم طايحه والرموش ناعسه /امزح)هذا يدلل على انك راع ابل وراع البل مايحب الاخطاء في حق الابل وينقدعلى اللي مايعرفها ..لذا مطلوب انك انت اللي تحل اللغز لاغيرك..وان شاء الله اذكرك بكلمتي هذ بس انت اصبر
ومسبل اقصد(سبيل)يعني اي نفرات عنده نياق يكلم راعي الفحل من شان فيه -يضرّب-ويحصّل انتاج تيقه
-------------------عاش مصرّف---------------------
=============
على العموم انا اطلب منك التمعن وصدقني مايعوقك.

[سحاب نجد راعي شقراء]

حياك رب العالمين ..ومعذور.وصح لسانك.واستلم:
اللي يكدر خاطرك عنك كبّه=الصدق ينجي وانت صادق ومعذور
============
الا بسألك خابر في مدخل شقرا تلفون ابو ارقام كبير ..ورى ماتطالبون الاتصالات يحطون بداله (ايفون ولا جالاكسي)هههههههههه



هههههههههههه هلا والله انت ما شفتا الدله والفناجيل كل فنجال جايبينه في دينا هههههههههههههه

والدله كبر العماره مدري كل هذا كرم والله اني مدري لو تنكب الدله غرقت شقراء كلها هههههههههههه

الله لا يخليني من محبتك يالغالي

[هيل]

السلام عليكم ورحمة الله وبركاته
حضورعجاب وترحيب باأبي مهند وسحاب
والله يديم الود والمحبه بين المسلمين
وكلكم ماهما قلنا مانوفيكم حقكم يالغالين
تحياتي

[محمد الظاهري]

صح لسانك يابو مهند
ويستاهل اخونا راعي شقراء
وجاري التفكير

[ال-رايق]

السلام عليكم ورحمة الله وبركاته
حضورعجاب وترحيب باأبي مهند وسحاب
والله يديم الود والمحبه بين المسلمين
وكلكم ماهما قلنا مانوفيكم حقكم يالغالين
تحياتي


هلا وغلا بالهيل
سلام كثر حبات الهيل
سلام ازكى من ريحة الهيل(بس خل عنك مهوب ازكى منك)
وآمين الله يديم المودة
وتسلم ولاعليك زود يابوعبدالله

[ال-رايق]

صح لسانك يابو مهند
ويستاهل اخونا راعي شقراء
وجاري التفكير



وصح بدنك يالغالي/حبيبنا محمد
والله اني وقفت على حيلي واديت لك تعظيم سلام (بكيفك لو تقول هياط:D)اهم شي انفذ اللي في راسي من زود غلاك.
ومرورك تاج على الراس يشرف من يمشي به.

[ال-رايق]

يالربع بمناسبة مرور مشرفنا المحبوب/الظاهري
فيه عروض على اللغز :
المقصود أحد الاخوان بالمنتدى
وصحت روسكم

[المزيدي4]

وعليكم السلام ورحمة الله وبركاته
صح لسانك يا أبو مهند
ونرمع :
يمكن يكون المقصود أخونا الغالي أبو صالح الله يمسيه بالخير
أبو الشبرميات

[ال-رايق]

وعليكم السلام ورحمة الله وبركاته
صح لسانك يا أبو مهند
ونرمع :
يمكن يكون المقصود أخونا الغالي أبو صالح الله يمسيه بالخير
أبو الشبرميات


وعليكم السلام ورحمة الله وبركاته
وارحب يابو سعد
وبشرني عنك وعن من يعز عليك
وكفووووووووووووووووووو
القنّاص الماهر/ اخونا المزيدي/أبو سعد...............وعوايده
الحل/أبو الشبرميات
التوضيح...وقد عمل عليه تلوين ابوسعد:
بدايته قريب غالي/الأب(أبو)
والوسط قيس ذرب العيالي(شبر)=ويقولون وافين الاشبار.
نهايته اعداد ماهي قليله(ميات)
كذلك وضحت وقلت وانت مثيله (اقصد حول بعض بالمنطقه)
وبعيره تحت السحاب الظليله(توقيع اخونا /ابو صالح )
تحياتي للجميع

[المزيدي4]

وعليكم السلام ورحمة الله وبركاته
وارحب يابو سعد
وبشرني عنك وعن من يعز عليك
وكفووووووووووووووووووو
القنّاص الماهر/ اخونا المزيدي/أبو سعد...............وعوايده
الحل/أبو الشبرميات
التوضيح...وقد عمل عليه تلوين ابوسعد:
بدايته قريب غالي/الأب(أبو)
والوسط قيس ذرب العيالي(شبر)=ويقولون وافين الاشبار.
نهايته اعداد ماهي قليله(ميات)
كذلك وضحت وقلت وانت مثيله (اقصد حول بعض بالمنطقه)
وبعيره تحت السحاب الظليله(توقيع اخونا /ابو صالح )
تحياتي للجميع




الله يبقيك يا أبو مهند
وأبشرك إنّا بخير والحمد لله
وكفوك الطيب يالغالي
حفظك الله ورعاك
وتقبل الله منا ومنك الصيام والقيام والدعاء
وجعلنا من الموفقين لقيام ليلة القدر إمانا واحتسابا

