السياره تطفي فجأه وصوت غريب قرب المكينه

[YUKON_GMC]

السلام عليكم ..

ابي مساعدتكم العاجله لأن عندي سفر يوم 28 من الشهر 1500 كيلو

والسياره صارت فيها مشكله حيرتني وخسرتني


السياره تاهو 99 سعودي حجم المكينه 5.7 لتر

قبل اسبوع صار فيه تقطيع خفيف يبان مع الطلعات او دعس البنزين بس غيره مايبين ..

سافرت وبعدها قالوا طرمبه ... لأن احيانا يطلع لها وزيز خفيف .. غيرت طرمبه امريكي رقم 2

ولاتغير شيء الموتر هو نفسه .. مع العلم اني لقيت فيه طرمبة الوكاله الاصليه ال gm

تطور الوضع قبل امس ان الموتر يكتم ويطفي خصوصاً لما يحتر ويطلع صوت صفير في الطرمبه

وصوت زيه قرب المكينه واذا صابته الحاله هذي طفي وعيا يشتغل .. وبعد عدة محاولات يشتغل ..

شيكت عليه كمبيوتر وقالوا لازم تصفيه كامله كل شيء تغيير حتى الطرمبه .. حول 4000 ريال

يعني يبون يغيرون كل شي الزين والشين ..


غيرت كتاوت الطرمبه ب 50 ريال ولافاد .. واكيد المشكله ماهي من الطرمبه لأني ركبتها والموتر ماتغير فيه شيء ومغير معها صفايه جديدهـ


من مرت عليه الحاله هذي او يتوقع شيء معين ... لأن الوقت حرج وراي سفر ..

انا اتوقع ان فيه شي يكتم للموتر او حساس كهربائي عطلان بس ماني عارف احدده وين .. مع العلم ان هذي اول مره يسويها من اشتريته قبل ثلاث سنوات

[الكلاسك]

اي تشخيص راح يكون من خلال كلامك اللي كتبته :
ذكرت انك غريت الطرمبه ولا تغير شي ثم ذكرت انك ثاني يوم تغير صوت الطرمبه صار لها وزيز
معناته ان الطرميه ما هي مظبوطه لانها خلال يوم واحد تغير صوتها !!
من خلال سردك للقصه اتوقع ان عندك حساس الكرنك هل سبق غيرته قريب ؟ لانه مسئول عن التفتفه والضعف .
وان شاء الله تظبط معك وبالتوفيق

[YUKON_GMC]

ياهلا والله

الصوت والتفتفه طلعت مع الطرمبة القديمه لكن الموتر مايطفي وغيرتها مع الصفايه ولكن ماضبط .. التفتفه مازالت موجوده والصوت قام يطلع مع الطرمبه الجديده بعد يومين من التركيب ..

التفته ماهي مستمره .. مره تطلع واذا وقفت الموتر وشغلت بعد ساعات تروح ولا كأن فيه شيء ..

من اوقفه واشغله مره ثانيه والتفته معه وهو حتى بارد ..

من احس التفته تصيبه ادري انه يبي يطفي بعد ربع ساعه ..


حساس الكرنك ماغيرته ولا ادري وينه ..

تتوقع منه ..

اغيرهـ يعني بس عسى ماهو غالي ..

وصوت الوزيز اللي عند المكينه .. اسمعه وانا داخل السياره بس افتح الكبوت ما اسمع شيء ..

الصوت اللي قدام هذا من طلع طلعت المشكله هذي

[عبقري91]

معي جمس ٩٢
٤٥٤ حجمه
اذكر كد صار معي صار يرمي ويطفي واذا اخذ اشوي اشتغل
ويتفتف ولا يطفي ومرات يطفي
ولا يشتغل وطلع من الديلكو
ومره قام يقطع بس اذا واقف واذا بديت امشي واذا اسرعة تروح وطلع من كثر ماتكون السياره مصفره بانزين
ومسكته خط وصرت ما اخليه ينزل بنزين وفتره وزان



يمكن انت من الديلكو
بس افصل اصبع البطاريه
وجرب

[بوعبدالعزيز84]

