عندي مشكله ماعرفة حلها

[أبوساري 99]

السلام عليكم ورحمة الله وبركاته


عندي كامري موديل 2006 فيها مشكله على معتقد بالكهرباء يجي فجأه تطفي السيارة كاملة مع النور والمكيف والسيارة متحركه خلال خمس ثواني أو اكثر وبعدين ترجع لوضعها الطبيعي رحت فصحت عند الكهربائي قال مافيها شي السيارة سليمه مع العلم ان المشكله تجي فترات كل شهرين أو أقل ولا عرفت المشكله إلى اللحين اللي قد مرة عليه المشكله يبلغني أو يرشدني لكهربائي جيد




شاكر ومقدر تعاونكم

[الكلاسك]

شيك على الكهرب السالب اللي يجي من البطاريه وينشبك في البدي
والسلك اللي ينشبك من البدي للمكينه تأكد منها
هل سبق ان فكيت المكينه !! او المالك السابق فكها !!
غالبا ينسون السلك وتصير مشاكل او يكون فيه ضعف بالتوصيل
تحياتي لك

[أبوساري 99]

حياك الكلاسك

شيكت على كهرب السيارة كامله من تسليك بطارية وفيوز وكتوات وفحصات الأسلاكه كلها مافيه شي والمكينه شد بلد مو مفكوكه والسياره لها سنتين معي اول مره يصير معي العطل هذا ....

[كاشت وحداني]

هل نظفت الثروتل
اذا كان لما تهدي تبي تخش حاره او بتوقف عند اشاره تتتف السياره واحيان تطفى هذا الثروتل دايما في الكامري 2005 -2006 يحتاج تنظيف
موتري كنت انظفه باستمرار وما شاء الله خفه في الممشى

[أبوساري 99]

حياك يا كاشت


السيارة مافيه تفتفه ولا فيها اي شي المشكله هي تطفي من حالها خمس ثواني إلى ثمان ثواني وترجع لوضعها الطبيعي


وبعدين الصراحه ماعرفة انا وش قصدك ( بالثروتل) اللي يبغى تنظيف ياليت توضح لي أكثر وأكثر الله يعطيك العافيه ؛ شاكر ومقدر حضورك .

[أبوساري 99]

الله يعطيكم العافيه الجميع

[كاشت وحداني]

لاشكر على واجب اخي
الثروتل طال عمرك
بشرحه بالعاميه
شفت القربه اللي فيها فلتر الهواء
اللي ينفخه البنشري لما تغير زيت
امش مع ماصورتها البلاستيك لين توصل في حاجة كبيره المنيوم وفيها سلك البنزين
تراها نازله شوي بين المكينه والبودي من جهة الغماره
هذاك الثروتل او باسم اخر بوابة الهواء
طبعا الكامري لاحظتها بالذات تحتاج تنظيف باستمرار للي مشاويره واجد في منطقة زي الرياض دايم يجيها غبار
علامات احتياج الثروتل للتنظيف
ضعف العزم
انخفاض امبير الضغط عند تهدئية السرعه
واحيان انطفاء الموتر
على فكره
نسيت اقولك كان عندنا كامري 2002
مع كبسة النور العالي يقطع الموتر يطفى ويرجع بسرعه
طلع وحده من الكتاوت السود الكبار تلاقيها في علبة الفيوزات اللي في الكبوت
سؤال ؟؟ مركب زنون عالموتر
اذا مركب من الافضل تلغيه وتخليها طبيعيه وركب شمعات 80/100
والكامري معروف نورها ما يحتاج

[الضامي 2012]

لاشكر على واجب اخي
الثروتل طال عمرك
بشرحه بالعاميه
شفت القربه اللي فيها فلتر الهواء
اللي ينفخه البنشري لما تغير زيت
امش مع ماصورتها البلاستيك لين توصل في حاجة كبيره المنيوم وفيها سلك البنزين
تراها نازله شوي بين المكينه والبودي من جهة الغماره
هذاك الثروتل او باسم اخر بوابة الهواء
طبعا الكامري لاحظتها بالذات تحتاج تنظيف باستمرار للي مشاويره واجد في منطقة زي الرياض دايم يجيها غبار
علامات احتياج الثروتل للتنظيف
ضعف العزم
انخفاض امبير الضغط عند تهدئية السرعه
واحيان انطفاء الموتر
على فكره
نسيت اقولك كان عندنا كامري 2002
مع كبسة النور العالي يقطع الموتر يطفى ويرجع بسرعه
طلع وحده من الكتاوت السود الكبار تلاقيها في علبة الفيوزات اللي في الكبوت
سؤال ؟؟ مركب زنون عالموتر
اذا مركب من الافضل تلغيه وتخليها طبيعيه وركب شمعات 80/100
والكامري معروف نورها ما يحتاج



ياخوي عندي ددسن نفس المشكله الي انت ذكرت ووديته لاكثر من ميكانيكي وكهربائي ولا عرفوا العله ممكن توريني الثروتل بالصور علشان افك الي بسيارتي وانظفه

[كاشت وحداني]

ياخوي عندي ددسن نفس المشكله الي انت ذكرت ووديته لاكثر من ميكانيكي وكهربائي ولا عرفوا العله ممكن توريني الثروتل بالصور علشان افك الي بسيارتي وانظفه

اخوي الضامي اساءال الله ان يسقيك من ماء الكوثر
عندي لك رأي
افتح موضوع جديد واطرح مشكلتك بالتفصيل
حتى يكون تركيز الشباب على موضوعك بدال ما يتداخل مع موضوع اخونا ابوساري

Sent from my iPhone using Tapatalk

[الصيادالمليح]

وديها ورشة وسوي لها تصفية مكينة

و إن شاء الله مشكلتك تختفي

جاتني نفس مشكلتك مع كامري 1994 و غيرت البطارية و اختفت المشكلة

هل أنت مركب إضافات كهربائية في السيارة ( زنون - شرايح - لمبات إضافية ) لأنها كلها بتسوي تغيير في أمبير السيارة و تحتاج لبطارية أقوى أمبير

[abo aryam]

السلام عليكم
اعتقد المشكلة في اصابع البطارية او في الكتاوت وجرب تفحص عند اكثر من فني .تحياتي

[أبوساري 99]

حياك الصياد ومراحب فيك Abo aryam

مشيك على الكهرب يالصياد مافيه شي والسياره مافيه اي شي زائد بالكهرب لا زنون ولا أي اضافات وشيكت وقال مافيه شي


لكن يالله نشوف فني كهربائي غيره لعلى وعسى نحصل العطل



شاكر لكم ومقدر حضوركم

[الحميضاني]

السلام عليكم كيف الحال
اخوي تاكد من اصابع البطااريه صارت معي نفس مشكلتك تقريبا اذا جيت اشغل ما فيه اي كهرباء بالسياره وطلع من اصبع السالب وشكرا

[القناص الهاوي]

اخوي السلام عليكم ورحمه الله وبركاته

يمكن ان تكون اصابع البطاريه او اسلاكها يوجد بها كربون والله اعلم