طيري غسل ريشه كامل ... طيري باقي له .! مخاوي ألذيب

[مخاوي الذيب 305]

السلام عليكم ورحمة الله

عيدكم مبارك وعساكم من عواده
أما بعد
أنا إشوف ناس طيورها صفت وناس
على وشك تصفي
وناس باقي علئ طيورها 4 - 4 !!!
الحين الطيور اللي مصفيه
هم مبكرين ولأ عادي ؤاللي باقي لهم متأخرين
ولأ لا
لأني شفت حر ربع باقي له أربع أربع يعني يصفي متى
على شهر 11 أو 12 ؤاللي طيره متأخر يعطيه كورسات يلحق علئ شهر 9
أو 10ولأ لا
ولقيت راعي جبليه بكر باقي لها 3 يقول لو ما صفت على نص 9 بنقلها ويصير اللي يصير !!!!
تعليقكم لو سمحتوا
وعطونا كم باقي لطيوركم
وسمحوا لنا علئ الأخطاء كاتب ببلاك بيري
والسلام عليكم

[ســـبــار ربــعـــه]

بالنسبه للطيور الي ماقطت الموس الى الأن اتوقع الوقت بدري.
و الطير الي باقي معه موس ونايفه بيلحق خير ان شاء الله.
اما الطير الي باقي له 3*3 يمكن ان شاء الله يلحق اذا نقل طيره ودهله قبل يوصل الموس النص ويتوقف عشان ماتفرد. واذا تعدى الموس النص يدعي من قريب لين يصك موسه.
اما الي باقي معه اربع اربع الله يعينه متاخر.
بس الرزق عند الله سبحانه وتعالى.
ولكن الأفضل يشيكون على مدهنة طيرهم اذا سليمه ينزلون عدته تدريجيا ثم يرفعونها.
تحياتي.

[(هزاع)]

بعض الطيور طبيعتها ماتصفي بدري
وبعضها يبقابها ريش ولاتصفي بأسباب
ومن اقوى الاسباب المدهنه ولتهاب الكبد ونقص الفيتامينات
واكثر ماتصاب ولايدري عنها صاحبها /الطيور اللي بالمقيض الطلق
افحص طيرك فحص كامل قبل المقيض ونوعله العلف وراقب مدهنت طيرك ونشدني عن الريش عقبها باذن الله اول وتالي

[سيف الهواء]

اسباب تاخر الطير في حذف الريش اسباب اما طبع بالطير او امراض تعرض له بالربطه

والله اعلم

اما الطير الطبيعي في ذالوقت باقي فيه امواس او دوبه قاط الامواس

واللي فيه اكثر من الموس الله اعلم انه متاخر

ولاخوان ماقصرم افادونا ولك جل احترامي

[عيد العازمي]

عليكم السلام ورحمة الله وبركاته

علينا وعليك يتبارك


اول شي ياشباب الطير قطه توافيق من رب العالمين


وثاني شي الطير اللي من مرض على كلامكم مايقط من قال؟


ان المرض مايمنع الطير بقط الريش


انا اللي اكلمكم اخر الوقت كانت عندي شيهانه تقط السوابع والسوادس والقواطي


وهي تعبانه ومريضه وموليه بالمره والدليل على انها موليه




لحقت دحل وزبن الدحل بالبرقيه وتعلق اسبوق الشيهانه فوق بالبرقيه


وقعدت بالبرد ليل ونهار خمس ايام وهي متعلقه تقول ميته


وانا كنت قاعد عندها يوم تعلقت قعد عندها يومين وثاني يوم كانت فاتحه جنحانها وخليتها قلت ماتت هذا ثاني وبعدها بثلاث ايام جاني اتصال شهانتك صايدها ؟



بصراحه استغربت بس الغريب ان الشخص اللي داق علي صايدها خامس يوم تحت مكانها اللي كانت فيه وشفتها بين الحياه والموت والله ماتوقف .. كله اطيح متعوره بالحييل والله


لكن


سبحان الله الحي حي


لكن اذا عن المدهنه انا معاكم ان الطير مايقط اذا مسكره او خربانه مدهنته


لكن الامراض اقسم بالله انها ضعيف وجساس ودود رئه ودود كبد وتمرش عزكم الله دم وفوق هذا تعبانه يالله لك الحمد تقط على كل اللي فيها


وصحت وصفت والحين عند رفيقي عسى ربي يباركله فيها


والله على ما اقول شهيد




تقبلو تحياتي

[صقار الأسياح]

صبااااااح الخير
الرجال اللي بيجهز طيره ويقنص مع بداية الحباري وباقي طيره ريش متاخر
يعني الطير اللي ماحذف الموس الى الآن متاااااخر ترى المقناص شهر 12 هجري يعني يبيك من بداية شهر 11 تدعي باذن الله 1/11 ابدا الدعو

[قناص الخبه]

افادوك الاخوان ممايحتاج نكمل

[خيال سهيل]

انا ماني خبير بالقرنسه لاكن عندي خلفيه بسيطه يمكن تفيد

قط الريش على وقته يعني الطير حذف الموس بشهر 7 ميلادي العام السنه بنفس الوقت يحذفه
وهذي ترجع لطير وطبعه في الخذف الا اذا المدهنه فيها سدد او ملتهبه او اي صادف خارجي
اما الطير الي يعلف مضبوط يمش على الموعيد حقته
وهذا كلام اسمعه من اهل المرابط والي عندهم خبره بهالمجال اكثر مني

[قلب ذيب]

مرحبا بالجميع .
. . . هذه عادت الطيور اللي حذف واستكمل ريشه واللي عده , ويعتمد ذلك على المقيظ ومتى ربط الطير , المهم الوقت توه , وعادنا في كنة القيض وقدامنا شهرين تقريبا على البراد , المهم من ينقل طيره فيهذه الاجواء وحتى بعد العيد عليه العنايه به والدعو الفجر ونقل الطير على اليد وعدم تفريعه على الوكر حتى لايتعب ويتملع ويصير عرضه للامراض .

[طاسان]

انا اقول الطير الي ماحذف موسه قبل سهيل ٢٤/ ٨ متاخر والسبب ان نقلت الطير في ١/ ١٠ ميلادي يعني حوالي ٣٦ يوم من سهيل لنقله في ١/ ١٠ يعني الموس توه يببله ٧٠ يوم لين يتم ويكمل افضل نقله لطيور في ١/ ١٠ ميلادي علشان يمديك تجرد الطير في اول الوقت علشان نستقبل الحباري بي الحفاوه والتكريم (الوسم في ١٦/ ١٠)بداية عبور الحباري