وعليكم السلام
اتوقع كلام اخوي عبقري صحيح من الديلكو لان طلع نفس الصوت الوزيز بجمس 98 ويوم فحصناه كمبيوتر ماطلع فيه غير الديلكو وبعض الاحيان مايشتغل الموتر نتركه كم ساعه ويرجع يشتغل وفيه ضعف بالعزم اذا احتر ووقفت عند اشارة اول ماتمشي تحس بضعف العزم افحص كمبيوتر منت بخسران انا اللي فحصت عنده ورشة القرعاوي بصناعية الثقبة ومجانا ماخذ فلوس

[YUKON_GMC]

الله يعطيكم العافيه يااخوان على الافاده

انا فحصت كمبيوتر عند ورشتين .. كلهم تقريباً يقولون تصفيه .. وكاتبين بالورقه لقطع الغيار ..

طرمبة بنزين - صفاية بنزين - بواجي - اسلاك بواجي - حساس كرنك - حساس الخانق - حساس الكربون - حساس الاكسجين - فلتر هواء

تنظيف بخاخات ..

يعني كل شي يبون يغيرونه جديد


عموماً

اليوم الفجر فكيت حساس الكرنك وغطا الديلكو لقيته مكسور طرف مخرج سلك الكويل

والعصر رحت واشتريت الغطاء ب 130 ريال اصلي والحساس ب 170 ريال اصلي والليله بركببهم واشوف الوضع


ان شاء الله تكون المشكله منهم وتنحل

[YUKON_GMC]

غيرت حساس الكرنك وغطا الديلكو بنفسي. لكن للاسف ماتغير شي.

اذكرو لي واحد يفحص كمبيوتر عند المعارض سعودي ورحت له وفحص ولاطلع شي. قال اكذب عليك ان قلت لك غير كذا والا كذا موترك ماطلع فيه اي شي بالفحص. سليم. واتصل على مهندس باكستاني يعرفه يستشيره وقال احتمال كبير التماس كهربا

أرسلت بواسطة GT-N7000

[YUKON_GMC]

Up

وين الناس

أرسلت بواسطة GT-N7000

[GMC89]

اخوي انا انصحك ترجع الطرمبه القديمه ( افحصها عند اي كهربائي ) لان الطرمبه اللي انت شاريها ما تنفع لو موترك سليم وش لون لو فيه تفتفه ومن الامور ذي !!
ثانيا الحساسات اللي انت ذكرتها ( حساس كرنك - حساس الخانق - حساس الكربون - حساس الاكسجين -)
فكها واحد واحد ونظفها ولو حصل تاخذها كلها وتروح لاي كهرائي تعرفه وتساله عن وظيفتهم وتشوف اي واحد خرابه اقرب لحاله موترك ..

ثالثا بعد ما تسوي الخطوات اللي فوق رح لمحلات قطع الغيار الياباني و اشتر منظف بخاخات مستوبيشي اللي تصبه بالتانكي وخذ علبتين وصبها بالتانكي وفلل بنزين ( وانت واقف عند المحطه صب العلبتين بعدين قله يفلل بدون ما تشغل السياره ) وامسك خط 80 كيلو وفيها وان شاء الله بيضبط موترك

[عبقري91]

الي طلع بديلكو شعر او مخش داخل الحديده الي تدخل علا المكينه
يعني الديلكو يطلع كله يسحبونه من المكينه
والفحص لازم يطلع خربات لو جديده مركبها خص امور التصفيه دايم يطلعها

[بسطويسي الفخر]

السلام عليكم
وكل عام وانتم بخيراانانفس مشكلتك عندي
تاهو2007 اذا طفيته وعبيت بنزين وشغلته يعلق السلف واطفيه واشغل الموتر ويشتغل عادي وسافرت عليه مرة مسافه حول 700 يوم وصلت طفي علي الموتر واشغله يشتغل ويطفي ووقفت فترة نص ساع واشتغل تمام ومشيت
واذا مشيت بالحر مسافه طويله يطفي والايام هذي امشي 50 كيلو يصير يطفي كل شوي عليه اخاصه اذا البنزين فوق الربع بشوي هل تتوقعون الطرمة حقت البنزين والا وشوخاصه انه داخل الرياض ماعنده مشكله وسافرت عليه من الطايف للجنوب ماطفي عشان الاجواء بارده
اذا لقيت حل انت والا الشباب دلوني

[YUKON_GMC]

الله يعطيكم العافيه ياشباب لكن لم اجد حل لهذه الساعه

سافرت عليه بالعيد 1500 كيلو

مع الخط يتفتف على خفيف ومع الطلعات يتفتف ويقطع بقوه

والا وقفت 10 دقائق والمكيف شغال وطفا لا يشتغل الا بعد ربع ساعه ..

