يالربع هالباثفندر جنني... الفزعة

[تعبت ادور اسم]

السلام عليكم
وكتبكم الله وايانا من المقبولين والعتقاء من النار
معي جيب نيسان باثفندر فحصة اللين دخت بكل محل حتى الوكالة التشييك يقولون سليم فحص الكمبيوتر سليم لكن مشكلته اذا دعست له ووصل امبير الضغط الهور 3 قام يتفتف بقوه امشي عل مهلي مافيه ازين منه
مع العلم كل الورش يقولون سليم ..فحص الكمبيوتر لا يوجد اي كود عطلان
والله البلشة موقفة لي اسبوعين غاثني ما ادري وش اسوي به
جربنا كل الحساسات ونظفنا الثروتل بلا فائده تقهون وش علته
لاحرمكم الله الاجر
موديلة 2004 استخدام امريكي

[الكلاسك]

شيك على حساسات الاكسجين تحصلها من عند القزوز الين الدبه الاولى وقبل الدبه الثانيه
شيك على حساس الكرنك
اذا زبطت علمنا وش صار معك سواء منها ولا من غيرها
تحياتي لك

[تعبت ادور اسم]

يا اخوي الكلاسيك هالحساسات ما تطلع بفحص الكمبيوتر...يعني ما يوضحها الفحص

[abo tayyar]

تأكد من دبابات البيئه احيانا تتسكر او تتسدد ووما يطلع الهوا بسهوله وتحتاج تفريغ ...

فيه ورشه بمخرج 17 متخصصباثفندر ان شاء الله يفيدك وتلقى الحل عنده ...
ابو ابراهيم ج/ 054889337
كلمه ويمكن يفيدك بالجوال ...

موفق ..

[sgl2002]

هذا حساس الهواء

وانت تمشي شوي شوي وش زينة

لكن اذا عطيت الموتر دعسه قوية او وصل الضغط ثلاثه يتفتف ومايتعداها

شف جنب قربة الهواء فيش ، افصله اذا تغير صوت المكينة اعرف انه تمام واذا ماتغير فهو خربان

[عبقري91]

كان معي هوندا كورد
وصار نفس المشكله بعد المطر
مايتعدا 120 والظغط 3 اذا وصلها يتفتف كنك داعس البنص كله
زي تقطيع اخر الدعسه
طلع فيه سلك يروح لعمود الكرنك طبعن هي عدت اسلاك وفيش وعدت اسلاك فتحت الفيش الواصل بينهن وحصلت ماء ونظفته وزانت وكل مجا مويه يصير نفس المشكله
انت يمكن مويه داخله او. سلك مقطوع او زيت جايه
فك في الافياش وافحص وركب لين تطلع العله

[تعبت ادور اسم]

بارك الله فيكم يا اخوان
حساس الهوا والدبات والشكمان تم فحصها ما بها الا العافية
حساس الكرنك بشوفه اليوم مع العلم انه مافيه ولا كود اعطال بالفحص

[تعبت ادور اسم]

ابو ابراهيم كلمته يقول ماني عارف له كل الحلول اللي قالها سويتها

[أبونجم]

خذ العلم اللي يجمد على الشارب .

هذا حساس الكرنك كان عندي نفس المشكلة وفحصنا كمبيوتر في وكالة الحمراني اللي في المحجر يقول سليم .

قيمته على ما أذكر 300 وفوق تقريبا 390 .

طبعا الكلام هذا قبل 4 سنوات .

أعطنا أخبارك وش اللي يصير معك .

[تعبت ادور اسم]

اليوم باذن الله نأتيكم بالخبر

[تعبت ادور اسم]

السلام عليكم تقبل الله طاعتكم
تم تغيير حساس الكرنك بدون فائدة
حساس الهواء والثروتل تم تغييره بالكامل من التشليح لافائده وكذلك الكويلات
يالربع وش الحل طفشني وابي ابيعه بس ما اقدر لازم اعرف وش به عشان ما اغش الناس وش الدبره بالهغثيث

[alwali]

اسمع وانا اخوك
مرت علي هذي المشكلة بالضبط وهي من فلتر الهواء مسكر
بدله بواحد اصلي

[تعبت ادور اسم]

فلتر الهوا الامامي

[تعبت ادور اسم]

لاجديد غيرنا الفلتر
لاحول ولا قوة الا بالله

[ms662]

اخوي بقول كلام بس البعض قد يضحك منه
تتذكر قبل كم سنه في الرياض لما الزموا سيارات الموزين بتركيب جهاز يخليه مايتعدى ثمانين
وانت تقول ان موترك امريكي لايكون الجهاز مركب فيه من بلده لانه كان عائد لشركه او غيره
الا اذا كان مافيه الى العافيه وخرب من تالي فالله يعينك

[ms662]

وشيك علي طرمبة البنزين والصفايه وليات الراجع

[تعبت ادور اسم]

تم تغيير طرمبة البنزين والصفاية

لافائدة يالربع خسرت واجد على هالغثيث

وين خبرائنا

[الصيادالمليح]

أولا ما ذكرت لنا المشكلة تيجي لما توصل لأي سرعة ؟؟ لأن بعض السيارات هناك فاصل للسرعة عند 180 كلم\ساعة وبعضها عند 160 وخصوصا أن سيارتك وارد أمريكي و بعض الولايات الامريكية القوانين تتحدد السرعة عند 110 كلم\ساعة أو 88 ميل\ساعة فيكون هناك فاصل للسرعة عند هذه السرعات للوقاية من السرعة

إذا لقيت ورشة خاصة ببرمجة السيارات يعاينون لك حد فاصل السرعة

[محمد 2002]

الله يعينك
الباثفندر حبوب ولكن متعب جدا اذا خرب وصيانته صعبه

[تعبت ادور اسم]

يالربع بعد عناء ومشقة وتوقيف السيارة بالورش لاكثر من شهرين طلعت المشكلة من الثلاجة فيها تنسيم


لاحول ولا قوة الا بالله

والله ما عندنا ورش