قصه فيها شي من الطرافه

[ابو عضيله]

في يوم من الايام دعاني احد المعارف تلفونيا والرجال ملزم لبيت الدعوه ووجدت عنده مجموعه من الناس البعض اعرفهم واذا بهم مجتمعين على عشا وفي وسط المجلس طير على مركى واذا بصحبي يسئلني عن نوع ذلك الطير فاذا به شبوط وكري قلت هذا وكري تبع واذا بصاحبه يعترض ويقول انت ماتعرف هذا حر قلت انا سئلت واجبت حسب معرفتي المهم قلت منين هذا الطير لانه اعرفه سواق مورسيدس ولاله بالصقاره اخيرا اعترف قال وقفت على الطريق اصلي المغرب وجاء هذا الطير ووقع على الكبوت وامسكته قلت خف الله ربما صاحبه حولك قال لا هذا رزق من الله واذا باحد الحاضرين يقوم من مجلسه ويمد يمينه على الطير ويطلبه الطير مطلوب مقابل خمسة الاف ريال وعندما تفرقنا وخرجنا قلت لصاحب الطير الجديد ليش اخذت الطير لانني اعرفه هو الاخر ماله بالصقاره ولا يعرف الصقاره كليا قال سوف اهديه على امير نصحته ان هذا الطير ما يسوى شئ لكن مصر بعد فتره قابلته بالصدفه قلت وش صار على طيرك قال رحت لرجل معرفه مشهور بالصقاره حتى يدخله على احد الامراء وطردني وقال بس رح بيعه باللي يجيب بسوق الحمام يقول ولما رجعت للبيت اعطيه علف املص من يدي وضاع هذه القصه ناخذ منها العبر التالي
1/ في ناس ما عندهم امانه ولا يعرفون الحلال من الحرام
2/ في ناس يسمعون بغلاء الطيور وعلى اعتقادهم ان الطور مثل بعض
3/ بعض الناس يدخل نفسه في امور لا يعرفه تنعكس علي
والسلام عليكم ورحمة الله وبركاته

[قلب ذيب]

اللي مايعرف الصقر يشوووووويه
ياما مرت علينا سوووالف من هذا النوع .
ونقلة الطير قادمه
وبتشووووف العجايب .
شكرالك .

[فاقدخوي]

فيه ناس ملاقيف يتدبسون غصب في 5000ريال

مشكور قصه عبره

[(هزاع)]

ياكثر ناس تنخدع في صورهم

[ابو سالم3000]

ههههههههههه الطمع شين

[طيرالحمــــاد]

:p:p:p:p:p

اشوا اللي انطلق

[راعي قزاز]

عواااااافي يابعدي. الشكوه الله.

[ساكن الغربية]

خله يتعلم :D كل دقه بتعليمه
ومشكور على القصة

[صقار الأسياح]

هههههههههههههههههههههههههههههههههههههههههه
يستااااهل وبيض الله وجهك عل هالسوالف

[الغرشوب]