فحص كمبيوتر اخر مره لم يظهر اي عطل

[YUKON_GMC]

سبحان الله وبحمده سبحان الله العظيم

[ls1.5700]

هلا اخوي يوكن
فيه عددت اسباب لازم تشيك عليها
1 البخاخات يمكن فيهم تهريب في الربله ويطلع البانزين برا او يكون البخاخ مسكر او خربان
افحص كل بخاخ لحاله بفصل الفنش الي راكب بالبخاخ وشوف يتغير صوت المكينه ولا لا
اذا تغير معناته مافيه شي ممتاز وذا فصلته ماتغير شي بيكون هو السبب يعني خربان غيره
2 الكويلاات نفس فحص البخاخ تاكد منهم قيد يكون فيهم ضعف او خراب مايعطون شراره كافيه
3 الحساسات نفس العماليه قم بفحصهم نفس الطريقه
4 طرنبة البانزين افحصه عند اقرب ورشه بدون ماتفكه عندهم ساعه فحص وشوف كم يوصل بالساعه
اتوقع الطبيعي من 55 والسياره شغاله بدون ماتدعس بانزين وذا دعست توصل 58 الى 60 ممتاز
5 الرقليتر يجي فيه فلتر فكه ونظفه
ارجو من الله العلي القدير اني افدتك

[YUKON_GMC]

^^^

الله يعطيك العافيه اخوي ..

معلومات قيمه ومفيده واتوقع مثل ماقلت .. لأنه في فحص الكمبيوتر طلع سليم ..

لذا اتوقع ان المشكله مشكلة ضعف بنزين وجاري البحث عن السبب وتطبيق ماذكرته قريبا ,,

[أصيل حجآ زي]

http://im.gulfup.com/2011-02-10/12973306271.jpg



أخي الكريم / YUKON_GMC


أبداء بالأسهل الأسهل والأرخص الأرخص .
وبعدين لـــكــــُل حدث حديث :



يوجد مـــُنظف لنظآم الوقود تبيعهُ شركة متسوبيتشي
بقوآرير { قنينة} تــُشبه قوآرير العطر غير أنها معدنية .
http://www.zerotohundred.com/newforums/attachment.php?attachmentid=351310&stc=1






http://www.dealershipaccessories.com/stores/images/items/item_50467.gif






أشتر قآرورتين من 37 الحبة .
وضعها مع نصف الخزآن .



وجربها حتى أخر قطرة بالخزآن { لا تنزل عن رُبع الخزآن كثير } .



أو مٌنظف أس تي بي بس أشترهُ من قطع الغيآر مختوم
لا تشتريه من الشيش { محطآت المحروقآت } يغشوه جمآعة علي بآبا .
يعبو لك وأذا وليت { أقفيت } أستعآدو العلبة
وعبوها بنزين وبآعوها على غيرك لذلك لا يكون لها فعآلية .
بتقول لي ملصقة { صحيح } يلصقوها بالغرى بريآل :






http://www.speeding.co.uk/acatalog/fuelinjectorcleaner.JPG






http://images.thehappymotorist.co.uk/product-images/big/hm_1766.jpg





http://cn1.kaboodle.com/img/c/0/0/155/6/AAAADF2gxzMAAAAAAVVuNg/clorox-78358-stp-fuel-system-cleaner-12oz.jpg?v=1305276265000



لا تستهون شيء ولا تنظــُر بعين وآحدة
أو من زآوية وآحدة أو لرُكن دون رُكن .
أفحص سلك الفتيل { فيوزبل لنك fusible link }
هذا سلك تحصلهُ بجوآر سلك البطآرية السآلب مشبوك معهُ
وبالسيآرآت الحديث مــُظلآتها حولوه لفتيل / فيوز / مصهر
بعــُلبة الفتآيل{ المُصهرآت / الفتآيل Fuse } والمُرحلات .


