حتى التيوس مريضة ؟؟؟؟

[Barakuda]

السلام عليكم

كان الخروف النجدي هو اللي مشهور بالطواليع (الخواريج) وكنت أتعب وأنا أدور الخروف النظيف وبعد كل هالتعب أحيانا ألقى الخراج طالع في ضلوع الذبيحة من الداخل وهذا اللي خلاني أعزف عن الخروف النجدي المشكلة أني في النصف من رمضان قررت أخذ تيس بدل الخروف ((قلت في نفسي أنظف وأطيب في الطعم)) والمشكلة لقيت حتى التيس طالع فيه خراج في اللحم من الداخل

بعد هذي المعاناة قررت أتجه للنعيمي أو الساكني أو حتى الغنم الصومالي...شوركم يا جماعة؟؟؟؟

[راعي اللزقز]

كل الغنم فيها طواليع والسبب الشعير

[راعي اليخاندر]

اخوي انا من زمان مريح راسي
اذا بغيت اخذ للبيت ما اتعداء الساكني اللي له شهر واكثر واصل
اذا عندي مناسبه النعيمي لحمته طعمه ومفطحه يفتح النفس للاكل

[راعي النوادر]

طيب الساكني كيف طعمه نفس طعم النعيمي او النجدي والى فيه طعم زنخه مثل التيوس الباكستانية

[أبوحمد 505]

طيب ليش ماتاخذ لحم حاشي أفضل من لحم الغنم

شحومة قليلة يعني صحي وهبرتة حلوة والذ واطعم

خذلك ربع ولا ثمن ولا تاخذ الا صغير في السن يجي علية لحمة طعمها خيال

[راعي بشير]

طيب ليه ماتاخذ لحم حاشي

[ABU MANSOUR]

.
.

يا أخي


أنا صاحب نجد من سنين وأعطيها شعيرا يوميا ولا عمر غنمي جاها طواليع

أعتقد أن السر في التغذية والمكان لازم يكون نظبف ونفه وأبتعد عن الأحواش المغلقة تراها ساس الأمراض.


ز
ز
ز

[نادر القلادي]

الله يشفيلها انشااء الله