[ابو الشبرميات]

ابو مهند انا عارف انك تقصدني بالغز
بس قلت خل سحاب نجد يحوس شوي ونفتح له المجال
اقل شي يبي يجيب له تعليق او اثنين نضحك عليهن
ابو نورة وسيع صدر جعله يسلم هو ومن يقرأ



وانت قلت في لغزك وبعيره
ورديت عليك وقلت لمك اللي مسبل اظنه ناقة
وانا صادق الصورة اللي بتوقيعي ناقة

صح لسانك وصح لسان ابو سعد


والحلال ما يتبارك لين يجونه ويشرفونه اللي مثلك وشرواك
من اهل الخيمة وهي والله من اسعد الساعات اللي نشوفكم ونتعرف عليكم
...

[سحاب نجد راعي شقراء]

هههههههههههههه وين وين ويني عن الحل انا بقصا الغرب والحل بقصا الشرق ماشاء الله عليكم اشوا اني مستعجلت كان تبي تطلع نكته القرن والله ياني مدرعم مدري وين انا فيه

بعد هذي ابا اقولكم يالغالين يالي تحبون الالغاز وتحلونها تراكم من دهات العرب قسم بالله وترا ربي رازقكم بعقول مدركه وواعيه وسريعه البديهه ماشاء الله عليكم جميع تبارك الله الله يحفظكم من كل شر بس نصيحه من شايبكم علشاني امون عليكم وحب لكم ما احب لنفسي وربي يشهد علي لا تنسون قبل الرمع وبعد الرمع اقرو ايه الكرسي والمعوذات تراي صادق ترا فيه ناسن ينظلون الاعماء على كبر عيونه وهو ظعيف اعماء

اشوا ثم اشوا ثم اشوا ما رمعت كان اسمع ظحككم ونا في بيتي
اسعدكم الرحمن الرحيم اينما تكونو

[ال-رايق]

ابو مهند انا عارف انك تقصدني بالغز
بس قلت خل سحاب نجد يحوس شوي ونفتح له المجال
اقل شي يبي يجيب له تعليق او اثنين نضحك عليهن
ابو نورة وسيع صدر جعله يسلم هو ومن يقرأ



وانت قلت في لغزك وبعيره
ورديت عليك وقلت لمك اللي مسبل اظنه ناقة
وانا صادق الصورة اللي بتوقيعي ناقة

صح لسانك وصح لسان ابو سعد


والحلال ما يتبارك لين يجونه ويشرفونه اللي مثلك وشرواك
من اهل الخيمة وهي والله من اسعد الساعات اللي نشوفكم ونتعرف عليكم
...


هلا والعيد مبارك جعله علينا وعليكم سعيد....
انا ترى مشكك..والكذب خيبة ماجزمت ..لكن ليتك عطيتني مؤشر
ونا زاد قلت عسى ماهي زعله ..لابارك الله في الشيطان ..ووصف الناقة لايكون انفهم تريقة.
واثرك ناوي حبيبنا..وحبيبنا قالها من اول لاترجون مني حل وهذا اللي خلاني اوضح المعنى.
على العموم اعتبرنا تشرفنا بالزيارة عساه محل عامر ..مايخلا من هله.
بارك الله في مالك وحلالك.واصلح الله عيالك عساك تشوف عيال عيالهم.

[ال-رايق]

هههههههههههههه وين وين ويني عن الحل انا بقصا الغرب والحل بقصا الشرق ماشاء الله عليكم اشوا اني مستعجلت كان تبي تطلع نكته القرن والله ياني مدرعم مدري وين انا فيه

بعد هذي ابا اقولكم يالغالين يالي تحبون الالغاز وتحلونها تراكم من دهات العرب قسم بالله وترا ربي رازقكم بعقول مدركه وواعيه وسريعه البديهه ماشاء الله عليكم جميع تبارك الله الله يحفظكم من كل شر بس نصيحه من شايبكم علشاني امون عليكم وحب لكم ما احب لنفسي وربي يشهد علي لا تنسون قبل الرمع وبعد الرمع اقرو ايه الكرسي والمعوذات تراي صادق ترا فيه ناسن ينظلون الاعماء على كبر عيونه وهو ظعيف اعماء

اشوا ثم اشوا ثم اشوا ما رمعت كان اسمع ظحككم ونا في بيتي
اسعدكم الرحمن الرحيم اينما تكونو


يامرحبا وهلاوين بغالي الغالين
لايهمك ابو الشبرميات...مدري وش نيته ..لكن ان طعتني ..تحرّ عنه ..خصوصا لا برد الوقت وبعيره وجّه شمال..تراه بيكون في عالم آخر..ومتأثر مثل بعيره..قل هالكلمه((النظام يقول لازم قبل البعير يــ.......لازم تجيب فحص عنه))وشف وش يرد عليك به.
وحلوه ينظلون الاعمى على الدرعمه وصدم العواير/ومعك حق الله يكفينا شرهم.
تحياتي