والله وآحد سوى أشترآك لوآحد
وما خلى شيء الا سوآه
وما أشتغلت السيآرة .


وكتب موضوعهُ .
وذكرتهُ بأشياء كثيرة منها سلك الفتيل .
ورد علي على طول وقآل يابويه أنا كهربآئي ووووو

وبعد يوم أو يومين رد علينا وتشكر وأثنى قآل
فعلآ حصل السلك المذكرو أنفآن سلك الفتيل محروق
لذع سلك الفتيل مع الأشترآك غيرهُ والحمد لله أشتغل المـُحرك .
لأن حتى لما تسوي أشترآك مفروض بالطريقة الصحيحة وهي :
أول أشبك السلك الأحمر { الموجب } بأصبع السيآرة الشآحنة { اللي شغآلة }
ثــُم أشبك السلك الأحمر { نفسهُ } بالسيآرة المشحونة { المطفية } .

ثـــُم أشبــُك السلك السآلب ببطآرية السيآرة الشآحنة { الشغآلة }
ومن ثم أشبــُك أخر مسآكة / ملقآط للسلك السآلب ببطآرية السيآرة المطفية
بأصبع البطآرية الميتة السآلب بطريقة سليمة حتى لا تلذع شيء بالسيآرة
لا تحرّق شيء لا سمح الله .
بس قبلها أذا رئيت أيآ من أصآبع البطآريتين الأربعة مصدي / متآكسد
نظف الصدى زين قبل الشحن بفرشة حديد مثل فرشة تنظيف الأسنآن .
أو بليفة بعد تنظيفها بخرقة لأبعآد الصدى / الاكسدة / الوسخ .
هذا يسمح للكهرب بشحن البطآرية الميتة بســُرعة وسلامة .


ثــُم أذا لقيت السلك المصهر / الفتيل أو الفتيل { الفيوز المصهر }
محروق / مقطوع / ممزوع / متنفخ أو مفصول غيرهُ بجديد بنفس القيمة :
بس لا تغيرهُ بسلك عآدي ترى يحرق السيآرة الا أن كــُنت
بالبر فتغيرهُ بسلك أنحف / أنحل / أسخف منهُ
بما يــُعآدل نصف السمآكة / الثخآنة من الدآخل حتى
ترُد الديرة وتغيرهُ بنفس سلك الفتيل من الوكآلة أصلي فقط .

أحيآنآ ما يكون وآضح أنهُ محروق أو مقصوص أو مقطوع
لأنهُ يكون مدبوج / مهروس تحت العآزل المطآطي / البلاستك
ويبآن بأنتفآخ أو أنتفآخآت / تبعــُجآت / نفط أو نـُفط بالعآزل المطآطي :

خــُذ لك هذي تحت جيمع صورهُ وأشكآلــُه وهندآمتهُ وأصنآفه
ويمكن يكون بسيآرتك في عــُلبة المُصهرآت مثل الفيوز / الفتيل :
http://www.procarcare.com/images/shar/encyclopedia/8852DG18.gif



http://www.eldorado-seville.com/assets/fusible_link_BG_MG_8665.jpg














وهذا رآبط للفتيل السلك / المصهر fusible link تحت
غوغلهُ { قلبهُ } علك كيف كيفك وأن شاء الله بتحصل العلة والخلل :

http://www.google.com/search?tbm=isch&hl=en&source=hp&biw=1366&bih=566&q =fusible+link&gbv=2&oq=fusib&aq=0&aqi=g10&aql=&gs_ sm=c&gs_upl=1643l11925l0l15975l5l5l0l0l0l0l691l284 3l4-1.4l5l0 (http://www.google.com/search?tbm=isch&hl=en&source=hp&biw=1366&bih=566&q=fusible+link&gbv=2&oq=fusib&aq=0&aqi=g10&aql=&gs_sm=c&gs_upl=1643l11925l0l15975l5l5l0l0l0l0l691l2843l4-1.4l5l0)