ههههههههههههه .، يارجال ذكرتني بعمي .. قبل سنتين جاني يقول يامحمد وش ابشــــرك به قلت اسلم قال ياولد في راس بيتي عش طير والطير كفو وراقبته من بعيد الا وانه مبيض قلت اي اسلم كيف كبر الطير وانا اعرف المكان الي فيه كله شبابيط ( حماميق ) المهم قال حجمه لا هو بصغبر والا بكبير قلت وكاد ماكر شواهين < انا ابي ارفع له .. وقال لا تعقب هذا عش حر وحر نادر وان شاء الله ابي اجني الي بعشه قريب وابي امسك الي فيه .. والله واروح معه البيت واشوفه الا حماميق . واقول له يارجال هذا بتتعب في مسكه وثاني شي حرام عليك مامنه فايد اذا تبي اصبر الي بعد خمسه اشهر ابي اجيب لك 50 واحد منه .. الرجال يحسب اني اكذب عليه عشان اجي امسكه والله انه محاربني : حوالي سته اشهر المهم ..جاب عامل اللمنيوم وفك الدرايش وطلع فروخ .. ويمر الفروخ لـ. صقار كبيررر الصقار قال هذا ما يسوى العلف الي تبي تخسر عليه رجعها لـ.ماكرها الا وهو يتصل علي يامحمد رجعت الطيور وامها ما تجيها ابد وش السواه (والله اعلف فيها حول الشهرين ).
وبعدها بشهر يتصل علي يقول يا محمد مسكت صقر كبير ولونه طيب قلت انزين خله عندك الي بعد شهرين بجيك < انا اصرفه قلت اكيد باز ويتصل علي بعدها بيومين يقول تعال الطير مات والصقار الي رحت له شاف صوره قال هذا يبي يجيب لك فوق العشره الالف .. وامره الا بذا الطير الكفو الي متدودله سبوقه طير غادي على عرب وعرض في طيرق عمي حزة مغرب ومسكه .. والطير ابيض طير وافي . قلت وش سويت فيه قال والله جاء الصباح واعطيه كبده قلت اي قال واحطه فوق البرميل واربطه بالماسوره ( طبعا بدون برقع )وادخل انام واجي الا والطير غارق ومدري وش فيه عز الله حزتها قلت ليتني جيتك ..
والعذرر على الاطاله

[عاشق اكستريما]

يعطيك العافيه
قصة للاستفاده

[(هزاع)]

هههههههههه
الله يقطع شيطانك يالغرشوب
اجل رابط الطير بالماسوره

[عبدالرحمن بن ذياب]

هذا الطمع ونا خوك

[ابو عضيله]

شكرا لكل من مر على الموضوع واثناء عليه وهذ يدل على حسن ذات اعضاء وزوار مكشات واكرر الشكر

[ابو زايد1]

في يوم من الايام دعاني احد المعارف تلفونيا والرجال ملزم لبيت الدعوه ووجدت عنده مجموعه من الناس البعض اعرفهم واذا بهم مجتمعين على عشا وفي وسط المجلس طير على مركى واذا بصحبي يسئلني عن نوع ذلك الطير فاذا به شبوط وكري قلت هذا وكري تبع واذا بصاحبه يعترض ويقول انت ماتعرف هذا حر قلت انا سئلت واجبت حسب معرفتي المهم قلت منين هذا الطير لانه اعرفه سواق مورسيدس ولاله بالصقاره اخيرا اعترف قال وقفت على الطريق اصلي المغرب وجاء هذا الطير ووقع على الكبوت وامسكته قلت خف الله ربما صاحبه حولك قال لا هذا رزق من الله واذا باحد الحاضرين يقوم من مجلسه ويمد يمينه على الطير ويطلبه الطير مطلوب مقابل خمسة الاف ريال وعندما تفرقنا وخرجنا قلت لصاحب الطير الجديد ليش اخذت الطير لانني اعرفه هو الاخر ماله بالصقاره ولا يعرف الصقاره كليا قال سوف اهديه على امير نصحته ان هذا الطير ما يسوى شئ لكن مصر بعد فتره قابلته بالصدفه قلت وش صار على طيرك قال رحت لرجل معرفه مشهور بالصقاره حتى يدخله على احد الامراء وطردني وقال بس رح بيعه باللي يجيب بسوق الحمام يقول ولما رجعت للبيت اعطيه علف املص من يدي وضاع هذه القصه ناخذ منها العبر التالي
1/ في ناس ما عندهم امانه ولا يعرفون الحلال من الحرام
2/ في ناس يسمعون بغلاء الطيور وعلى اعتقادهم ان الطور مثل بعض
3/ بعض الناس يدخل نفسه في امور لا يعرفه تنعكس علي
والسلام عليكم ورحمة الله وبركاته
كلام سليم100%100

[صقار مبتدئ]

هههههه الطمع ضيع ما جمع

[وكري الشمال]

يعطيك العافيه على القصة الجميلة