استفسار .. عن الكفرات ..

[جو واب]

السلام عليكم .. اخواني الله لا يهينكم .. عندي جنوط هلل

وبركب عليها كفرات .. بس احترت بين المضلع .. والدنلوب (الشاهين)


المضلع مشكلته بالانفجار لو سمح الله يطير لك الرفرف وهذا حصل مع كم واحد من اصحابي

والشاهين .. مشكلته ,, عمره قصير ..!!


وش تشيرون على يالربع ..؟؟

[سعود2006]

المضلع بن زقر اقوى من الشاهين واطول عمر ولاتخلي الهوا ناقص في الكفرات لصرت ماسك خط واهم شي التاريخ يكون جديد عشان ماتقول ينفجر عليك والانفجار لايعلمه الا الله ناس كثر ركبتها ماشتكت منها وانا مرتين ركبتها ماقد انفجرت معي واكدها كد ولاشفت فيها شي

[جو واب]

الله يرفع قدرك اخوي .. سعود .. وهذا الي يبي يصير ان شالله

سالت عنهن بالقصيم .. قالولي المضلع ب 800

وسالت واحد بالرياض قالي 650

الفرق مومعقوووووووووووووووووووول !! اكلووونا ابو يمن

[فيصل البهيشي]

اشترها من الوكيل تحصل اسعاره ارخص من اغلب البناشر والي عنده تضمنه بأذن الله + جديد

[سعود2006]

اذا كان مقاس 16 تقريبا سعرها الاماراتي بـ 660
وسعر بن زقر المعروف والافضل من الاماراتي تقريبا اغلى بـ 20 او 30 ريال للكفر الواحد
الي يقولك بـ 800 هذا واحد نصاب
ركبها بالرياض ارخص لك بس

معلومه : على ماتوقع الاماراتي يجي بدون غلاف لاكن بن زقر يجي عليه غلاف.. هالمعلومه اخذتها من رد احد الاعضاء بالمنتدى

اتمنى اني عطيتك معلومات كافيه
تحياتي لك ..

[جو واب]

اخواني .. دز كول .. وسعود .. الله يجزاكم خيير

وصلت الفائدة ان شالله ..

وبالنسبة لكلام اخوي سعوود .. نفس كلام واحد من الربع وصيته يجبهن من الرياض .. يقولك بن زقر عليه غلاف اصفر ومعه ضمان


لكن بعد ما شريت حصلت موزع بالقصيم .. بعنيزة .. الاندلس للكفرات .. يبيع الواحد ب/635

[سعود2006]

ههههههههه معروفه ي رجال الواحد فينا بعد مايشتري الشي يحصله في مكان ثاني ب ارخص

بس ترا ال100 ريال ماتضر تروح وتجي لاتتحسف انك لقيتها ب ارخص

تقطعها بالعافيه وتكشت بي عليها هههههه

[جو واب]

ههههههههههههه عز الله


ما طلبت شي اخوي .. خل المطر يجي ان شالله وتزين اجوائنا ..

اليوم ,, ممطرة على طريق المدينة مشالله

[T33]

الدانلوب الحجري الظاهر نوعين

اللى مقاسه 235 /85/16
والثاني
750 معرف تكملة المقاس

انا اشريت الاول من جده ب 680 وراد بن زقر ابو نايلون اصفر

عموما الرياض دايم ارخص