شــُف بالصورة تحت فتيل مصهر / فتيل سلك :
http://www.atlanticz.ca/zclub/techtips/fusiblelinks/correct_fusible_links2.jpg




وهذي تحت صورّة الفتيل المصهر على شكل مصهر / فيوز
تحصلــُه بعلبة المـُرحلات { الرلي Relay } والفتآيل / فيوز Fuse :
http://i38.photobucket.com/albums/e102/4x4Fink/1985%204Runner/85_Runner_80A_fuse_3.jpg


http://i38.photobucket.com/albums/e102/4x4Fink/1985%204Runner/85_Runner_80A_fuse_4.jpg





وبعضها خآرجي مع زي هذا تحت أو قريب من البطآرية
فتيل / فيوز بادء التشغيل { المقوم / السلف / الأستآرتر Starter } :
http://i38.photobucket.com/albums/e102/4x4Fink/1985%204Runner/85_Runner_80A_fuse_5.jpg


أنت فتش وشخص وتفحص وأصلح وخرّب في سيآرتك
بنفسك وبشحمك ولحمك { DIY } وتعلم بها بدلا الخـُبرة وأبو هنود
بدل ما يتعلمون بها هــُم يوخربوها ما يضــُر لو أحرقت فتيل فتيلين وتعلمت أنت

شــُف يالأدهـــــم العربي :
التفتيش بروية والتشخيص بتمــعــُن وتفكير صحيح أكثر من 70%
من أيجآد الحل والكشف الصحيح عن العلل ومشآكل السيآرآت والأجهزة وغيرها .

وهذا الذي أنا برعت فيه ولله الفضلُ والحمدُ والمنة التفتيش بالتمعـــُن والصبر
وتقليب عيونك يمين يسآر فوق تحت وبكشآفآت أو أضواء قوية وبمرايا وغيرها .

ما فيه شيء صعب ولا بــُه شيء مـُستحيل
تقدر توضب وتصلح سيآرتك بنفسك بشحمك ولحمك { DIY }.

بس لنرمي الكسل بالزبآلة
وننفـــض غــُبآر الخمول والنوم وغير ذلك .



أقسم بالله العلي العظيم أني تعلمت بسيآرآتنا / سيآرآت الوآلد وأنا ما أعرف أفـُك مسمآر
خبصتها يمين يسآر من زمآن وكنت قبلها أصلح كهرب البيت القديم من غير أي خبرة ولا درآسة
بس حـآول تتعلم من الأشرطة التي أرفقها أنا بدروسي وغيري بموآضيعـهــُم وأي خدمة مــُستعدين تآبعنا

لا تخآف لن يحترق أي شيء بأذن الله ما دآم فيه فتآيل / مصهرآت / فيوزآت ومُرحلات Relay
بس حآول لا تشـبــُك شيء في غير محلهُ ولا تركب مُصهر / فتيل أو مُرحل أكبر من قيمتهُ Amps :
http://i38.photobucket.com/albums/e102/4x4Fink/1985%204Runner/85_Runner_80A_fuse_3.jpg





أحيآنآ:
يكون سلك تأريض / قرآند على قول العـُربآن GND / Earth .
محلول من قآعدتهُ أو مقطوع أو مقروص أو تحت قآعدتهُ صدى أو وسخ
أو صبغ أو ما هو مشدود زين وتأكسدة / صدة قآعدتهُ .

لا تستعجل وأفحص وشخص زين .
ولو تلقى مـهندس / كهربآئي شآطر وبديهي
هو اللي بيحصل الخلل ويحلها لك بأذن الله
لا تغــُرك اللوحآت الكبيرة ولا الفهلوة ولا الورش الكبيرة المنورة بأنوآر كثيرة .
كــُلها بهرجة وضحك على اللحى وخدآع النآس وغش ونصب وأحتيآل .

بأعطيك عدة روآبط وأبداء أولآ بتنظيف المُبخر
المُبخر غير المبخرة { تشآركول كآنستر }

المُبخر هو صمآم بعضها يشتغل بالكهرب وبعضها بهواء الشفط { الفآكيوم Vacuum }
حسآسـآت تمنع تشغيل المـُحرك وكيف تغييرها بالأشرطة وموآقعها بالصور /// والرموز !!!!!!! (http://www.mekshat.com/vb/showthread.php?t=433621)

كيف تعرف وتصون وتوضب وتختبر صمآم المبـُخر {EGR} بالصور والأشرطة وشروح {DIY} ؟؟؟؟؟؟؟ (http://mekshat.com/vb/showthread.php?t=465656)


كــيـف تـغـيـر الــبـوآجـي وكـيـف تـقـراء مـؤ أشــرآتـهـا { دلالات} الخرآب من لونه (http://www.mekshat.com/vb/showthread.php?t=254734)



بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)


د رس في / لــو نــط { خـرج } بـوجـي أشــعــآل مـن مـُحـرك سـيـآ رتـك ؟؟؟ ما الحل ؟ (http://www.mekshat.com/vb/showthread.php?t=237847)


لمــُغـذي الوقود { الــمــُكـربن / الكربريتر carburetor } :
كيف توزن / تعدل / تصلح / توضب / تصون مـُغدي الوقود { الكربريتر carburetor } ؟؟؟؟؟؟؟ (http://www.mekshat.com/vb/showthread.php?t=433423)

وأذا مــُغذي الوقود بخآخــآت أليك دروسي للخآنق ولحسآس اللهآث :
كـيـف تـُـعـرف وتـصون وتنظف حسآس الخمول وحسآس هواء الثرتل بدي بسيآرتك الجديدة ؟؟؟ (http://www.mekshat.com/vb/showthread.php?t=292949)


كـيـف تـنـظـف حـسـآس اللهــآث وهل تـخـلـيـط وقود مـُمــتآز95 مع عـآدي91يـضـُر ؟؟؟ (http://www.mekshat.com/vb/showthread.php?t=257452)



كــيــف تـغـيـر صـفـآيـة {أسكرين Screen} الـوقود الدآخلـيـة دآخل خـزآن الوقود ؟؟؟ (http://www.mekshat.com/vb/showthread.php?t=292312)








ا لرطوبة و تــفــتـفـــة مــُـحـركــك / بــعــض حـلـول ا لـتـفــتـفـ (http://www.mekshat.com/vb/showthread.php?t=232191)ة



بـعـض حـلـول تـفــتـفــة مـُحـرك سـيـآ رتك / فحص الشآحن وتغيير البوآجي بأصلي. !!! (http://www.mekshat.com/vb/showthread.php?t=227152)






تـحـيــــــــــــــــآ تي



<<< أ بـو عـبـد ا لـرحـمـن >>>



""" ا لأ صـيـل ا لـحـجـآ زي """

[YUKON_GMC]

^^

الاصيل الحجازي .. الله يعطيك العافيه ماقصرت على الشرح والروابط وسأقراها لاحقاً ان شاء الله

مع ان لي شهرين وانا بلحمي وشحمي تحت السياره وثياب النوووم كلها راحت وطي من كثر التدحرج تحت الموتر

حتى اني نقضت اسلاك الطرمبه سلك سلك من الفيوز حتى التانكي وجميع اسلاك البطاريه فكيتها وتأكدت منها ورجعهتا

حتى البطاريه غيرتها جديده


مع الموتر اسلاكه وكل شيء فيه وكاله لم يتم قطع او جرح سلك واحد من قبل ولايوجد صدأ او اهتراء ولله الحمد

صندوق الفيوزات فكيته وحتى كمبيوتر السياره فكيته مع اللي ذكرته اول الموضوع

ما ابغى اشتري واركب على عماها واتخسر زياده يكفي ماخسرته بالسياره لحد الان ولم يتحسن ولو 1%

لو فيه ضعف حساس او كهرب او التماس او اشيء كهربائي سوف يظهر بالفحص

الموتر اخر مره فحصته كمبيوتر يقولون لم يظهر اي شيء بالفحص مع انه يتفتف عندهم بالورشه


واتوقع المسأله مساله انسداد في البخاخات او المواصير او الحلابات او تنسيم بالثلاجه

اتوقع لاتتعدى هذه الثلاثه